فاكر أول واحد كلمتة على الموبايل كان مين؟؟!!
و أول رسالة بعتها كانت لمين؟؟!!
عرض للطباعة
فاكر أول واحد كلمتة على الموبايل كان مين؟؟!!
و أول رسالة بعتها كانت لمين؟؟!!
لأ مش فاكر:N_no[1]:
تصدق ولا أنا :Copy of rfds: ....اقتباس:
المشاركة الأصلية كتبت بواسطة Magdyahassan
و لا انا !!!!!!!!!!!!!!!!!!
اختي ...... و ماكانش فيه خدمة الرسايل لسه (1999)
1998 صاحب شركة مقاولات كنت شغال فيها
مفيش حد فاكر؟؟!! :8941[1]:اقتباس:
المشاركة الأصلية كتبت بواسطة medoghaly
الظاهر أن الكومبيوتر لحس دماغنا كلنا ....
اختى
2003
مش فاااااااااااااااااااااااا ااااااكر
أول ما جبت الموبايل كنت فرحان بية أوى ....
كنت طول النهار والليل ببعت رسايل لزملائى و زميلاتى فى الشغل ....
مرة أبعت نكتة, معايدة ألخ ....
والرسايل تحولت إلى مكالمات مع الزميلات ثم تحولت إلى مكالمات بالساعات على التليفون الأرضى ....
كنت عايش فى كارثة حقيقية يا سادة ....
مهما أقول مش هيوصف الهيافة اللى كنت بعانى منها من ستات فاضية مش لاقية رجالة تلمها ....
شاء ربنا وسبت شغلى القديم و أشتغلت فى مكان تانى .... :7_6_5v[1]:
بس عايز أقول لكم أنى أتغيرت تمامآ بعد اللى شوفتة فى شغلى الأولانى ....
رقم تليفونى مش مع أى زميلة خااااااااااالص .... :dontudear:
ومش ممكن هيكون مع واحدة إلا إذا كانت خطيبتى .... :ma(36):
يالهوااااااااااااااااى دة الستات دول ميجيش من وراها غير الوش ....
اقتباس:
المشاركة الأصلية كتبت بواسطة أحمد كمال
عفوا أ. أحمد
خدمة الرسائل القصيرة كانت شغالة 99 ولكن 98 لأ
أبويا, كنت بجرب الخط.
رسايل مش فاكر.
سنة 98 واول حد كلمته كان امي و كان موبايل اريكسون ، وكنت فرحان بيه قوي و مبهور بالتكنولوجيا الجديدة.
اول مكالمه كانت لخالي
الموبايل كان هديه نجاحي في الثانويه سنه 2001:embarrassed: كان تليفون سيمنز c25 والخط كان كليك
مش فاكر اول رساله
مراتي
تليفون الكاتيل من شارع عبد العزيز
والمكالمه 175 قرش ايام الرخص ولاد الحراميه
والكارت ب 10 جنيه يتخصم منه 8 جنيه ضريبه
يااااه .. الكلام ده سنة 2000 .. كنت لسه شاري خط موبينيل .. كان ب 900 جنيه تقريبا .. و مشترتش موبايل .. خدت موبايل من واحد صاحبي نوعه AudioVox لحد ما اشتري موبايل .. بعدها جبت اريكسون 1018 .. و بعدها موتورولا ستارتاك.
أول واحد كلمني هو دكتور صاحبي .. هو الوحيد اللى كان معاه موبايل أياميها من أصحابنا .. و كان معاه اريكسون 688.
على فكره أنا معايا نفس الرقم من ساعتها .. مغيرتوش ولا جبت غيره.
هو أنا مش فاكر أول واحد كلمته بس فاكر أول مكالمه أتعملت من تليفونى عملها واحد صاحبى للبيت عندهم
والرسايل للأسف مش فاكر
موضوع جميل تحياااتى
يااااااااااااااه دي كانت ايام الدقيقه اللي بجنيه و نص ياااااااااااااااه كانت ايام حلوه و الله
الحاجة والدتي . واول رسالة كانت لصديق
اول موبايل كان الكاتيل جالي هديه من جدي
والخط جبته ب40 جنيه
كان موبينيل
وساعتها مكنش فيه حد اساسا اعرفه معاه موبايل عشان اكلمه :)
أول موبيل مسكته كان http://1.1.1.4/bmi/www.topwords.com....%20clubdb.jpeg
واول تليفون اتكلم منه كان بتاع ابن عمتي و كنت بكلم والدي الله يرحمه
http://1.1.1.1/bmi/upload.wikimedia....Nokia_5110.jpg
واول تليفون جبته
http://1.1.1.3/bmi/1.bp.blogspot.com...nokia_3210.jpg
وكان ب 700 او 750 جنيه مش فاكر
والخط موبنيل وكان برضه ب 700 او 750 يعني كله كان حسبه 1500 جنيه
كانت شغالة للفاتورة بس مش للكارت و اشتغلت للكارت في نهايات العام و انا جبت الخط في ابريلاقتباس:
المشاركة الأصلية كتبت بواسطة kimocyc
كانت ب 1.75 مش جنيه و نصاقتباس:
المشاركة الأصلية كتبت بواسطة screenplays
و كان الكارت ب 110 (و لاحقا 115 لما الحكومة رفعت ضريبة المبيعات على المكالمات من 10% الى 15%) و كان عبارة عن 80 جنيه رصيد + 20 جنيه رسوم ادارية + 15 جنيه ضريبة مبيعات
يعني من الاخر ال 1.75 بعد ما تحسب نصيبها من الرسوم كانت تقف عليك الدقيقة ب 2.50 !!!
