شراء بورا

**galalsherif** · 01-05-2012 10:48 PM

السلام عليكم ورحمه الله وبركاته
بجد انا بشكر كل الاعضاء الى بتشارك ف القسم الخاص ف الفولكس
انا الحمد لله اخيرا استقريتانى اشترى عربيا بورا ولو فيه حد عنده عربيه بالمواصفات التاليه وعاوز يبيعها يرد عليا
1- 1600cc اوتوماتيك
2-فابريكه برا وجوا
3- مش متغير فيها اى حاجه ليها علاقه بالماتور او الفتيس
4- تكون مش ماشيه كتير بالكتير 120 الف كيلو متر
5-يفضل موديل 2000 2001 2002
لو فى حد عنده المواصفات دى يرد عليا وا يسيبلى رقمه وانا هتصل بيه
متشكر جدا

**engahmedsamy** · 02-05-2012 02:34 AM

متابع

**galalsherif** · 05-05-2012 12:29 AM

ايه ياجماعه فعلا مفيش عربيه بورا بالمواصفات دى ولا محدش عاوز يفرط فيها؟

**TOOLA** · 06-05-2012 04:25 PM

هو بصراحة صعب اوى اوى المواصفات الانتا طالبها (معأنى بالصدفة قابلتها فى الشارع من كام شهر ووقفت صاحبها و فضلت 3 اسابيع لغاية ماخلصت معاه الحمد لله بس كانت حراقة شوية بالمواصفات الانتا كاتبها كلها).

نصيحتى ليك بأه لو مستعجل شوية: اولا حاول تفك من موضوع العداد, لأن معظم العدادات ملعوب فيها فحاول متركزش أوى, الأهم تكشف كويس على حالة الموتور و الفتيس.

ثانيا موضوع الدهان:بردو صعب اوى فابريقة بره و جوة, حاول تبقى حاجة فابريقة جوه, و رشة حزام بس من بره , يعنى تبقى فابريقة مثلا كابوت و شنطة و سقف (بس صعب بردو على فكرة)

**galalsherif** · 07-05-2012 01:27 AM

احمد شكرا جدا على ردك
انا لاقيت فعلا حاجه بالمواصفاتا لى كنت كاتبها
فابركيه , ماشيه 87 الف و حالتها ممتازه فعلا
بس ساعتها الفلوس مكنتش كامله معايا
وفى واحده تانيه الى فيها مشكله فى علبه الدريكسيون الى انت تفضلت ورديت على الموضوع
انا مش مستعجل , وكمان عارف ان العربيه قليل منها اصلا الموجود ف السوق فاكيد النضيف منها هيبقى قليل جدا جدا
مبروك عللى السياره الى انت اشترتها اللهم لا حسد وربنا يباركلك فيها ويبعد عنك شرها
الموضوع كله انى متحير اكشف فين, ف التوكيل ولا عند هانى الى عند حديقه بدر وكمان ارفعها ف بنزينه

**TOOLA** · 07-05-2012 11:42 AM

الأول قدر الله و ما شاء فعل, ماتزعلش على حاجة راحت منك كله نصيب,ثانيا يا باشا لا حسد ولا حاجة عربيتك و خدها من غير اى حاجة, ثالثا, نفض لموضوع البنزينة ده خالص مش هينفعك غير فى موضوع الدهان و الشاسيه فقط لا غير (ده لو رحت عند بنزينة ثقة اساسا و فيها حد بيفهم), و اخيرا التوكيل او هانى ديه حاجة ترجعلك, بس اعتقد هانى مش هيأثر معاك فى الكشف بس ممكن يأخرك شوية و الكشف الكامل بيكلف 150ج تقريبا

**galalsherif** · 07-05-2012 09:23 PM

بجد انا متشكر جدا لاهتمامك وان شاء الله ربنا يكرم
ولو ف جديد هضيفه ف الموضوع

**فتح الباب** · 08-05-2012 01:08 AM

شفت عربيه فى دمياط عند واحد ميكانيكى هناك بالصدفه لونها دهبى لفت نظرى قلت ادردش معاه قالى موديل 2005 عامله 92 الف جنيه وفبريكا بره وجوه وموتور 1600 اوتوماتيك مش معايا تليفونه بس ممكن اشوفه لحضرتك

**galalsherif** · 08-05-2012 01:14 AM

متشكر جدا لاهتمامك
انا شايف السعر غالى جدا
انا شفت 2002 فابريكه برا وجوا ماشيه 87000 طالب 78 الف
لونها اسود كامله اوتوماتيك بس للاسف مكنش ساعتها الفلوس كامله معايا

**sha2e** · 11-05-2012 03:49 PM

المشاركة الأصلية كتبت بواسطة فتح الباب

شفت عربيه فى دمياط عند واحد ميكانيكى هناك بالصدفه لونها دهبى لفت نظرى قلت ادردش معاه قالى موديل 2005 عامله 92 الف جنيه وفبريكا بره وجوه وموتور 1600 اوتوماتيك مش معايا تليفونه بس ممكن اشوفه لحضرتك

المبلغ ده يجيب جيتا مش بورا

بصراحه انا شايف سعر البورا بقى مبالغ فيه شويه مقارنه بباقى فولكس لان الباسات1999 الى تعتبر فئه اعلى من البورا بتكون فى رينج 65 الف
فى رأي الى يخليني أدفع 75 الف فى بورا أكمل عليهم 10 او 15 الف وأجيب جيتا احسن

تحياتي