سعر ابيزا 97 ضرور ى

**RMHB** · 01-05-2012 08:15 PM

السلام عليكم

لو سمحتم سعر الابيزا 97 متوسطه كام

وافضل هيا واللا سويفت 94 يابانى

وهل ياترى بتستعمل بنزن 80 واللا 90

**ehab_mansour** · 01-05-2012 08:34 PM

أهلا بحضرتك بقسم سيات و بنايل موتورز
أولا السعر بيتراوح بين 28 الف الي 35 الف حسب الحالة العامة للسيارة و علي حسب الكماليات
العربيات دي لا ينصح باستخدام بنزين أقل من 92 حتي تأخ منها اداء جيد و عمر افتراضي اطول و مشاكل قليلة و لكن لو استخدمت بنزين 80 هتمشي عادي ولكن هتلاقي فيه ضعف في الاداء و عمر افتراضي للمحرك اقل و مشاكل اكثر مع استخدامه

بخصوص هيا احسن ولا سويفت فمعرفش و لكن هناك فرق كبير بين كل الصناعات و بين الصناعة الألمانية و ده رأيي لأن فيه ناس كتير بتعتقد ان مافيش فرق وانا اختلف في ذلك
ولكن كسايرة انهي احسن فمعرفش لأني مركبتش السويفت قبل كده
والله الموفق

**SYD** · 01-05-2012 08:39 PM

أولا اهلا بيك في قسم سيات

ثانيا مش عارف ليه حاسك مستعجل

الأبيزا يا سيدي ال97 لو الموتور الأستوك بيبقي 1300 كربراتير
وبالتالي ممكن تحطلها 80 لو لقيته

اما بالنسبة للمقارنة مع السويفت ال94
فدي ركوبة ودي ركوبة تانية خالص

السويفت واطية اوي علي الأرض
وليها طعم تاني خالص يختلف عن الألماني (الأبيزا)

اما بالنسبة للسعر فهي بتعمل مابين 25 و 32
25 للفاضية الحالة المتوسطة
32 للكماليات وحالة نظيفة

بس انت طالما بتسأل عن السعر والمقارنة بالسويفت
فالأبيزا مش تمشي معاك

الأبيزا رقم 1 عايزة ركيب الماني
حاببها وفاهمها ويصرف عليها ويجيب الي عايزاه
رقم 2 لو هتدخل في المقارنات واسعار قطع الغيار والميكانيكية بتوعها
هتلاقي السويفت تكسب

الأبيزا عربية ناعمة - سريعة - ثابتة - قطع غيار متوفرة جديدة واستيراد بس بسعر اعلي شوية من السويفت والكوري
الأبيزا عالية عن الأرض - مش بتحك - شنتطتها ضيقة - قعدتها مريحة

الأبيزا أصيلة - بتدوس مش بتقول لاء
بتقبل ترويش وتقبل كلاسيك

مش هتكلم كتير عنها
هسيبك تاخد لفة في القسم وشوف رأي الأعضاء والموضوعات عنها

ربنا يوفقك لما فيه الخير

والله المستعان
،
،

**ehab_mansour** · 01-05-2012 08:46 PM

علي فكرة يا هندسة ال 97 هي بالضبط ال 98
المحرك ال 1300 كابيراتير انتهي مع نهاية عام 95 و من بداية 96 تم استخدام المحرك ال 1000 سيسي الحقن الالكتروني زي اللي كان عندك في ال 99 زمان

**SYD** · 01-05-2012 08:47 PM

المشاركة الأصلية كتبت بواسطة ehab_mansour

أولا السعر بيتراوح بين 28 الف الي 35 الف حسب الحالة العامة للسيارة و علي حسب الكماليات
العربيات دي لا ينصح باستخدام بنزين أقل من 92 حتي تأخ منها اداء جيد و عمر افتراضي اطول و مشاكل قليلة و لكن لو استخدمت بنزين 80 هتمشي عادي ولكن هتلاقي فيه ضعف في الاداء و عمر افتراضي للمحرك اقل و مشاكل اكثر مع استخدامه

