شنب ايه
شنب ايه
السلام عليكم انا محتاج نصيحتكم بصراحه انا معايا اوكتافياa4 موديل 2000وانا جاى ع الصحراوى كنت مفول لئيت البنزين عمال يقل والزيت ولمبه الزيت نورت ولما رحت للميكانيكى قالى عايزة ماكينه او شورت بلوك
ممكن اعرف سعر الشورت بلوك كام ؟؟؟
والافضل اجيب شورت بلوك ولا ابدل الماكينه على بعضها افيدونى ياريت ووالعملية دى هتتكلف كام
طقم شنبر امريكى 150
2 جوان وش السلندر (أصلى ) 150
جوان مانفولد 20
جوان شكمان 10
جوان كارتيرة تركى 25
علبة غسيل كابرتير 20
طقم بوجيهات سن قصير 40
انبوبة جملاكة 7
كوبلن واحد المانى 200
كوتشة كوبلن اصلية 35
فلتر زيت 20
خرط دلايل وقواعد للصبابات 250
طقم الشنبر من احمد رمزى في شارع زكى واليابانى ب 130 ج
باقى الحاجات من السيد صلاح في شارع عرابى - جوان الكارتيرة تركى من النبيل لان الموجود عند السيد صلاح مصرى
اشتريت عدد 2 كولن تركى ب 300 يعنى الواحد ب 150 للفليشيا
بس للاسف 4 شهور بالظبط وبيطقطقوا تانى
عاوز أجيب اصلى أفضل
تنصحونى بايه ؟
أولا الميكانيكى بنى افتراضه على أي أساس من غير ما يحل الموتور؟؟ - أنصحك بتغيير الميكانيكى ده لأنه هيبدهلك نصايح كلها غلط
ثانياً : لمبة الزيت لما تنور ممكن يكون أسباب كتيرة - منها
1- عطل طلمبة الزيت
2- قطع او هلك جوان وش التقسيمة وده حصل معايا - بص عليه هيبان اذا كان بيسرب زيت ولا لاء
3- عطل في ساعة الزيت
اما بقى لو موضوع ان العربية بتاكل زيت وبتدخن كتير فمعناه حاجتين مش ليهم تالت
1- نصف عمرة وهتغيير فيها طقم الشنبر وجوانات أخرى وجوان وش السلندر وممكن طقم سبيكة معاهم وكل دى اسعارهم فوق في مشاركتى يعنى ممكن تدخل معاك في 1200 ج بالكتير بمصنعية الميكانيكى
2- عمرة كاملة - ضيف على رقم 1 انك هتخرط شمايز والبلوك السلندرات وسبيكة وعمود الكرنك يعنى ممكن تدخل في 2500 او 3000 ج ودى انصحك انك تسقط موتور او شورت بلوك احسن لانها نفس السعر تقريباً
اما اخونا الميكانيكى اللى خدها من قصيرها وجاب من الاخر من قبل ما يحل الموتور ويشوف الدنيا فيها ايه فانصحك بتغييره بواحد تانى بيفهم لان الموضوع لو طلع عطل طلمبة الزيت او جوان وش التقسيمة او جوان الكارتيرة ضرب او اى تنفس للزيت فالكلام ده ممكن يتلم ب 200 بالكتير
نيجى بقى لسؤالك الأهم ماهو سعر الشورت بلوك والموتور
1- الشورت بلوك قبل الفصال ب 3000 ج - عبارة عن موتور بدون الفتيس والمارش والدينامو
2- موتور كامل قبل الفصال ب 4000 ج
الأسعار دى شهر أكتوبر 2014 من عند الحاج فاروق سكودا في الحرفيين مشهور جدا هناك هتلاقيه في شارع اسمه شارع مرسيدس - مواتير زى الفل هناك - وكمان عنده ميكانيكى في النزهة بيسقط ب 500 ج بس مش استفسرت منه لانى كنت بسأل بس
ارجو انى أكون افادتك
تحياتى
السلام عليكم ورحمة اللة
اشتريت وش سلندر بعمود التاكيهات بالاسياخ بتاعته ب685 جنيه من عند أولاد خلف فى عزبة شلبى بتاريخ 31/1/2015
يا جماعة انا عايز اقول ان وش السلندر طلع زى الزفت والخراط قال مش كويس ونزلت تانى عزبة شلبى واستنيت صاحب المحل اكتر من 4 ساعات عشان اغير وش السندر ودفعت عليه فرق 200 جنيه من عند البار .
ياريت تعرفوا ان أولاد خلف بيشتغلوا فى الخليع مش الاستيراد
فلتر هواء 30 جنية