يا شباب حشترى lcd لغرفة مساحتها 3 متر * 3 متر, اية اكبر حجم يناسب الاوده مع العلم انى حعلقة على الحيطة... و لكم جزيل الشكر.
عرض للطباعة
يا شباب حشترى lcd لغرفة مساحتها 3 متر * 3 متر, اية اكبر حجم يناسب الاوده مع العلم انى حعلقة على الحيطة... و لكم جزيل الشكر.
32 بوصه هتبقى عنب انا حاططها فى اوده 4في 4 بس هاتها led مش lcd
قيس المسافة بين الكنبة او الكرسي الل حتقعد عليه وانت بتشوف التليفزيون وبين مكان الشاشة واقسمه على تلاتة حيديلك عرض الشاشة المناسبة ، العرض مش القطر اللي هو البوصة فاهمني ؟
أعتقد 32 هايبقى كويس , أقل من كده هاتحس إنها صغيرة و أكبر من كده هايبقى كتير على الأوده
32 كفايه اوي
انا مختلف تماما
انا مركب 40 بوصة فى اوضة نفس الحجم تقريبا وحاسس ان المفروض كنت اجيب اكبر
ملهاش علاقة كل ماتركب اكبر حتكون متعة المشاهدة احلى واكبر والذ
اسألنى انا :)))))
32 كويس خلييك فى المعقوول
الا اسعارها ايه اليومين دول علشان عندى واحد 32 مستعمل شهر و اتركن بعد كده عاوز اعرف سعرهم كام
متشكر يا جماعة, انا شايف المعظم بيقول 32 :oops2:
اصل انا نفسى اجيب 40 او 46 بس خايف اتحول :wink10: كمان خايف الصورة تطلع مبكسلا اكتر مع الشاشات الكبيرة لما تقعد قريب منها لان قنوات النايل سات SD مش HD
ماشى اسالك انت يا شهدىاقتباس:
المشاركة الأصلية كتبت بواسطة ashouhdy
صورة قنوات النايل سات لما تكون قريب منها كدة مع الشاشة 40 بوصة بتطلع كويسة و لا مبكسلا؟؟؟ و انت بتكلم بجد بخصوص 46 بوصة على حجم الاودة؟؟؟؟ والله نفس اجيب ال 46 بوصة بس خايف جدا من حجم الاودة و موضوع pixelation problem مع قنوات النايل سات خصوصا لما تكون الشاشة كبيرة و انت قريب منها...
شوف يا باشا الاودة طولها 3 متر ... viewing distance to lcd لقيتها حتكون بالضبط 2.5 من عينى لل lcd , اعتمد على كلامك و اجبها 46 ولا حلبس فى الحيط؟؟؟
معرفش 32 بكام لكن انا سالت على سامسونج led 40 بوصة الفئة الرابعة و سعرها 4200اقتباس:
المشاركة الأصلية كتبت بواسطة SASA3
لا يا باشا مش فهمك!!! دة اللى فهمتة و صححلى لو انا غلطان:اقتباس:
المشاركة الأصلية كتبت بواسطة abou_ruqi
المسافة من عينى للشاشة حتكون 2.5 متر يبقى 2.5 / 3 = 66 سم يعنى عرض الشاشة 26 بوصة يبقى حسب فيثاغورس قطر الشاشة حوالى 32 بوصة... انت تقصد كدة؟؟؟
ال 32 سونى امبارح فى كارفور ب 2400اقتباس:
المشاركة الأصلية كتبت بواسطة sasa3
مش بلازما هي عشان تشوفها مبكسلة
إنت هتشوف الشاشة شغالة قبل متشتريها وهتكون قريب وهتحكم إذا كانت مبكسلة ولا لأ
وبعدين صدقني اللي هيفرق في الحجم هو إنت متعود على إيه
يعني لو إنت متعود على 20 وجبت 26 هتبقى حلوة معاك
32 عندي في نفس المساحة وعجباني قوي وعشان ال 40 ماكانتش هينفع تتحط فالمكتبة عندي
بس طبعا الاكبر هتبقى أحسن
وياريت بقى تحاول تجيب رسيفر hd وتظبطها من دلوقتي
هتلاقي الصورة حاجة تانية
ملهاش علاقة بالبلازما , الراجل بيتكلم على قنوات sd يعني لازم تكون مبكسلة عال 46 بوصةاقتباس:
المشاركة الأصلية كتبت بواسطة mailo
والريسيفر hd مش هيظبطها اوي عشان مفيش غير 3-4 قنوات اللي بيشتغلوا hd
بالظبطاقتباس:
المشاركة الأصلية كتبت بواسطة devil_storm
