أفضل سيارة بسعر لايتعدى 83 ألف "أوتوماتيك"

السلام عليكم ورحمة الله

عائلة مكونة من أربع أفراد وأرغب فى سيارة أوتوماتيك سعرها لا يتعدل ال 83 ألف جنية يفضل سيدان طبعأ بس الهاتشباك مش مشكلة لو سياره أفضل

وبعد البحث يوجد الأتى وأرغب من الأعضاء الأفاضل
وياريت اللى فاهم بس يا جماعه يفدنى بأفضلهم

Proton Saga 2012 F/O 1.3 A/T 75000 EGP

Briliance FRV 2012 F/O 1.5 A/T 82000 EGP
Brillance FSV 2012 F/O 1.5 A/T 83000 EGP

Renault Logan 2012 A/T 1.6 79000 EGP
Renault Sandero 2012 F/O 1.6 A/T 83000 EGP

Hyundai Verna F/O 1.6 A/T 80000 EGP

BYD F3 F/O 1.6 A/T 82000 EGP

شكرأ

ممنوع الكتابه باللون الاحمر
مشرف عام 1

فيرنا اوتو

لوجان

ابعد عن الصينى
و الرينو عربيه ممتازه بس فى اعاده البيع تقيله شويه و كنت سمعت من صحاب ليا ان التوكيل مش قد كده
و البروتون تحفه بس ممكن بالنسبالى حاسسها عربيه حريمى اكتر .. يعنى المرايه صغيره .. دواسه البنزين و الفرامل .. مفاتيح الازاز
اما بالنسبه للهيونداى ... فمع احترامى لكل ملاكها .. لو هجرى بالعربيه دى يكتب اكتب وصيتى الاول ..

ارشح لحضرتك لو بتفكر فى جديد زيرو ... يبقى الرينو الاول و بعد كده البروتون و بعد كده الهيونداى و الصينى فى الاخر

لكن لو فى المستعمل هتلاقى كتييير

ممكن صنى ... يابانى .. اعتماديه جدا .. روحها لذيذه و بتجرى و امان

ممكن بى ام دابليو e36 موديل 95 او 96 هتلاقيها فى الحدود دى لكن قطع غيارها غاليه نسبيا بس معمره

تويوتا كورولا 2005 ... و دى ارشحها لحضرتك بقوه

سكودا اوكتافيا a4 المانى .. ثبات ممتاز .. تسارع جيد .. اماااااااان .. فخامه .. واسعه من قدام جدا .. من ورا ضيقه نسبيا .. الشنطه بحر

ممكن كمان .. هوندا سيفيك 1996 او سيتى 2006 ... ال 2 هتاخد منهم كل اللى عاوزه


يارب اكون قدرت افيد حضرتك :)

اقتباس:

---

المشاركة الأصلية كتبت بواسطة OmaR_FekrY

ابعد عن الصينى
و الرينو عربيه ممتازه بس فى اعاده البيع تقيله شويه و كنت سمعت من صحاب ليا ان التوكيل مش قد كده
و البروتون تحفه بس ممكن بالنسبالى حاسسها عربيه حريمى اكتر .. يعنى المرايه صغيره .. دواسه البنزين و الفرامل .. مفاتيح الازاز
اما بالنسبه للهيونداى ... فمع احترامى لكل ملاكها .. لو هجرى بالعربيه دى يكتب اكتب وصيتى الاول ..

ارشح لحضرتك لو بتفكر فى جديد زيرو ... يبقى الرينو الاول و بعد كده البروتون و بعد كده الهيونداى و الصينى فى الاخر

لكن لو فى المستعمل هتلاقى كتييير

ممكن صنى ... يابانى .. اعتماديه جدا .. روحها لذيذه و بتجرى و امان

ممكن بى ام دابليو e36 موديل 95 او 96 هتلاقيها فى الحدود دى لكن قطع غيارها غاليه نسبيا بس معمره

تويوتا كورولا 2005 ... و دى ارشحها لحضرتك بقوه

سكودا اوكتافيا a4 المانى .. ثبات ممتاز .. تسارع جيد .. اماااااااان .. فخامه .. واسعه من قدام جدا .. من ورا ضيقه نسبيا .. الشنطه بحر

ممكن كمان .. هوندا سيفيك 1996 او سيتى 2006 ... ال 2 هتاخد منهم كل اللى عاوزه


يارب اكون قدرت افيد حضرتك :)

---

:yeah::yeah::yeah:

بالمبلغ ده خليك في المستعمل احسن في رايي
لو زيرو انا افضل فيرنا اوتو لقلة الاعطال وتوافر قطع الغيار وسهولة اعادة البيع , بس ده لو بتمشي على السرعات القانونية ( اقل من 130 كيلو )
مستعمل افضل النترا 2010 اوتوماتيك
وممكن بيجو 307 بانوراما او سيتروين c4 2006 او رينو ميجان 2009 لو بتدور على ثبات واوبشن ومش فارق معاك قطع الغيار

