ايه المشكله عندك يا مان مع ذكر السنه والموديل والعيب
عرض للطباعة
ايه المشكله عندك يا مان مع ذكر السنه والموديل والعيب
انا عندي اتعامل مع عصام بعيبه في قلة الخبرة زي مالبعض بقول ولواني شايفها مش قليلة ولا حاجة هي بس محتاجة شوية وقت لانه زي ما انتم عارفين شاب صغير و عنده الاساسيات كلها سليمة و الحجات التانية دي بقى اسمها الاقتراب من الكمال و الكمال لله وحده زي ما انتم عارفين و من ناحية المصنعية انا بقالي 3 سنين مع عصام اقسم بالله في ال 3 سنين دول بما فيهم من فك مواتير و تركيب و تغيير و عفشة ما اخد مني قد اللي اخدو مني مسعد و عدلي في تغير فتيس اس اي من اتو لمانيوال (اخد مني 3000 جنيه) و الفتيس المانيوال الاس اي ب 600 و شوية بدالات و عصاية فتيس و ماستر قول 600 كمان يعني 1200 , و اخد الفتيس الاوتو و بدالاته و عصايته يعني اخد مصنعية 1800 جنيه في فك و تركيب فتيس
الشهادة لله مش غالى خالص بالعكس لو زبونه حيعملك شغل مجاملة
دا رأي و حضرتك ممكن ترتاح لحد تاني برضه , المهم الراحة النفسية
الف شكر لكل الرجالة اللي بصراحة افادوني في موضوع دة لانه كان مضيقني خاصا زي ما انتوا عرفين ان المكانيكي ممكن يلمس العربية ويجيبها الارض و ممكن واحد تاني يظبطهالك زي مقال الكتاب و تكون مبسوط منه و مرتاح له نفسيا عموما انشاء الله هجرب اروح لعصام بس ياريت تقولولي هو فيين بظبط في الحرفيين ؟ ورقم تلفونه لو حد عرفه
والله ياجماعه عن تجربه شخصيه انا اتعاملت مع تلات اربع ميكانيكية هوندا و غير هوندا...عمري ما حبيت صنايعي ولا ارتاحتله ولا فكرت في يوم من الايام اني ارفع التليفون او اعدي اسلم عليه كأنه واحد صاحبي....
بس نخص بالذكر عصام عشان واضح ان فيه ناس كتييير اوي مش قابلاه...
عصام شاطر و امين و مش غالي خااااااالص و الاهم من كل ده انه مش كلب فلوس زي ناس كتيييييييييير اوي مرتاحين و ليهم اسم كمان....
انا بسيبله عربيتي و اللي بيقوله بدفعه و لو مش معايا بيقبل اي فلوس و يبقيلك و ممكن يقولك كفايه كمان...
انا مسقط موتور من غير ما ابص عليه و عربيتي راحت لحسني الكهربائي ربنا يباركله هو كمان و العربيه خلصت في 3 ايام و ماحستش في لحظه اني بيضحك عليا في جنيه و استلمت عربيتي علي الشعره ومش عارف اطلع فيها اي عيب...
وانا عايز حد يقول اسم ميكانيكي كويس و شاطر و امين و مش غالي و يجتمع عليه 5 افراد و كلنا نروحله و نخلص ونرتاح و نريح نفسنا...
ملحوظه: عربيتي قطرتها يوم حد بليل من اكتوبر وديتها الحرفيين و الموتور متدمر استلمتها يوم الاربع بليل من غير ماحتي اقف علي ايده ولا ابص علي الموتور و هو بيتسقط.والحمد لله الموتور 82% .....
ياجماعة بعد اذنكوا عشان نخلص الحوار دة ونطلع بحاجة مفيدة
احنا دلوقتى حصرنا الاختيار على افضل ميكانيكية وطلعنا باتنين فقط لا غير
1- جاسم
2- عصام
الاتنين كويسين جدا الصراحة ودة فية ميزة ودة فية عيب والعكس صحيح بس كشغل الحمد لله الاتنين كويسين جدا
روح لأى حد فيهم هتلاقى نفسك مستريح نفسيا وخصوصا ان الاتنين شباب
وهيا دي الزتونه
أنا عن نفسى مجرب جاسم شغله 100 100 و نضيف و فاهم و بيطلع يجرب العربيه كمان معاك بعد الشغل حاجه كمان ان معاملته جيده و مريح. انا سبتله عربيتى 4 ايام عشان كنت بسقط موتور هو اشتغل و واداها بنفسه لحسنى الكهربائي تتقفل كهرباء و اخدها منه و كمل شغل يعنى مش هتروح و تيجى بنفسك
يعنى مش تجربتى لوحدى مع صنايعيه المهندس رشيد اللى مكانتش مريحه
ياريت ياجماعه برضه اللى معاه رقمه يقوله شخصيا
لأنه شخص محترم بس للأسف الناس اللى عنده ممكن تبوظ سمعته
واللى المفروض برضه أنه يحافظ عليها وعلى زبونه