حرام ( ايه كمية الحوادث دي )

فيه ايه انهارده الماس ماشيه بالعربيات عماله تخبط في بعض
انهارده من الصبح لحد من شويه كده شايف حوالي شايف حوالي اكثر من 8 حوادث و كلهم طازه
كنت في الزقازيق - ديرب نجم اي ده ايه كمية الحوادث دي و الناس مبقتش تعرف تسوق ولا ايه بقي في كميه استهتار قوي و المشكله بيروح فيها ارواح كتير اوي

و انا راجع في صلاح سالم قولت كفايه بقي اليوم خلص الحمد لله و كفايه الحوادث اللي شوفتها و اذا بسياره ابيزا تطيح بلادا عند سور الكليه الحربيه كده قبل كوبري كده مش عارف اسمه ايه قولت لاحول ولا قوة الا بالله

لو كل واحد افتكر انه مش لواحده و وراه زوجه او ام او اب او اولاد حنفكر ميت مره قبل ما نتهور و ربنا يسترها علينا جميعاً ان شاء الله

حاجه و كان نفسي اقولها من كتر اللي شوفته انهارده:fool:



ـــــــــــــــــــــــــ ـــــــــــــــــــــــــ ـ
تم تعديل العنوان ليلائم القواعد
و لتسهيل التعرف على المحتوى

الإشراف ...

انا لسة مخلص امتحانات امبارح

و في اخر يومين شفت 3 حوادث كبيرة

اول يوم .. و انا رايح عالمحور .. لقيت كذا عربية لابسين في بعض منهم واحدة مغطينها لأنها اتشدشت خالص

و انا راجع قلت ارجع دائري .. لقيت حادثة برده (المكان كله محاصر!) لقيت كورولا لابسة في بولونيز و سويفت لابسة في الخرسان وراهم تقريبا كان بيفادي الحادثة و ازاز عالارض

و تاني يوم و انا رايح في نفس الحتة عالمحور لقيت لانسر متهشمة تماما و مختش بالي من التانية

ايه اللي بيحصل !؟ و ايه الاستهتار ده .. الناس اصلا ليه تجري و تاخد غرز في طريق زي تحويلة المحور ده اللي ياخد عربيتين جنب بعض بالعافية ! و المصيبة انه ممكن في حالة الغلط انه يدخل وش في وش مع الناس اللي ماشية في الاتجاه الاخر من التحويلة !

الأوتوستراد كل يوم حادثة شكل ، واللى يشوف النقل وهو بيترقص من حارة لحارة بجد يلعن ** البلد عاللى فيها ، النقل يلزم الجانب الايمن وتلاقى ***%^ داخل فى الحارة الشمال وصاحبه فى النص وحاجة تقرف بجد.

الفول المدمس علي الصبحية هو السبب فى المصايب دي

ربنا يسترها علينا

عارفين ليه الحوادث الكتيرة ؟؟؟؟
علشان الشعب المصري شعب
م ت خ ل ف جدا جدا
كل يوم حوادث بالهبل ........... و مفيش حد بيتعظ
ماشيين لاصقين في بعض و كان في مغناطيس في العربيات
الغرز الله ينور ............ و يأخذ أصحابها
السرعات بقى و المستعجلين .................. الشعب كله مستعجل
و تبص في الأخر تلاقيهم موراهمش حاجة و فاضيين
و تطلب منهم شُغل يعملوه ............. يقولك بعد شوية .......... بكرة ......... أصلي تعبان .........
بس ساعة ما يحط رجليه اللي عايزة قطعها على دواسة البنزين
يجري يبرطع زي البقرة يموت في خلق الله و يموت في نفسه

بجد لا يُلدغ المؤمن من جحر مرتين
و الأبله و المعتوه من لا يتعلم من أخطاء الغير
و فيما يبدوا أننا معاتيه فعلا ................ و شعب المهلبية و البالوظة
و هاي هيئ على ج.ع.ع ............مرة أخرى ........... هاي هيئ

ليه جار دمر عربيته مرتين في أقل من ثلاثة أشهر
المرة الأولى الموتور أدمر نهائي و الكابوت طار و الكاوتشات و العفشة و المساعدين و السوست .......... و العربية أتقلبت

العربية فضلت مركونة شهر و نصف أو شهرين لغاية ما حوش ثمن تصليحها
و أتكلفت أكتر من 15 ألف جنيه تصليح
و بعدها بأسبوع
نفس الحادثة
عارفين ليه
أقل سرعة عند الأخ ده ........... 150
لاصق في العربيات ........... ما بيسبش مسافة أمان خالص
و الغرز بقى ............. أستاذ .............. دشدش عربيته مرتين في خلال 3 أشهر
و دلوقتي العربية مركونة .... آسف أطلال العربية ............... و بيروح الشغل مواصلات
على فكرة العربية موديل 2007
و أنا بقى فرحان فيه جدا .......... علشان كدا الطريق نقص واحد من الأغبية

