اعمل اية مع tedata

**nicegypt** · 01-05-2012 03:02 AM

المشاركة الأصلية كتبت بواسطة zizo50001

المشكلة مش فى السنترال المشكلة فى اجهزة tedata اللى فى السنترال نفسة يعنى العيب من عندهم تمام
جربت usb وزيفت بس سرعة رهيبة البيت ممكن استحمل الشهر و عندى تليفون تانى ممكن ادخل عليه

حضرتك من العبور .. احنا اتكلمنا كتيييير ف الموضوع وكنا بندور علي اي حد عندة نفس المشكلة
المشكلة تحديداَ استاذى العزيز من اجهزة تي اي داتا القديمة ف السنترال
واللى مفيش ميزانية لتغييرها لدي الشركة
حتى الفرع بتاعهم اللى في جولف سيتى مول اغلق ابوابة لان النت عندة دايما واقع !!!!!!!!!!!
تخيل تبقى رايح تدفع فاتورة النت يقولك النت واقع !!!!!!!!! تيييييييت
تروح تدفع عن طريق خدمة فوري .. يقولك فية مشكلة ف خطوط تي اي داتا استخدم خدمة او فرع اخر
تييييييييييييت
اول حاجة حضرتك تعملها تقطع الخدمة بشكل كامل وتطلب ما يفيد بأنها انقطعت بعد مرور شهر زي ما هيقولو لحضرتك .. لان حرام ندفع تمن خدمة وناخد داونلود 10 ك لسرعة واحد ميجا !!! يا فرحتى

**nicegypt** · 01-05-2012 03:13 AM

ابحث عن الجروب المخصص للمدينة فى الفيس بوك وتابعنا :)

**merosss** · 01-05-2012 04:39 AM

انا عندى نفس المشكلة و كل شوية يقولوا عندنا مشكلة فى الاجهزة فى السنترال (حلوان ) والاول كان بيقولوا اسبوعين ودلوقتى بيقولوا منعرفش هتتحل امتى وعشان الغى واشترط تانى لازم استنى 15 يوم وللأسف مش هينفع

**MOK3336** · 02-05-2012 01:10 AM

مع إحترامي للجميع
شركة تي داتا أكبر شركة نت في مصر
المشكلة ممكن تكون من السنترال نفسة مش من الأجهزة بتاعتهم
لأن لو من الأجهزة هتبقي فيه شكاوى كتير ولازم يتصرفوا
ممكن حضرتك تطلب تغير البورت بتاعك ايلي في السنترال
و تعمل زى ما الناس قالت
تاخد من البوكس إلي الإسبليتر مباشر
هقولك بس موقف حصلي
كان النت عندي قاطع اتصلت بخدمة العملاء اداني تيكت نمبر و قالي بعد 48 ساعة
مكملش سعتين و الفرع بتاعهم الرئيسي اتصل بيا و قالي إحنا أسفين جدا و المشكة اتحلت
يعني لما بيكون عندهم المشكلة بيحلوها
لكن لو فعلا المشكلة من عندهم و مش عايزين يتصرفوا افصل الخدمة و قدم مع شركة تانية

**mem** · 03-05-2012 01:40 AM

انا كن عندى مشكلة تقريب زيك كده النت فجاءه يبقى بطى وكان بيفصل كتيير وكلمت الشركة كذا مره بس ده كانت
لينك يقولولى 24 ساعة وشوية المشكلة من السنترال وشية يشككونى فى نفسى ويقولولى المشكلة من عندك
المهم عذبونى قلتلهم عايز الغى الخدمة ما كنوش عايزيين يدولى رقم الكنسليشن علشان اقدمه للشركة الجديده
فقمت كلمت ( الجهاز القومى لتنظيم الاتصالات ntra ) رقمهم 155 وقلتلهم شكوتى وقلتلهم خلاص انا عايز
الغى العقد معاهم وعايز رقم الكنسليشن لانهم مش عايزيين يدهولى عايز اقولك خلال ساعة الرقم جالى
بعد مدوخونى عليه حوالى شهر كانوا كل يوم بحجه شكل فانت عليك وعلى الجهاز القومى لتنظيم الاتصالات ntra كلمهم وقلهم مشكلتك اللى مش بتتحل
ودلوقتى انا مع تى اى داتا والحمد لله زى الفل

**nicegypt** · 04-05-2012 02:07 AM

المشاركة الأصلية كتبت بواسطة mok3336

مع إحترامي للجميع
شركة تي داتا أكبر شركة نت في مصر
المشكلة ممكن تكون من السنترال نفسة مش من الأجهزة بتاعتهم
لأن لو من الأجهزة هتبقي فيه شكاوى كتير ولازم يتصرفوا
ممكن حضرتك تطلب تغير البورت بتاعك ايلي في السنترال
و تعمل زى ما الناس قالت
تاخد من البوكس إلي الإسبليتر مباشر
هقولك بس موقف حصلي
كان النت عندي قاطع اتصلت بخدمة العملاء اداني تيكت نمبر و قالي بعد 48 ساعة
مكملش سعتين و الفرع بتاعهم الرئيسي اتصل بيا و قالي إحنا أسفين جدا و المشكة اتحلت
يعني لما بيكون عندهم المشكلة بيحلوها
لكن لو فعلا المشكلة من عندهم و مش عايزين يتصرفوا افصل الخدمة و قدم مع شركة تانية

هقولك الموضوع استاذى العزيز بشكل محتصر

التركيبات بتاعة تي اي داتا بالنسبة لسنترال العبور هما نفسهم وتي اي داتا نفسها بتقولك المشكلة من اجهزتنا فى السنترال .. ودى شفافية يشكرو عليها .. لكنها مش حل .. جميل كدة ؟
ليا اخ وصديق ف التركيبات .. الاجهزة اللى راكبة ف السنترال قديمة .. لكن مش كل السنترالات
والسبب انهم لما تم تجديد الاجهزة ف السنترالات .. حولو كل الاجهزة القديمة لسنترال العبور لانة معلهوش ضغط " النسبة السكانية قليلة جداَ " مقارنة بسنترال زى الهرم مثلا او المعادى .. الخ
ومفيش حاليا ميزانية لتغييرها رغم زيادة الاعداد السكانية لكن بالنسبة لهم لسة النسبة لم تتعدي 1 % استخدام .. دة كلام صديقى موظف التركيبات هناك . واحنا كمصريين شاطرين اننا نلبس طاقية دة لـ دة مقابل تقليل المصاريف .. خصوصا ان مفيش ضغط يذكر اصلا ع السنترال