علي كده بقي التريوس المفروض
تبطل تنزل ؟؟؟؟؟؟!!!!!
عرض للطباعة
علي كده بقي التريوس المفروض
تبطل تنزل ؟؟؟؟؟؟!!!!!
انتم بتستيهنوا بالتريوس صح ..
يا جماعة تريوس وخدة احسن سيارة دفع رباعي مدمجة في 2008 على مستوى العالم .. تخيلوا على مستوى العالم .. و بنفس المواصفات اللي بتنزل مصر اللي مش عجابكم و للاسف احنا في مصر منقدرش نستغنى عن العربية ميكنش فيها bluetooth صح ولا اييييييه !!!! .. العربية بيعة في اوروبا 80 ألف عربية في سنة .. ليدرجت إن الشركة بتقول إن العربية كانت بتبيع 3500 عربية في شهر .. و في برنامج topgear مدي العربية ممتاز و مش عاجباه العفشة عشان نشفة جداااااااا و كان مستغرب إنها بتمشي في أي حتى و بتطلع منها .. لو مش مصدقني دوره على نت عشان أنا بصراحة مش لاقي link ..
اااااااه و حاجة كمان العربية 100% ياباني ماعدا 7 راكب اندونيسي ..
عفشة بصراحة stiff جدا بس بتستحمل أي حاجة ..
تكيف مش وحش نهائي ..
عربية متورها برده مش ضعيف .. مع انه continous 4*4 الفئة أم 155 أظن ..
عايزين اييييييه تاني يعني ؟؟؟
+1111
تقول ايه بقي احنا بنحب كده شعب لما يحب يعلي عربية يخليها فالسما
ولما ما يحبش عربية نسمع احلي كلام وخلاص ...
هههههههه ولا حد متحيز ولا حاجة انا قلت رد واحد واستاذ حسام قال رد واحد وانتم اللى نازليين ردود على بعض وبتتهمونا بالتحيز ! دة احنا حتى مقلناش على التريوس وحشة !!!
طيب معلش انا مسمعتش عن انها فازت باللقب دا ياريت لينك او حاجه , وبرضه فى حاجه مهمه هى فازت باللقب دا بعد منافسه مع مين ايه العربيات اللى فئتها كانت بتنافسها وقتها على الجايزه والتريوس اتفوقت عليها ؟
ثانيا هو حد دلوقتى اتكلم فى بلوتوث ؟ هو انا هافضل عربيه عالتانيه عشان فيها بلوتوث , احنا بنتكلم فى اساسيات موتور عفشه فتيس تقفيل تصميم مساحه داخليه وبعد كدا الشكل والاوبشنز وقطع الغيار والانتشار واعادة البيع , دا الغير السعر طبعا اللى هو من اهم العوامل , ايه اللى فى التيريوس يميزها عن الباقيين فيها ايه زياده ؟
ثالثا بخصوص مبيعات اوروبا , فين المبيعات دى , انت عارف حضرتك ان فى يناير 2013 ماركة دايهاتسو دى هاتختفى من اوروبا ؟ ايوه هايقف انتاجها , وحاليا فى بعض الدول زى انجلترا مثلا خلاص قفلوا مفيش ستوك
وبعدين عمر ما شركة دايهاتسو كلها بكل عربياتها تريوس وسيريون وغيرهم وصلت ل 80 الف فى اوروبا , اكبر رقم كان فى 2007 باعت 58 الف عربيه بالتريوس بكله , واتفضل ادى اللينك من دايهاتسو نفسها بتاع وقف المبيعات ومكتوب فيه برضه ارقام المبيعات فى ال 5 سنين اللى فاتوا
DAIHATSU - News
ودا لينك دايهاتسو انجلترا
Daihatsu UK
رابعا ايه يعنى 100 % يابانى , هو اليابانى بينزل من السما ؟ عادى دلوقتى اليابانى بقى زيه زى غيره ويمكن اقل فى بعض الفئات , امال لو ماكنتش دايهاتسو كمان يعنى من اقل الشركات اليابانيه هى مش هوندا مثلا يعنى , لأ وكمان فى منها بتتقفل فى اندونيسيا
خامسا الموتور ضعيف ودى حاجه معروفه بنتكلم فى موتور عزمه 140 نيوتن وتسارع الاوتوماتيك 13 ثانيه وال 4*4 فى 14 ثانيه