الإعفاء من التجنيد بسبب عدم اللياقة الطبية أمر يتم بنص القانون وبالتالى لا يمثل اية مشاكل
عرض للطباعة
الاخ العزيز
شكرا لمباردتك الكريمة
ياريت لتعم الفائدة نعرف معلومات عن كيفية تأمين المشترى فى العقود المحررة لارض القرعة فى المجتمعات العمرانية الجديدة زى اكتوبر ، بدر وغيرها
وهى اراضى تخصص لصاحبها فقط وغير مسموح ببيعها الا بعد اتمام البناء
فيلجأ البائع الى عمل عقد بيع ابتدائى وتوكيل بالادارة وتوكيل اخر بالبيع للنفس والغير ونقل الملكية يتم استخدامه بعد البناء ويستلم فلوسه .
كيف يؤمن المشترى نفسه فى العقد تجاه البائع خصوصا ان الارض هتفضل باسم البائع لحد اتمام البناء ، وكمان ماذا اذا لاقدر الله وتوفى البائع قبل ان تنقل الملكية للمشترى
وهنا التوكيلات لاقيمة لها ...
ارجوا الافادة بوضع قانونى متين مايخرش المية
مع خاص شكرى
أ/ ايمن مرحبا بيك معانا فى الصرح العملاق نايل موتورز وان شاء الله تكون اضافة قوية لينا ..
دلوقتى اانا عندى استفسار بسيط ....
انا اشتريت شقة فى منطقة حدايق الاهرام ومضيت على البورشور بتاع العماره وصاحب العماره مضى عليها والمفروض فى الطرقة اللى بين الشقق مساحتها 6*3 متر على اساس الطرقه دى فيها 4 شقق صاحب العماره باع للشقه اللى قدامى مساحة 3*3 متر من الطرقه يعنى اصبح لل 4 شقق مساحة 3*3 متر بس والطرقة بقت ضيقه جدا جدا والمفروض ان الطرقه دى منطقه خدمات مخصومه منى من مساحة الشقه هى والمناور والمدخل وكل ده مخصوم منى فلوس ايه المطلوب منى دلوقتى علشان اشيل الحيطه المخالفه دى وارجع الطرقة تانى زى ماكانت وللعلم الشقه اللى دخلت فيها الطرقه دى اتشطبت وسكنت
لا توجد اية ضمانات والكثيلر من المشاكل تحدث فى هذة التصرفات ، ولكن هناك بعض الأشياء الإحتياطية كضمان غير مؤكد
تعمل عقد البيع بدون تاريخ حتى يمكنك اضافة تاريخ سابق على تاريخ وفاة المالك الأساسى لا قدر الله
والتوكيل يتم النص فية على عدم جواز إلغائة أو توكيل الغير بخصوص نفس القطعة
وعليك أن تقوم بالبناء فى أسرع وقت ممكن ، وربنا يسترها
مستنداتك فى جيبك وقلمك وورقتك جاهزين اكتب شكوى محترمة للمحافظ الدنيا هتتقلب وهيصدر قرار ازالة للمخالفة على حساب المالك لمخالفتة شروط الترخيص لأن الطرقة من ضمن الرسم الهندسى المقدم للحصول على ترخيص أما اذا كانت بدون ترخيص يبقى تعتبر محصلش حاجة اصلاً لأنك مش هتوصل لحاجة غير بعد جرى سنتين تلاتة فى المحكمة والله اعلم
طيب معليش ... على ضوء ماسبق ، أنا بقة عندي شقة في الدور التالت ... وجه محامي شاري شقة في الدور الارضي بغرض الاستثمار ، فراح الاخ واخد المساحه الي هيا (الجنينة ) الي بين المبنا وبين السور الي هيا منافع للعمارة وراح ضممها لشقتو وعمل سور علشان لمن يبيع الشقة لاي زبون يقول في الاعلان شقة بالدور الارضي بالحديقة بسعر مغري هههههههههه أبن اللئيمة .
انا بصراحة اتضررت لأني لو كنت ناسي مفتاح في شقتي وعاوز مراتي تحدفهولي لازم تنزلي السبت بدل ما اطلع تالت دور بس هو كده بعد ما اقفل الجنية يبقى لغى السابت من حياتنا الي هو ايد ورجل اي أسرة مصرية اصيلة ... وبنفس الوقت النبي وصى على سابع جار ومش عاوز اعمل مشاكل بس هو محامي يعني ممكن يلبسني قضية لو عرف اني اشتكيتو طيب اعمل ايه !!!
وعلى حسب كلام السكان مفيش تفاهم معاه !!
اهلا بيك استاذ ايمن،،
استفسار.. لو في ميراث علي المشاع وجميع الورثه متفقين علي البيع عدا شخص واحد ، هل ده يعيق عملية البيع؟ وممكن تتم ازاي ؟ (إجمالي الورثه ثمانية رجال)
شكرا