الموضوع: فاكر أول واحد كلمتة على الموبايل كان مين؟

المشاركة الأصلية كتبت بواسطة أحمد كمال

كانت ب 1.75 مش جنيه و نص

و كان الكارت ب 110 (و لاحقا 115 لما الحكومة رفعت ضريبة المبيعات على المكالمات من 10% الى 15%) و كان عبارة عن 80 جنيه رصيد + 20 جنيه رسوم ادارية + 15 جنيه ضريبة مبيعات

لأ كان 90 جنيه رصيد مش 80 .. كده الناس تقول على الشركات دي نصابه :-) حرام عليــك

ده احنا اتضحك علينا ضوحك.

المشاركة الأصلية كتبت بواسطة SYD

كمان افتكر انه كان مش بيحسب اول 3 ثواني من المكالمة
وبالتالي
كانت معظم المكالمات ثانيتين او 3 بالكتير اوي لو انت مجازف

هههههههههههههه

ياااااااااه .. فاكر أنا الثانيتين اللى ببلاش فى الأول دول .. احنا كنا ممكن نعمل حوار بالثانيتين دول .. يعنى أكلم صاحبي أقل له أنا فى الجامعه و أقفل .. و بعدين أكلمه أقل له أنا فى مبنى تشييد مثلا و أقفل .. و بعدين هو يكلمنى يقول لي استناني و يقفل

المشاركة الأصلية كتبت بواسطة SYD

طب فاكرين الكروت لما كانت بلاستيك ومرسوم عليها زي نهر النيل او نخل
حاجة زي كدة علي ما اتذكر

وكان بيتباع ب 114 جنيه
ومغلف في كيس بلاستيك

وقبل كليك كان الكروت والخط "مصرفون"

على فكره عندي الكروت دي لسه .. و لسه فى أكياسها كمان.

كارت ب 115 جنيه أيامها .. أكيد مش هرميه يعني