و تحيا ج.ع.ع ... و شعب ج.ع.ع ........ و هاي هيئ

نفسي أعرف ايه ج ع ع ديه يا توت؟ :)

اقتباس:

---

المشاركة الأصلية كتبت بواسطة wild_man

نفسي أعرف ايه ج ع ع ديه يا توت؟ :)

---

:hang: :hang: :hang: :hang:

اقتباس:

---

المشاركة الأصلية كتبت بواسطة tutankhamoun

جمهورية العك العربية :oops:


ج.ع.ع................ هاي هيئ :hang:

---

لاء بجد حلوة :D

طيب الحوادث اللي بنشوفها هنا رحمه عن اللي شوفتوا امبارح في طرق العوده من ديرب نجم طريق مجوز (رايح جاي في نفس الخانه) المهم عربيه سوباروا امبريزا بتتجاوز عربيات من ناحية الشمال اوي الناحية التانيه من الطريق اصلاً المهم مره واحده طاااااااخ طبعت علي ميكروباص وش في وش و مقيش فرمله تذكر في الاسفلت طب ده راح يتجاوز من اخر الشمال و قفل الطريق علي القادم من الجهه الاخري
طب استفاد ايه من الكام الثانيه اللي وفرهم دول

بجد السواقه بقت حاجه زفت ربنا يسترها

ده طبيعى لان 90% من اللى معاهم رخص مبيعرفوش يسوقوا

و 50% من دول واخدين الموضوع فهلوة...

MMamdouh

من الاخر الشعب المصري شعب محبط و تسيطر على غالبيته مشاعر الاحباط و الفشل..فبيطلع امراضه النفسيه دي في السواقه..واغلب الي بيخدو غرز و يسوقو برعونة ما هي الا ناس بتهري ووالعة من جوة وبتطلع كبتها ده في السواقة..
يعني انت عمرك شفت واحد راكب 280 E مثلاو نازل غرز و هبل? طبعا لأ..ليه? لانه من جوه مرتاح و ماعندوش حاجة عاوز يثبتها لحد..على عكس عيل نكره ساقط ثانوية راكب عربية قذرة يحسسك انه متأخر على صفقة بمليون جنيه..
ربنا يهدي الشعب ده بس ..

اقتباس:

---

المشاركة الأصلية كتبت بواسطة Tyler_Durden

من الاخر الشعب المصري شعب محبط و تسيطر على غالبيته مشاعر الاحباط و الفشل..فبيطلع امراضه النفسيه دي في السواقه..واغلب الي بيخدو غرز و يسوقو برعونة ما هي الا ناس بتهري ووالعة من جوة وبتطلع كبتها ده في السواقة..
يعني انت عمرك شفت واحد راكب 280 E مثلاو نازل غرز و هبل? طبعا لأ..ليه? لانه من جوه مرتاح و ماعندوش حاجة عاوز يثبتها لحد..على عكس عيل نكره ساقط ثانوية راكب عربية قذرة يحسسك انه متأخر على صفقة بمليون جنيه..
ربنا يهدي الشعب ده بس ..

---

الله يفتح عليك
انت جبت المفيد بالأمثلة الصح

اقتباس:

---

المشاركة الأصلية كتبت بواسطة Tyler_Durden

يعني انت عمرك شفت واحد راكب 280 E مثلاو نازل غرز و هبل? طبعا لأ..ليه? لانه من جوه مرتاح و ماعندوش حاجة عاوز يثبتها لحد..على عكس عيل نكره ساقط ثانوية راكب عربية قذرة يحسسك انه متأخر على صفقة بمليون جنيه..
ربنا يهدي الشعب ده بس ..

---

لا طبعا مش صح انا بشوف ناس بتعمل غرز وهي راكبة عربيات أخر موديل
في مرة علي الطريق الدائري 3 عربيات 2 كورلا وواحدة متسوبيشي وكلهم 2007 بيشدوا مع بعض وفي ثانية واحد فيهم العربية خانته ولفت حوالين نفسها التلاتة من الأخر أتعجنوا مع بعض وواحد ماشي في حالو راكب شاهين نابة من الحب جانب طيب دول بقي ايه اللي ناقصهم علشان يطلعوه في السواقة المتهورة

يا جماعة التكنولوجيا دخلت مصر غلط
أنا بقول من زمان

أحنا كل واحد يشتري حمار و عربية كارو

و ده أخرنا ............. أصل أحنا شعب مش محترم و لا بنحترم غيرنا و لا ملكية غيرنا

اقتباس:

---

المشاركة الأصلية كتبت بواسطة Tyler_Durden

من الاخر الشعب المصري شعب محبط و تسيطر على غالبيته مشاعر الاحباط و الفشل..فبيطلع امراضه النفسيه دي في السواقه..واغلب الي بيخدو غرز و يسوقو برعونة ما هي الا ناس بتهري ووالعة من جوة وبتطلع كبتها ده في السواقة..
يعني انت عمرك شفت واحد راكب 280 E مثلاو نازل غرز و هبل? طبعا لأ..ليه? لانه من جوه مرتاح و ماعندوش حاجة عاوز يثبتها لحد..على عكس عيل نكره ساقط ثانوية راكب عربية قذرة يحسسك انه متأخر على صفقة بمليون جنيه..
ربنا يهدي الشعب ده بس ..