يا بشمهندس بيسأل عن ال97 الكربراتير
مش ال98 الأنجيكشن

النهاردة الأبيزا 94 الحالة المتوسطة بتعمل 25

وشوفتها بعيني الأتنين
عربية فبريكة دواخل
صالون نظيف
موتور استوك بحالة جيدة
كانت معاقين وفكت الحظر
ب25 الف

الأبيزا نزل شوية عن الأول

والله المستعان
،
،

**SYD** · 01-05-2012 08:50 PM

المشاركة الأصلية كتبت بواسطة ehab_mansour

علي فكرة يا هندسة ال 97 هي بالضبط ال 98
المحرك ال 1300 كابيراتير انتهي مع نهاية عام 95 و من بداية 96 تم استخدام المحرك ال 1000 سيسي الحقن الالكتروني زي اللي كان عندك في ال 99 زمان

؟؟؟؟؟؟؟؟؟؟؟

الكلام دة في البولو

انا اول مرة اسمعه في الأبيزا

انا الي اعرفه ان الأبيزا 98 اول الأنجيكشن ال1000

وممكن اواخر 97
لكن 95 دي بعيدة اوي

الا لو حسبت ان اول الشيب كان 93 زي الأوروبي مابيحسبوه
مش 94 زي مصر مابتحسبه

وبردو هيبقي اوله 97 مش 95

والله اعلم
،
،

**ehab_mansour** · 01-05-2012 11:16 PM

المشاركة الأصلية كتبت بواسطة SYD

؟؟؟؟؟؟؟؟؟؟؟

الكلام دة في البولو

انا اول مرة اسمعه في الأبيزا

انا الي اعرفه ان الأبيزا 98 اول الأنجيكشن ال1000

وممكن اواخر 97
لكن 95 دي بعيدة اوي

الا لو حسبت ان اول الشيب كان 93 زي الأوروبي مابيحسبوه
مش 94 زي مصر مابتحسبه

وبردو هيبقي اوله 97 مش 95

والله اعلم
،
،

شوف يا هندسة الصفحة دي

SEAT Ibiza - Wikipedia, the free encyclopedia

و شوف منها الجدول ده

Uploaded with ImageShack.us
هتلاقي كل المحركات اللي نزلت علي الموديل ده من الابيزا و هتلاقي كل محرك قدامه بياناته و سنوات انتاجه و كوده و قوته و كل شيء عنه
المحرك الأول بكود AER هو ده المحرك ال 1000 اللي نزل من 96 حتي 99
المحرك الثالث بكود AAV هو ده المحرك ال 1300 اللي نزل من 93 حتي 94 و انتهي في مصر في 95 و للعلم المحرك ده أكثر قوة من ال 1000 الانجيكشن ب 4 حصان زيادة (54 حصان) و ايضا عزمه أعلي يعني بيعطي 95 نيوتن متر مقابل 86 للمحرك ال 1000

و الكلام ده و المعلومات دي للابيزا و انا ماليش دعوه هو نزل فين ولا انتهي امتا للبولو لأننا بنتكلم عن ابيزا فقط

اي خدمه !!

**ehab_mansour** · 02-05-2012 10:15 AM

المشاركة الأصلية كتبت بواسطة rmhb

جزاكم الله كل خير عى النصائح الغالية

انا اخوكم د محمد من المنصورة ( اورام )

حكاية العربيات ده ماليش فيها خالص وده اول عربية ليا ومش مستعجل ولا حاجة

وانا مش بقارن السويفت بالابيزا اللا عشان هما الاتنين ادامى الوقتى ونفس السعر حوالين ال 28

انا خطتى ان شاء الله ان العربية هتقعد معايا من سنة ونص الى سنتين وبعدين اغير بجديد ان شاء الله لما اكون اتعلمت عليها

