اية خطوات تقديم الاستقالة؟ مع العلم ان بعمل في شركة قطاع خاص
وبعمل اية في التامينات؟
عرض للطباعة
اية خطوات تقديم الاستقالة؟ مع العلم ان بعمل في شركة قطاع خاص
وبعمل اية في التامينات؟
ابدا
بتروح تقول لمديرك انك ماشي
و غالبا بيكون فيه مده لازم تقولهم انك ماشي من قبلها و بتبقي غالبا شهر او حسب عقدك
و بتروح تجيب ورقه من ال اتش ار علشان توثق تاريخ الاستقاله الرسمي و من اليوم ده تبدا الفتره اللي بقولك عليها (غالبا بيبقي عندهم فورمه جاهزه و لو مش عايز تكتب اسباب اكتب لاسباب شخصيه)
و بعد المده دي لو ليك فلوس او مكافأه بتاخدها و تاخد ملفك و في الشغل بقدموا طلب في التامينات لاخطارهم بانهاء عقدك و التامينات بتديلهم استماره ٦ بعدها بمده مش اقل من اسبوعين و سيادتك بتاخد صوره منها علشان بتقدمها في شغلك الجديد (ده في حاله انك هاتشتغل في مصر)
اما لو الشغل بره مصر ما بتحتاجش استماره ٦ دي
بس استهدا بالله كده و فكر الف مره قبل ما تتعمل كده و صلي استخاره كذا مره
و بالتوفيق
صح زى ماتفضل الاخ العزيز بس اللى احب اضيفة انك لما تقدم الاستقالة للموارد البشرية او المدير المباشر خليه يوقع على صورة الاستقالة استلمت الاصل بتاريخ كدا ولازم تاخد اخلاء طرف من مكان عملك وموقع من المدير العام ومختوم بخاتم الشرطة او الموارد البشرية بان لايوجد طرفك اى عهد او اوراق او اموال او سلف او مفاتيح او اى شيىء يخص العمل وعلى فكرة من حقك ترجع فى الاستقالة خلال اسبوع من تقديمها
طيب اللي حصل معايا كالاتي
انا شغال سيلز في شركة ورقيات وطبعا بيبقي معايا فلوس توريد وكلام من دة انا وردت الفلوس اللي معايا وخص تمام
1-المفروض اسافر مصر 24\3\2012 استلم ورقي واخد مرتبي (بلغني مشرفي اني لو سافرت لم اتمكن من الحصول علي الورق لان لموظفين مشغولين في تسليم الرواتب)
2-دلوقت جا لي شغل في شركة ورقيات منافسة لشركتي (مكتوب في عقدي اني ممنوع اشتغل في اي شركة ورقيات منافسة الا بعد 3 سنين اية الحل)
3-حتي الان انا وضعي اية؟ انا قدمت استقالتي بس كتبتها الي السيد مدير المبيعات وليس لرئيس مجلس الادارة فطلبو تعديلها واروح لهم مصر في الوقت اللي حيحددوه يعني انا دلوقت وضعي اية؟
يا باشا هو حد لاقي شغل عشان يستقيل ... نصيحه لوجه الله استحمل شويه
الكلام ده مش لطيف خالص
عشان موضوع شرط الشغل ده
حلها الوحيد إنك تتعين في شركة تانية وال شركة دي تعملك out source على الشركة الجديدة اللي إنت رايحها دي حاجة
التانية بقى إنت لو هتروح شركة تانية عشان مراتى اعلي
اولهم علي l-offer اللي جالك وخليهم يزودك
الإستقالة فعلا تقدم للمدير أو ال hr مش رئيس مجلس الإدارة
ياجدعان انا مقدم استقالتي من يوم 25 ابريل ولغاية دلوقت بيماطلو ومسلمونيش ملفي فضلا ان ليا وصل امانة ب 100000 جنيه عندهم