الموضوع: كيا عصفورة هاتش باك

المشاركة الأصلية كتبت بواسطة waeel_bdr

ساعدوني عتدي كيا عصفورة 1300 الماتور أنجكشن مرة واحدة لاقيت rbm بيعلي ويوطي وصوت الماتور مش ثابت وفي رعشة في الماتور والعربية بتقطع وتنتش في السحب ودواسة البنزين بتفصل وأنا دايس علية وترجع الدواسة تشتغل تاني والبنزين طبعا بيخلص بسرعة روحت للميكانيكي فك العمة اللي واصلة للبوابة لقية جواة بنزين كتير نضف الأنجكشن وغير البوجيهات وفلتر البنزين والزيت طبعا مع الفلتر عشان كان مخلط باالبنزين وغير الرداغ الي بيرجع البنزين الزيادة للتنك بيقولي أن الرداغ مسدود مشيت بالعربية لمدة أسبوعين كويس وبعد كدة لقيت دواسة البنزين بتفصل تاني وأنا دايس علية وتنتيش ورجة في السحب مع العلم الميكانيكي بيقولي الطلمبة كويسة معلش أنا طولت عليكم بس عشان تعبت وزهقت ورحت لواحد كهربائي يكشف علي العربية بالكمبيوتر وهو بيركب الجهاز علي العربية بتبطل يرجع يركب الجهاز تاني العربية تبطل ومعرفش يفيدنا ساعدوني ياجماعة الخير

هل البنزين اللى حضرتك فولته اخر مره كويس

راجع سلوك البوجيهات احسن يكون فيها تهريب شويه

او تكون سلوك البوجيهات غير حاكمه على البوجيه ( بالبلدى كدا) مش راكبه كويس وبتهرب

اتمنى عندما تصل الى حل لمشكله ان تفدنا عن كيفيه حلها

لك كل التحيه وربنا يوفق حضرتك فى حل المشكله بإذن الله تعالى