وانتو الخبرا دلونى وان شاء الله اللى فيه الخير يقدمه ربنا

الابيزا اللى ادامى زجاج كهربا وسنتر وهشوف اللى فيها بالضبط وهقلكم عليها ان شاء الله بس هيا كشكل عجبانى اكتر من السويفت

يا أهلا بحضرتك يا دكتور أخوك مهندس ايهاب منصور اساسا من المنصورة ولكن من توابعها مش منها نفسها و خريج هندسة المنصورة و لكن عايش حاليا بالقاهرة و نتشرف بمعرفة حضرتك

شوف العربية اللي قدامك دي كمالياتها ايه و رشة ايه بره و جوه و موتورها كام سيسي و عامله كام الف كيلو لأن محتمل العربية دي تكون استيراد معاقين و صاحبها خلصت فترة الحظر و بيبيعها لأن العربيات المعاقين منتشرة عندك اكتر شوية فلو كده تبقي لقطة فعلا
المهم شوف ايه تفاصيلها و قلنا و هنحاول نساعدك قدر المستطاع و ربنا يوفقك لما فيه الخير
ولو محتاج اي حاجه تخص العربيات دي عندك قول وانا ادلك علي حبايبنا عندك والله الموفق

**SYD** · 02-05-2012 11:30 AM

المشاركة الأصلية كتبت بواسطة ehab_mansour

شوف يا هندسة الصفحة دي

seat ibiza - wikipedia, the free encyclopedia

و شوف منها الجدول ده

uploaded with imageshack.us
هتلاقي كل المحركات اللي نزلت علي الموديل ده من الابيزا و هتلاقي كل محرك قدامه بياناته و سنوات انتاجه و كوده و قوته و كل شيء عنه
المحرك الأول بكود aer هو ده المحرك ال 1000 اللي نزل من 96 حتي 99
المحرك الثالث بكود aav هو ده المحرك ال 1300 اللي نزل من 93 حتي 94 و انتهي في مصر في 95 و للعلم المحرك ده أكثر قوة من ال 1000 الانجيكشن ب 4 حصان زيادة (54 حصان) و ايضا عزمه أعلي يعني بيعطي 95 نيوتن متر مقابل 86 للمحرك ال 1000

و الكلام ده و المعلومات دي للابيزا و انا ماليش دعوه هو نزل فين ولا انتهي امتا للبولو لأننا بنتكلم عن ابيزا فقط

اي خدمه !!

يا باشا انت بتتكلم جلوبال

ماتنساش ان في مصر الوكيل ليه دخل كبير في العربيات الي بتنزل
ثانيا لو تفتكر انا فضلت اقولكم ان الموتور ال1300 55 حصان وانت تقولي لا 50 زي ال1000

بس عموما انا هبحث شوية في الموضوع دة
انا اتذكر عندي بورشوور العربية الأبيزا ال1000 من ساعة لما كنت بروح فورميلا واوتوماك
بس للأسف مش عارف البورشور دة بتاع فورميلا 97 ولا فورميلا 98
لأني كنت متابع من اول فورميلا 95 لحد فورميلا 98

لما الاقيه هحاول ادور علي اي مرجع يقولي دة بتاع سنة كام

والله المستعان
،
،

الموضوع: سعر ابيزا 97 ضرور ى

LinkBack

أدوات الموضوع

عرض

-

-

-

-

-

-

-

-

المواضيع المتشابهه

طلب مساعدة مستعجلة قوى -دكتور عظام ضرور

مساعدة فى حادثة كيا سول ضرور

ضرور جدا ...عايز اعدل موتور230 مو 79 الي 200

استفسار ضرور جدا لو سمحتو ساعدوني ؟

سؤال ضرور للمهندس طارق وكل المختصين في الشارك

الكلمات الدلالية لهذا الموضوع

المفضلات

المفضلات

ضوابط المشاركة