لا خالص ... مش مبكسلة ... ومش حتشوف البكسلة غير لما تقف قدامها وهلي فكرة حتشوف البكسلة برضوا علي ال 32 غير كدة الشاشات الكبيرة فيها اوبشنز خرافية غير ال noise reduction w al auto dynamic range w auto contrast
كل دة حيخلي الصورة pure بجد ... كمان بقي تخيل لما تشغل عليها فيلم hd من علي الاب توب او فلاشة علي شاشة 46 تخيل مدي المتعة بجد :-)
ال 32 دي تلفزيون عادي ولا فية اي متعة ولا حتحس انك نطيت لفوق
اسمع كلامي وهات الاكبر علي طول
المشكلة ان كل المعارض بتشغل افلام hd blu ray يعنى الصورة بتكون نضيفة جدا و استحالة يكون فى باكسلا, و بعد ما تشترى وتروح تشغلها على النايل سات تاخد الصدمة الكبرى!!!اقتباس:
المشاركة الأصلية كتبت بواسطة mailo
الله يطمنك يا شهدى ...انت الشاشة 40 اللى عندك lcd or led??? و نوعها ايه و سيريس كام؟؟اقتباس:
المشاركة الأصلية كتبت بواسطة ashouhdy
ادينى نصيحة نهائية اجبها 40 ولا 46 ؟؟؟ خد بالك المسافة من عين للتلفزيون 2.5 متر و قنوات النايل سات sd
كمان موديى بيقول ان 46 حتكون مبكسلا ... بجد حاجه تحير!!!
اقتباس:
المشاركة الأصلية كتبت بواسطة mody3on
مش هتكون مبكسلة لو هتتفرج على قناة hd او فيلم hd من فلاشة مثلا
غير كده هتبقى مبكسلة , خصوصا لو ركزت في الصورة
هات ٤٠ بوصه هتكون ممتازه جدا ومسافه الرؤيه عندك ممتازه ٢.٥ متر حلوه خالص علي ٤٠ بوصه وبخصوص البكسله النايل سات فيه قنوات لو هتشوفها علي ٢٠ بوصه هتلاقيها مبكسله وفيه قنوات جيده نوعا ما وبخصوص المعارض ذي ما انته وضحت طبعا بيكون مشغلين عروض بجوده ١٠٨٠ p يعني انسي انك تشوف اي تشويش في الصوره وطبعا ناس كتير بتفتكر ان الشاشه هي السبب في الصفاء والنقاوه ولكن عندما يشتري الشاشه ويشغلها في البيت هنا ياخد الصدمه الكبري ولو حبيت تاخد ال ٤٦ برضه يمشي الحال لو هتفكر مستقبلا في افلام بلوراي وهتكون ممتازه جدا ولكن انا انصحك بال ٤٠ وباقي الفلوس وفرها واشتري مشغل ملتيميديا وهوم ثيتر وعيش وبعدين حاليا افلام البلوراي حاليا ماليه الدنيا اشتريلك هارد ٢ تيرا وروح لاي حد يعبيهولك افلام hd واشتريلك مشغل ملتيميديا وعيش التجربه علي فكره الهوم ثيتر والمؤثرات الصوتيه للفيلم ركز فبها اكتر من الشاشه في الشراء واشتري افضل ما يمكنك انا وجهه نظري اعطي ٦٠% للصوت و٤٠% للصوره من ناحيه الاستمتاع بالفيلم ولذلك واكررها لك اكثر من مره بعد ما تشتري الشاشه فكر في نظام صوتي جيد.
انا اللى عندى Samsung LCD 40" series 5
واوعى تجيب حاجة اقل من 40 يبقى معملتش حاجة
واى LCD بأى مقاس على النايل سات لو وقفت لزق فى الشاشة حتلاقيها مبكسلة
اعمل حساب قدام انك تشغل عليها افلام dvd or HD
دة غير بقى لو وصلتها بالكمبيوتر ولعبت عليها games اوعى بقى ههههههههه
المساحه المناسبه ايه للشاشه .. مش هقدر افيدك فيها
بس انا لما بقعد على بعد مترين .. واتخيل على الحيطه ابعاد الشاشه ال 47 او ال 42
بلاقيني بحرك دماغي يمين وشمال مش عيني بس .. وبحسها مش هتكون مريحه
انا شايف ال 32 مناسبه اوي للمسافه اللي بتقول عليها
المهم انا داخل اقولك على حاجة تانيه خالص
فكر في lg cinema 3d .. سعره مش غالي .. وتكنولوجيا ال 3d بتاعته مختلفه عن سامسونج .. زي السينما كدة
نضارته رخيصه ومش بتحتاج لشحن علشان بدون بطاريه اصلاً ..