فيرنا اوتو طبعا ووفر فلوسك تكاليف صيانتها وتشغيلها ببلاش فى الايام ال عايشين فيها فى مصر

رائى هات رينو لوجان

جديد وزيرو وسيدان وموديل السنة وعائلية وواسعه واوربي واير باج وعالية عن الارض ومصممة لمصر
مفيش الا اختيار واحد

لوجان اتوماتيك

اقتباس:

---

المشاركة الأصلية كتبت بواسطة raedegypt

فيرنا اوتو طبعا ووفر فلوسك تكاليف صيانتها وتشغيلها ببلاش فى الايام ال عايشين فيها فى مصر

---

الفيرنا اتو اكيد اوفر في الصيانة وقطع الغيار
انا امبارح كنت راكب تاكسى فيرنا وسالت عنها الراجل قالى هى معايا ليها سنتين وزى الفل وبتعمل 10000 كيلو متر في الشهر ومفيها اي مشاكل وكمان مشغلها غاز بس هو اشتكى ان التكييف مع الغاز بيكون وحش وجرب التكييف مع الغاز وحول على البنزين وكان طبعا الوضع مختلف
وعلى فكرة الفيرنا امبارج هيونداى رفع السعر 1000 جنية اصبحت السيارة الفيرنا الاتوماتيك 81900 جنية مصرى ............. لية مش عارف . ............
وطبعا الملاكى غير التاكسى واكيد استهلاك الملاكى اقل
وانا متردد والله في الفيرنا ولسه مش عارف وكنت بقارن بينها وبين النيسان صنى ولينك المقارنة اهو لو حبيت تشوف الفرق
والنيسان عاملة 92000 اتوماتيك فول اوبشن
وعاملة 96000 جنية وفيها ايرباج abs - ebd - usb
وطبعا توكيل النيسان صنى زى الفل حسب التقارير المتوفرة بالموقع
وحضرتك لو تقدر على النيسان يبقى هى افضل يابانى طبعا وقوة وامكانيات
وربنا يوفقك ويارب اكون قدرت افيدك

دة لينك المقارنة بين الصنى والاوبترا
http://www.nilemotors.net/Nile/286132-a.html

نصيحة بالمبلغ ده هات حاجة مستعملة استعمال خفيف و موديل عالي
النترا - كورولا و دي ارشحها بقوة - ممكن تجيب اوبترا اوتوماتك موديل 2010

هو فين صاحب الموضوع يا رجاله ؟؟

اقتباس:

---

المشاركة الأصلية كتبت بواسطة omar_fekry

هو فين صاحب الموضوع يا رجاله ؟؟

---

المهم ان احنا نكمل المشوار ونوصل لافضل الاختيارات

اقتباس:

---

المشاركة الأصلية كتبت بواسطة mhDeeb

المهم ان احنا نكمل المشوار ونوصل لافضل الاختيارات

---

+1

طب يا جماعة مش يمكن صاحب الموضوع مش عايز يجيب الا زيرو بس ومش عايز يجيب مستعمل خالص؟؟؟ في الحالة دي يكون من ناحية الامان برأيي الرينو وده لو حضرتك عايز تخلي العربية دي معاك فترة لكن لو بتفكر زي حالاتي بسرعة البيع يعني العربية 3 سنوات وتغير يبقى هيونداي فقط من اجل سهولة البيع وشكرا

لوجان

أميل لل frv

خليك في الزيرو..
خليك في الساجا

ساجا
ولو فى اى معلومة تحت امرك
جروب ملاك الساجا فى مصر

https://www.facebook.com/groups/Prot...=group_comment

Byd f3 f/o 1.6 a/t 82000 egp

saga

اقتباس:

---

المشاركة الأصلية كتبت بواسطة sehsss

لوجان

---

+11111111

ساجا

انا كمان يا جماعه عاوزه اشتري عربيه زيرو في نفس السعر من ٨٠ الى ٨٥ الف ، و محتاره بين هيونداي i10 او رينو لوجان مع العلم أني لسه جديده في السواقه و مش ناويه أبيع العربيه الوقتي ،

انا ارشح لحضرتك
لو مستعمل يبقى كورولا
لو زيرو يبقى لوجان

طب ليه مش i10 ؟ لأني خايفه من ان اللوجان قطع غيارها غاليه و توكيلها مش كويس ، بس هي عاجباني جداً من حيث الشكل و الاتساع و الارتفاع عن الارض و ده اللي مخليني متردده بينها و بين i10 ، و شكرًا على الرد و النصيحة

لوجاان

Proton Saga

اى 10 او بيكانتو او فيرنا اتوماتيك او افيو شيفروليه اتوماتيك

السانديرو عربية محترمة

هات صني او النترا مستعملين

صني
اوبترا
تيدا
سيراتو

وكلهم حالتهم حلوة

هاتزنق نفسك ليه في عربيات زيرو مش قوية

خليك فى الزيرو و هات يــــــــــــــ لوجــــــــــــــــــــــ ـــــــــــان يا ساجا بس ان افضل اللوجان عارف ليـــــــــــــــه ؟!