دلوقتي ممكن تكلم العالم كله ب 199 قرش هههههههههههه
اه كلمت ابويا من الصاله من ال 688 وهو قاعد في الاوضه علي تليفون البيت طبعا ..العائله كلها قعدت تتكلم علشان تجرب الاختراع الغريب ده :)...
ده ايه المسخره اللي الواحد كان فيها ديه
عمي الله يرحمه كان جايبلي الموبايل هديه نجاحي في الثانويه العامه :))
خدمه العملاء
بصراحة مش فاكر
لأن الي كان بيفتح عليا كان بيتهري شتايم
هههههههههه
كان سنة 99
كانت الدقيقة ب1.75 ومفيش كروت غير ب 110
كان خط الو موبينيل ب 1200 جنيه
واشتريت تليفون 6110 حرباية من ادريان جامعة الدول ب1350 جنيه
بعت الموبينيل ب 750 جنيه
واشتريت كليك في عرض ب 745 جنيه
وبعته ب 450
واشتريت بردو كليك ب 75 جنيه تقسيط من الكارت
ودة حاليا معايا من سنة 2003
ههههههههههههه
كمان افتكر انه كان مش بيحسب اول 3 ثواني من المكالمة
وبالتالي
كانت معظم المكالمات ثانيتين او 3 بالكتير اوي لو انت مجازف
هههههههههههههه
كنت ايامها في الكلية
والي كان يروح الجامعة بموبايل دة يبقي واد ابن ناس اوي
وكان ساعتها مفيش ولا تليفون فيه عربي
زكريات جميلة
طب فاكرين الكروت لما كانت بلاستيك ومرسوم عليها زي نهر النيل او نخل
حاجة زي كدة علي ما اتذكر
وكان بيتباع ب 114 جنيه
ومغلف في كيس بلاستيك
وقبل كليك كان الكروت والخط "مصرفون"
اول تليفون كان اريكسون 628 وده كان سنة 1998
واول خط كان مصر فون اللى تحولت لكليك ثم فودافون ومازال الرقم ده معايه
واول مكالمة كانت للبيت عندى وكلمت والدى ووالدتى
.
اختى علشان كان عندها اظهار رقم الطالب لان موبينيل مكنتش بتكتب على العلبه الرقم ومكنتش عارف رقمى كام كان سنه 99 وكنت شاريه 1200 ليله وقفه العيد من رزق الله فى الميرغنى وكان بالحجز
سبحان من له الدوام دلقتى بيوزعه على علب السمن
ههههههههههههههه
كنت قاعد في البيت ورنيت على تليفون البيت بجرب جه أخويا رد على التليفون هههههههه
رسائل مش فاكر
لأ كان 90 جنيه رصيد مش 80 .. كده الناس تقول على الشركات دي نصابه :-) حرام عليــكاقتباس:
المشاركة الأصلية كتبت بواسطة أحمد كمال
ده احنا اتضحك علينا ضوحك.
ياااااااااه .. فاكر أنا الثانيتين اللى ببلاش فى الأول دول .. احنا كنا ممكن نعمل حوار بالثانيتين دول .. يعنى أكلم صاحبي أقل له أنا فى الجامعه و أقفل .. و بعدين أكلمه أقل له أنا فى مبنى تشييد مثلا و أقفل .. و بعدين هو يكلمنى يقول لي استناني و يقفل :biggrin24:اقتباس:
المشاركة الأصلية كتبت بواسطة SYD
على فكره عندي الكروت دي لسه .. و لسه فى أكياسها كمان.اقتباس:
المشاركة الأصلية كتبت بواسطة SYD
كارت ب 115 جنيه أيامها .. أكيد مش هرميه يعني :biggrin24:
يا ناااااااااصح ....اقتباس:
المشاركة الأصلية كتبت بواسطة kar!m
كانوا 80 الاول و رفعوها ل 90 فيما بعداقتباس:
المشاركة الأصلية كتبت بواسطة kar!m
كانت ب 110 جنيه لان ضريبة المبيعات 10 % وتم رفعها لما ستار اكادمى والناس صتت على محمد عطيه مش عارف بكام مليون فعرفوا ان الشعب غنى مش فارقه معه فرفعوها الى 15% وانا سمعت التعبير ده فى الراديو
وكان عجيل شارع شريف بيضرب الاسعار فى شهرين وخلاهم ب 102 ومره ب 104
وصلاحيه 3 شهور ومكنش فيه تحويل رصيد
دى كانت أيام سودة ....اقتباس:
المشاركة الأصلية كتبت بواسطة Screenplays
كان الواحد مننا مش عايز يكلم حد خاااااااالص ....
و لما يتزنق أوى يتكلم بسرعة جدآ عشان ما ياخدش أكتر من دقيقة ....
و كمان كنا مضطرين نشحن كل 3 شهور غصب عننا و مكانش فى غير الكارت أبو 100 جنية بس ....
وبعد دة كلة تقولى دى كانت أيام حلوة!!!! :surprise: