اكبر حجم شاشة مناسب لحجره 3 متر * 3 متر

**devil_storm** · 03-05-2012 08:44 AM

المشاركة الأصلية كتبت بواسطة DreAmO

المساحه المناسبه ايه للشاشه .. مش هقدر افيدك فيها

بس انا لما بقعد على بعد مترين .. واتخيل على الحيطه ابعاد الشاشه ال 47 او ال 42

بلاقيني بحرك دماغي يمين وشمال مش عيني بس .. وبحسها مش هتكون مريحه

انا شايف ال 32 مناسبه اوي للمسافه اللي بتقول عليها

المهم انا داخل اقولك على حاجة تانيه خالص

فكر في lg cinema 3d .. سعره مش غالي .. وتكنولوجيا ال 3d بتاعته مختلفه عن سامسونج .. زي السينما كدة

نضارته رخيصه ومش بتحتاج لشحن علشان بدون بطاريه اصلاً ..

أسأل عنه وجرب تتفرج عليه بردو يمكن يحلو في عينك

بس لو هتجيب 3d يبقى ماتنزلش عن 42 بوصه

بالتوفيق

انا عموما مش بفكر فى 3d دلوقتى لان لسة بدرى على ما تلاقى افلام كتير او قنوات بتبث 3d و عقبال ما تلاقى كدة حيكون ال 3d اطور كتير و بقى منغير نظارة خالص.... على فكرة توشيبا عملت جهاز 3d من غير نظارة خالص.

بس انت عندك حق فى lg cinema 3d ... انا شوفتة يا باشا و عجينى جدا ال 3d بتاعة و كمان بينزل معاه 9 نظارات و بدون شحن فعلا... و نظاراتة مريحة جدا للعين و رخيصة و اريح من نظارت سامسونج, لكن صورة سامسونج افضل و ال contrast اعلى و tru motion فى سامسونج اعلى علشان كدة صورة سامسونج افضل بعيدا عن ال 3d.
عموما تكنولوجيا ال passive 3d بتاعة lg ابسط و عجبانى اكتر من تكنولوجيا ال active 3d بتاعة سامسونج و سونى...

**A_H_M_A_D** · 03-05-2012 08:26 PM

لو عايز شاشة كبيرة هات ال lg البلازما 42 بوصة , سعرها ممتاز و صورتها كويسة قوي بـ 3000 جنيه

LG TV 42 inch Plasma: 42PA4520

**SASA3** · 03-05-2012 11:52 PM

المشاركة الأصلية كتبت بواسطة devil_storm

معرفش 32 بكام لكن انا سالت على سامسونج led 40 بوصة الفئة الرابعة و سعرها 4200

المشاركة الأصلية كتبت بواسطة r_gamal1

ال 32 سونى امبارح فى كارفور ب 2400

الف شكر يا رجالة

**hazemhassan** · 04-05-2012 05:03 PM

المشاركة الأصلية كتبت بواسطة devil_storm

معرفش 32 بكام لكن انا سالت على سامسونج led 40 بوصة الفئة الرابعة و سعرها 4200

سالت عليها فين ياباشا
انا عايز واحدة 40 بردو بس محتاررررر بين الانواع

**devil_storm** · 04-05-2012 11:19 PM

المشاركة الأصلية كتبت بواسطة hazemhassan

سالت عليها فين ياباشا
انا عايز واحدة 40 بردو بس محتاررررر بين الانواع

انا سالت عليها فى كارفور و سبينس و العجيل و شارع عبد العزير... ارخص سعر لقيتة فى شارع عبد العزيز, بس لو حتشترى من هناك افتح الشاشة و شغلها و اتاكد ان كل حاجة تمام قبل ما تمشى من المحل.
سبينس و كارفور اغلى حوالى 100 - 150 جنية بس حتاخد معاملة انضف و حتكون مطمن اكتر و مرتاح البال, شوف انت بقى الافضل ليك.

**hazemhassan** · 05-05-2012 11:31 AM

المشاركة الأصلية كتبت بواسطة devil_storm

انا سالت عليها فى كارفور و سبينس و العجيل و شارع عبد العزير... ارخص سعر لقيتة فى شارع عبد العزيز, بس لو حتشترى من هناك افتح الشاشة و شغلها و اتاكد ان كل حاجة تمام قبل ما تمشى من المحل.
سبينس و كارفور اغلى حوالى 100 - 150 جنية بس حتاخد معاملة انضف و حتكون مطمن اكتر و مرتاح البال, شوف انت بقى الافضل ليك.

شكرا ياباشا
وانا كنت امبارح فى سبينس ولقيت بلازما lg 42 فول اتش دى 3090 بس صورة جميلة جددد ب3 مخرج hd و 1 usb movie وضمان مش فاكر 2 او 3سنين وقالى انها بتتشحن
وكمان لقيت بلازما 3d 43 سامسونج بنظارتين 3950 بردو جميلة
بس مش عارف اجيب بلازما ولا اخلينى فى lcd
وسلت على عمرها قالى 100000 ساعة يعنى حولى 20 سنة طبعا انا حاسس انو بيحلم
فا رايكم اية
اجيب السامسونج 3d ولا lg
مع العلم انى هخليها بتاع 5 سنين وبعدين اجدد

**MohssenRashed** · 05-05-2012 11:55 AM

بص ياباشا انا عندي سوني برافيا 32 بوصة حلوة بس طبعا اكبر اكيد احسن كتير.

نصيحتي تجيب Home Theater مع الشاشة شعور مختلف جدااااااااااااااااااا

انا جايب واحد سوني 2000W وتحفة و موصلة على الريسيفر و لاغي سماعات الTV

**احمد المصرى** · 06-01-2015 03:36 PM

انا عندى تقريبا نفس المساحه بتاعتك ومركب 40 بوصه وحاسس انها صغيره والصح انى كنت ركبت حجم اكبر اعتقد 40 بوصه او 42 هيكون معقول ولو حاجه افضل جيب 46 هتكون جميله ان شاء الله