لأن موتورها اقوى يا معلم و هو نفسه موتور الميجان 2 ( 1.6 - 110 حصان - 2 كامة ) و كمان فتيس استيبترونيك بتاع رينو سينيك ...

لكن الســـــــــــــاجا غلبانة يا عينى عليها موتور 1.3 - 94 حصان - كامة واحدة و فتيس عادى مش استيبترونيك زى اللوجان بس الحق يتقال انه من انتاج شركة ميتبيشى ..

و اوعى تفكر ان علشان موتور الساجا 1.3 تبقى اقتصادية اكتر من اللوجان بالعكس اللوجان الأوتو بتستهلك 11 لت لكل 100 كيل لكن الساجا الوتو بتستهلك 13 لتر لكل 100 كيلو و كمان فى الضريبة الساجا بيدفعلها ضريبة عربية 1.6 عادى زى اللوجان ..

سيبك من كل دة و دة كان اللوجان منتشرة اكتر و عاملة زى الرز فى البلد و توكيلها احلى كتيــــــــــــــر بعكس الساجا و قطع غيار متوفرة شوية و لما تقول يا بيع هتلاقى مصر كلها طلباها بعكس الساجا توكيلها عز العرب و كفايا انى اقول عز العرب اللى بيقعد الناس 3 شهور لو مساعد باظ و تقيلة جدا فى البيـــــــــــــع !!!!

خليــــــــــــــــــــــ ــــك فى السليم ... خليـــــــــــــــــــــك فى اللوجان ...

ساجا احسن اختيار في الفئة السعرية و قطع الغيار متوفرة خارج التوكيل و اسعار معقولة

انا عامل مقارنة بين الفيرنا والرينو لوجان اكيد هاتفيدك

http://www.nilemotors.net/Nile/255565-2009-2012-a.html

طبعا ان مش هاعيد الكلام اللى فى المقارنة
1- بس بالنسبة لقطع الغيار بدأت فى الانتشار
والنزول التدريجى فى السعر
2- ثانيا اسعار قطع الغيار بالنسبة للتوكيلين رينو وفيرنا متقاربة الى حد كبير
3- هناك بعض الاعضاء عارضين اسعار قطع غيار رينو ومقارنة بين اسعار ماركات اخرى
4-اهم حاجة فى رأيى انك لازم تقارن التوكيل قبل ما تقارن العربية وانا شايف ان توكيل رينو افضل من هيونداى لانى تعاملت مع الاثنين بس الرينو اكتر
5- ابعد عن الصينى لان العربية بتكون مكس
يعنى موتور يابانى عفشة فرنساوى تكنولجيا امريكى فرش صعيدى وكده يعنى انت بتشترى عربية مش عارف لو حصل حاجة وحبيت تكلم حد تروح لمين ؟ للصين ولا اليابان وامريكا ولا حسب المشكلة اللى فيها
6- سمعت كتير ان توكيل بروتون سىء بالرغم من ان سمعت برده ان العربية جيدة جدا وخاصة فى الثبات على السرعات العالية
7- انا ركبت النيسان للاسف صالونها ضيق جدا واللى ركب اللوجان والنيسان يعرف الفرق فى الصالون .
8-اخيرا ان كنت هاشترى عربية صينى ( اسمها جاك ) والاستاذ - هانى معرض محمد زكى وان بتصل بيه بالتليفون قللى بالحرف الواحد ما تشتريش صينى ولو ببلاش ......
وقال لى تعالى شوف لوجان عندى محجوزة ما تشتريش ومش هاتخسر حاجة
وهو السبب انى غيرت رأيى واشتريت لوجان
وعلى فكرة ما اشتريتش من عنده
لانها ما ما كانتش متوفرة عنده وقتها وان كنت عايز اعيد بيها عيد الاضحى الماضى
ولغاية دلوقتى انا سعيد ومش نادم انى اشتريت لوجان
I AM PROUD TO BE HAVE LOGAN CAR

على فكرة انا عامل 15500 كم يعنى ثلاث صيانات 5 و 10 و 15

لو انا هشتري هجيب البريليانس

فيرنا و توكل علي الله

لوجان