تجربتى للكارينز زيرو خليجى هاى لاين
عمى اشترى امبارح كارينز زيرو خليجى هاى لاين لونها حليبى او مشروم او كريمى حسب المسميات المختلفه
والفرش الداخلى بيج شكله احلى من الاسود بكتيير
سعرها 134000
سعرها كويس ولا غاليه
كمايتها كالاتى
فتيس اوتوماتيك
جنوط سبور 16
فرامل abs الاربع عجلات ديسكات
2 ايرباج امامى طبعا
تكييف اوتوماتيك
بلوتوث تحكم من الطاره
كاسيت سى دى تحكم من الطاره
الابواب جلد والمخدع الى فى الكنسول جلد 2 مستوى
نواكل فى الصالون (مقابض فتح الابواب وحليات على فتحات التكييف وحول عصا الفتيس الاوتو)
نواكل على العربيه من بره (مقابض فتح الابواب الخارجيه وخط نيكل على جانب العربيه فى الاسفل والشبكه نيكل وفتحة الشكمان عليها حليه نيكل شكلها شيك)
وفاميه خلفى بلكامل يعنى الابواب والشنطه
جربت العربيه وطلعت بيها على السريع
العربيه دى بطه فعلا فى طلعتها تحس انها متكتفه وصوت الموتور بيعلى لو كبست بنزين فى الطلعه حتى بعد النقله التالته بشكل مستفزز
لكن فى الحقيقه ثابته
و انطباعى عنها اكنى سايق ميكروباص مش ملاكى ومش عايز ملاكها يزعلو منى :8_8_13:
ولاحظت كمان
مفيش اى مخارج v12 فى العربيه من قدام ياريت توضحولى مكنها لو انا غلطان
زيت الفرامل جى ناقص وعايز اسألكم ايه الزيت المناسب ليها
وكمان مفيش عازل للكبوت وبسأل هو كل الخليجى والوكيل كده؟؟
وهو عايز يعملها فرش جلد محترم اقترحت عليه يعمله عند جينز كار لسرعة الانجاز لانه دكتور ومش فاضى والاتقان فى نفس الوقت بس ياترى يتكلف كام لو خامه نضيفه كراسى وارضيه وشنطه وايه مقتراحتكم مع لون العربيه يبقى ساده ولا لونين وشكل التفصيله تبقى ازاى ؟؟
وكنت عايز اعرف لو دخلها ضمان الوكيل حينطبق عليها نفس الحقوق لسيارات الوكيل ؟؟
تحياتى
تحياتى