شكرا للجميع أهم شيء ان يستفيد الجميع وتسامحوني على الخطأ والنسيان وتكملوا لو في إضافه
عرض للطباعة
شكرا للجميع أهم شيء ان يستفيد الجميع وتسامحوني على الخطأ والنسيان وتكملوا لو في إضافه
بصراحة حضرتك بتبالغ قوى فى العربية دى انا شايف ان شكلها تعبان وسعرها مش تنافسى ولاحاجة انا أجيب صنى فى نفس سعرها أحسن منها مليون مرة وبعدين دى دايو لاسيتى وعربية بدائية زيها زى اللانوس والأفيو التلاتة زى بعض وان كانت لاسيتى احسنهم بس بفرق بسيط لكن بصراحة مش عارف أقارنها بمين فى فئتها لأن أى عربية هتغلبها وبعدين كله بيقول ان استهلاكها للبنزين عالى ألى حد ما والله أعلم وطبعا أوبشنها عادى والثبات أشك فى انها هتكون فى نفس ثبات مثيلاتها فى نفس الفئة زى الصنى
حضرتك بتقول إنى أدعى ؟؟ انا قلت كل حاجة بناء على تقييمى الشخصى فيه آلاف بيعشقوا عربيات شيفورليه أحترمهم لكن أنا مبحبهاش لشخصى ومش عشان كلام الناس عليها لو على كلام الناس عليها كنت حبيتها لكن أنا قلت وجهة نظرى بحيادية جدا ولما قلت ان استهلاكها عالى فى البنزين كان بناء على كلام قريته هنا فى المنتدى وعن صديق والدى قال ان العربية استهلاكها عالى شوية فى البنزين اعلى من اللانسر اللى كانت معاه قبلها المهم انى قلت فى الآخر والله أعلم لكن باقى الحاجات تقييمى الشخصى وبعدين بصراحة بالنسبة لى أول حاجة ببص للعربية الشكل وعمرك ما تلاقى عربية شكلها جامد وتصميمها رائع إلا وكان امكانياتها وموتورها رائع برضه
صح كلامك موش كل الى تسمعوه يبقه كلو صح
مضطر أقول لكم عيدوا قرآءة الموضوع تاني علشان تعرفوا إني قلت أن الشكل ده مسأله نسبية
أما مسألة الثبات فهي مسألة كلنا متأكدين منها 100% بدون حتى أن ننتظر رأي أي حد عنها سواء ركبها أو سمع عنها أو شافها أو يحبها أو بيكرهها
وحكاية استهلاك البنزين فمعايير التقييم كتيييييييره جدا وميقدرش حد يحكم عليها لوحده
يعني:
1- أتوماتيك ولا مانيوال
2- قياده بالزحمه ولا على طرق سريعه
3- قياده سهله ولا كلها حرق وشد
4- عمر السياره كام سنه
5- عدادها كام كيلو متر
6- الصيانه داخل التوكيل ولا بره
7- قطع الغيار أصلي ولا مضروبه
8- بتتغير في مواعيدها ولا لأ
9- نوع الطرق
10- نوع الكاوتش
11- ضغط الكاوتش
12- ميعاد القياده نهارا أم ليلا
13- بتكييف أم بدون
14- نوع الوقود
15- نوع الزيت
16- نوع شمعات الإحتراق
17- نوع الفلتر
لو قدرت تثبت كل المعايير دي في عربيتين اتنين بس في مصر يبقى انت قارنت صح
وبكده يكون حكمك صادق
انما سمعت وقالولي وبيقولوا يبقى
فشتـــــــــــك