الموضوع: مطلوب سيارة ماتريكس اوتوماتيك

موفق ان شاء الله

المشاركة الأصلية كتبت بواسطة eletr

عايز عربية ماتريكس اوتوماتيك لواحد صاحبي 2006 او 2007 ياريت لو حد عنده حالة نضيفة يقولي 01001232797

ادخل حضرتك او هو على موقع كنتاكت كارز قسم السيارات المستعملة و اتفرج على المعروض من الماتريكس و هتلاقي عربيات حالتها شاذة و استخدام راقي

انا لسه جايب الحمد لله من اسبوع او 10 ايام عربية ماتريكس 2006 كوري غير تماما اللي بينزلها غبور من حيث الماكينة نفسها و اللي بيقولوا عليها التجار انها ماكينة "لافيتا " اللي بتنزل في اوروبا بنفس شكل الماتريكس

و كمان فارقة في فتحة السقف الكهربائية ومخدع السائق و كرسي السائق الهيدروليكي و مخدع للكنبة الخلفية بحامل كوبايات و مساحة للزجاج الخلفي و سبويلر و ريموت اصلي غير اللي غبور متعاقد معاه في مصر و اللي هو مصنع اسمه " غريب " و بالاضافة الى ان عفشة الكوري او المواصفات الخليجي بتبقى رياضية و افضل و الله من بتاعت غبور و الكلام ده عن مقارنة شخصية لان والدتي معاها 2007 من غبور !!!

الحمد لله كمان كنت وقعت مع صاحب العربية قمة في الاخلاق و اتفاوضت معاه ببساطة و اخدت العربية ب 74.5 الف جنيه ..... و حالتها ما شاء الله فوق الممتازة و فابريقة بالكامل و اول يد و رخصة ل 2014 و اتوماتيك و الكماليات اللي قولتهالك سابقا

فربنا يوفق صاحبك و يوفقك انك تعينه و تساعده في الشراء و جرب الموقع بتاع كونتاكت كارز و هتتبسط منه ان شاء الله و خد معاك بس حد ساعة المعاينة عينه حلوة و يعرف لك حالة العربية زي سمكري مثلا او عفشجي او حد من معارفك لان انا خدت ابن خالتي و هو استاذ في الموضوع ده و على طول واقف مع صنايعية ...