أسأل عنه وجرب تتفرج عليه بردو يمكن يحلو في عينك
بس لو هتجيب 3d يبقى ماتنزلش عن 42 بوصه
بالتوفيق
انا عموما مش بفكر فى 3d دلوقتى لان لسة بدرى على ما تلاقى افلام كتير او قنوات بتبث 3d و عقبال ما تلاقى كدة حيكون ال 3d اطور كتير و بقى منغير نظارة خالص.... على فكرة توشيبا عملت جهاز 3d من غير نظارة خالص.اقتباس:
المشاركة الأصلية كتبت بواسطة DreAmO
بس انت عندك حق فى lg cinema 3d ... انا شوفتة يا باشا و عجينى جدا ال 3d بتاعة و كمان بينزل معاه 9 نظارات و بدون شحن فعلا... و نظاراتة مريحة جدا للعين و رخيصة و اريح من نظارت سامسونج, لكن صورة سامسونج افضل و ال contrast اعلى و tru motion فى سامسونج اعلى علشان كدة صورة سامسونج افضل بعيدا عن ال 3d.
عموما تكنولوجيا ال passive 3d بتاعة lg ابسط و عجبانى اكتر من تكنولوجيا ال active 3d بتاعة سامسونج و سونى...
لو عايز شاشة كبيرة هات ال lg البلازما 42 بوصة , سعرها ممتاز و صورتها كويسة قوي بـ 3000 جنيه
LG TV 42 inch Plasma: 42PA4520
اقتباس:
المشاركة الأصلية كتبت بواسطة devil_storm
اقتباس:
المشاركة الأصلية كتبت بواسطة r_gamal1
الف شكر يا رجالة :beat5:
اقتباس:
المشاركة الأصلية كتبت بواسطة devil_storm
معرفش 32 بكام لكن انا سالت على سامسونج led 40 بوصة الفئة الرابعة و سعرها 4200
سالت عليها فين ياباشا
انا عايز واحدة 40 بردو بس محتاررررر بين الانواع
انا سالت عليها فى كارفور و سبينس و العجيل و شارع عبد العزير... ارخص سعر لقيتة فى شارع عبد العزيز, بس لو حتشترى من هناك افتح الشاشة و شغلها و اتاكد ان كل حاجة تمام قبل ما تمشى من المحل.اقتباس:
المشاركة الأصلية كتبت بواسطة hazemhassan
سبينس و كارفور اغلى حوالى 100 - 150 جنية بس حتاخد معاملة انضف و حتكون مطمن اكتر و مرتاح البال, شوف انت بقى الافضل ليك.
شكرا ياباشااقتباس:
المشاركة الأصلية كتبت بواسطة devil_storm
وانا كنت امبارح فى سبينس ولقيت بلازما lg 42 فول اتش دى 3090 بس صورة جميلة جددد ب3 مخرج hd و 1 usb movie وضمان مش فاكر 2 او 3سنين وقالى انها بتتشحن
وكمان لقيت بلازما 3d 43 سامسونج بنظارتين 3950 بردو جميلة
بس مش عارف اجيب بلازما ولا اخلينى فى lcd
وسلت على عمرها قالى 100000 ساعة يعنى حولى 20 سنة طبعا انا حاسس انو بيحلم
فا رايكم اية
اجيب السامسونج 3d ولا lg
مع العلم انى هخليها بتاع 5 سنين وبعدين اجدد
بص ياباشا انا عندي سوني برافيا 32 بوصة حلوة بس طبعا اكبر اكيد احسن كتير.
نصيحتي تجيب Home Theater مع الشاشة شعور مختلف جدااااااااااااااااااا
انا جايب واحد سوني 2000W وتحفة و موصلة على الريسيفر و لاغي سماعات الTV
انا عندى تقريبا نفس المساحه بتاعتك ومركب 40 بوصه وحاسس انها صغيره والصح انى كنت ركبت حجم اكبر اعتقد 40 بوصه او 42 هيكون معقول ولو حاجه افضل جيب 46 هتكون جميله ان شاء الله
هوه فى ايه النهارده كميه مواضيع من قديم الازل مرفوعه تانى ليه ؟
الموضوع دة من 2012