سؤال ونفسى اسأله للناس اللى بتركن واللى بياخدوا غرز واللى بيسوقوا فى شوارع ضيقة , ازاى بتحفظوا ابعاد عربيتكم يا ابطاااااال:36_9_4:
عرض للطباعة
سؤال ونفسى اسأله للناس اللى بتركن واللى بياخدوا غرز واللى بيسوقوا فى شوارع ضيقة , ازاى بتحفظوا ابعاد عربيتكم يا ابطاااااال:36_9_4:
تعود على العربية
مع الممارسة بتتعود وبتحظ ابعاد العربية
معتقدش فيه حد بيحفظه بمعني الكلمه انما هي مساله تعود ومهارات استخدام المرايا اللي تقريبنا الناس في مصر مش بتستخدمها اصلا.
ثانيا ظبط الكرسي بتاعك بحيث انك تشوف ابعاد كبوتك بوضوح مش الناس اللي بتبقي شبه نايمه في الكرسي ووشه للسما تحس انه سايق طياره مش عربيه
قعدت يمكن اسبوعين بعد ما جبتها اسوق العربيه واعديها من اماكن وملفات ضيقه ( طبعا ببقى عارف ان العربيه تعدى منها ) لغاية ما اتعودت اقدر المسافه اللى ادخل فيها واذا كانت تكفى العربيه ولا لأ -- يعنى باختصار التعود وعدم الخوف
بص يا باشا ده احساسك بلعربيه
و ده بيرجع للتعود على السواقه
ابعادك علشان تحفظها من القايم اليمين و القايم الشمال ده و انت جوه العربيه
بعد كده كبوت العربيه دى مش هييجى غير بلتعود و السواقه الكتير
و شكلك كده لسه سايق جديد
اتعود و امشى فى الشارع كتير و ماتخفش من اللى حواليك
هتلاقى نفسك زى الفل
و موت قلبك و خود غرزه هتلاقى احساسك بلعربيه بقا اعلى
خد التانيه فى التالته فى الرابعه هتلاقيه بقا اعلى و اعلى و اعلى
الخامسه فى السادسه فى السابعه هتلاقى نفسك حفظت العربيه
بس خلى بالك فى ناس ماشيه على الطريق
و لازم تبص فى المرايات كويس اوى و انت بتاخد الغرز علشان لا تعور نفسك ولا تعور حد
و ربنا يسرها علينا و عليك
تحياتى
^_^
كلامك مش صح و ياريت تاخد كلامى اللى جاى ده بصدر رحب
اولا لازم الواحد يبقى حافظ ابعاد عربيته كويس اوى
علشان الغرز
علشان الركن و علشان حاجات كتير اوى
و حاجه تانيه
العربيات الجديده
مهما طلعت الكرسى لقدام و لزقت فى الطاره مش هتشوف الكبوت
و ده بيخلينا نرجع الكرسى ورا علشان تريح نفسك بدل ما انت مكلبش كده فى الطاره بأيدك الاتنين
المختصر
طالما خفظت ابعاد العربيه
اياكش تروح تنام فى الشنطه مش هتفرق
تحياتى ليك
^_^
يعني الموضوع مش صعب ?????
لاء طبعا مش صعب و ده بيعتمد على مدى مهارتك و قرايتك للعربيه عامله ازاى
خلاصه الكلام
كل واحد فينا جواه مايكل شوماخر
بس اللى يعرف يطلعه و مش يخاف منه و يموت قلبه و انت هتلاقى نفسك بتمشى لواحدك
من غير شده اعصاب و قلق و خوف و هتلاقى نفسك بتاخد الغرز مستريح اوى
اهم حاجه تبص فى مرياتك صح
و تعرف ابعاد عربيتك و رخى نفسك و متشدش اعصابك و موت قلبك
و عيش يا معلم و ادعيلى
تحياتى
^_^
بالنسبه للكلام فده عن خبرتي المتواضعه الشخصيه اما بالنسبه للغرز فانا خدت غرز بجميع المقاسات من اول الفولفو السبعه راكب مرورا بعربيات متوسطه الحجم زي الاوبل والفلوينس لحد الزئرده الصغيره الجيتز
واعتمادي الاول ستر ربنا دعي الوالدين :36_2_55[1]: واخيرا المرايات
وفي كل العربيات اللي ركبتها كنت بشوف الكبوت ماعدا طبعا اختنا الجيتز لعدم وجوده تقريبا (وده مش معناه ان فيه عربيات مش بتعرف تشوف الكبوت زي ماحضرتك بتقول))
بالنسبه ليه المرايات اهم حته في العربييه مرايه النص ومرايات الجوانب
واكره موووووووت اللي العربيه يبقي القزاز الي ورا متغطي بحاجه تلاقيني مش عارف اسوق ولا اقدر اخد غرزه واحده زي ايام المطر مثلا لما القزاز اللي ورا بيشبر
وصدقني انا بحب جدا نقاشات المنتدي لانها بتوري اساليب مختلفه في السواقه.
وفي النهايه كلنا حبايب :fun_10_9_134[1]: وكلنا صح