---

و الله بجد و بي ام دابيو الفئة السابعة و مرسيدس A class و عربيات غالية جدا بشوفها ماشية بمنتهي الغباوة
مرة واحد لابس بدلة و راكب بي ام دابيو الفئة السابعة و شكله نضيف يعني و ابن ناس .. قعد يزنق عليا تزنيق سواقين ميكروباص علي كوبري الزمالك و حكينا المرايات .. هوا في حاجة غلط في الشعب كله بغض النظر عن المستوي الاجتماعي

بدليل حادثة الميرغني الاخيرة .. اتنين شباب صغيرين مستريحين ماديا قسموا الكورولا نصين في شارع في وسط البلد !

هوا عبط .. و زي ما قال محمد ممدوح .. ناس ... و واخداها فتاكة

يا جماعة انا كنت بضرب مثل بالشخصية مش بالعربية..يعني اقصد لو انسان متصالح مع نفسه هاتلاقيه واثق من نفسه ف السواقه و من نفسه هو مش عاوز يضايق حد..ولو شخصية معقدة هاتبقى سواقته ملعبكة و متوترة و وبيطلع احباطه في عربيته و في العربيات الي حواليه

اقتباس:

---

المشاركة الأصلية كتبت بواسطة MMamdouh

ده طبيعى لان 90% من اللى معاهم رخص مبيعرفوش يسوقوا

و 50% من دول واخدين الموضوع فهلوة... على راى المثل:


MMamdouh

---

انا فاهمك و هما ناس اكتر من كده كمان
بس اهوه احسن خللى الشعب يكسر عربياته و يموت بعضه و ميبقاش غير البنى ادمين اللى يستاهلوا يسوقوا بجد

اقتباس:

---

المشاركة الأصلية كتبت بواسطة Tyler_Durden

من الاخر الشعب المصري شعب محبط و تسيطر على غالبيته مشاعر الاحباط و الفشل..فبيطلع امراضه النفسيه دي في السواقه..واغلب الي بيخدو غرز و يسوقو برعونة ما هي الا ناس بتهري ووالعة من جوة وبتطلع كبتها ده في السواقة..
يعني انت عمرك شفت واحد راكب 280 E مثلاو نازل غرز و هبل? طبعا لأ..ليه? لانه من جوه مرتاح و ماعندوش حاجة عاوز يثبتها لحد..على عكس عيل نكره ساقط ثانوية راكب عربية قذرة يحسسك انه متأخر على صفقة بمليون جنيه..
ربنا يهدي الشعب ده بس ..

---

عمرها ما كانت بالعربية ابداااااااااااااااااااااا ااااااااااااااااا علشان 98 % اللى راكبيين العربيات الجامدة العالية دى كان اصلهم حفاة عراة ما يعرفوش الالف من مئذنة الجامع .انا اعرف واحد هنا فى اسكندرية ابوه يعتبر من مليارديرات البلد و كان من 10 سنيين بس بينام على الرصيف فى المينة علشان يشترى اى كونتينر او مركب صغير و يبيعوا حديد خردة و ابنوا الكبير كان بيركب جنبه على العربية الكارو ام بغل و يلموا الحديد من الاهالى بالكيلو و اتفرج على اخلاقهم و سلوكياتهم عاملة ازاى ،زبالة و حقد على اى واحد راكب عربية اقل بس شكله انسان مثقف ابن ناس

مش عارف بس واحد في البيت مثلاً مضروب بالشبشب ولا حاجه انا مالي بقي و الناس اللي في الشارع مالهم يعني

مش عارف اقول ايه صراحه

عشان كدة المفروض الواحد يعمل احتياطاته
انا بسيب مسافة كبيرة بيني و بين اللي قدامي عشان لو حب يتجنن و يعمل حاجة يبقي في مساحة للمناورة ليا

و اللي ورايا لو لاحظت انه لازق فيا بديله انتظار عشان يبعد شوية و يحل عن سمايا

بس برده مبسلمش من الغرز و الناس اللي يدوب بيبقي فاضل مللي متر و تحك فيك و هي بتاخد غرزة من جنبك

مرة عالصحراوي في اخر حارة في اليمين ماشي في حالي .. و واحد جه نزل بتلات تربع عربيته في الرمل عشان يطلع مني !! معقول يعني مستعجل للدرجة دي !!

لا اله الا الله
و احنا كمان راجعين على طريق الساحل بعد واحة عمر لقينا كمية عربيات مخبطة فى بعضها و لسه زيرو بالبتاع الابيض بتاعها دة!! بجد حاجة تقهر و كل دة عشان يوصل فى نص ساعة بدري مثلا!!!

طيب استفدت ايه من النص ساعة دول !!

ربنا يهدي