تحذير هام لا تملأ البنزين بنفسك ولا تنزل من سيارتك اثناء تموينها

**smsmbakr** · 12-06-2008 08:05 PM

شكرا علىالنصيحة وربنا يسترها معانا كلنا

**Ahmad Allawy** · 12-06-2008 08:17 PM

الف شكر يا باشا علي المعلومات..
ولو انها مش حاجة غريبة يعني.
بس نادرا لما حد بياخد باله م الحكاية دي..
عموما الف شكر تانء علي التذكير للي عارف..
و للي ميعرفش..
جزاك الله خيرا

**شاهين - بنز** · 12-06-2008 08:21 PM

شكرا وعلى فكرة أنا ساعات جسمي بيتشحن جامد وبتوصل لدرجة إني بطلع نار من بؤي زي التنين بالضبط

**Ahmad Allawy** · 12-06-2008 08:32 PM

المشاركة الأصلية كتبت بواسطة شاهين - بنز

شكرا وعلى فكرة أنا ساعات جسمي بيتشحن جامد وبتوصل لدرجة إني بطلع نار من بؤي زي التنين بالضبط

ههههههههههههههههههههههههه هههههههههه
ههههههههههههههههههههههههه هههههههه
هههههههههههههههههههههههه
جامدة اخر حاجة..

**Matrixawy** · 12-06-2008 09:05 PM

من الافضل عامة فى مصر الا ينزل الشخص من سيارته اثناء تواجده فى البنزينة للتموين و ان يكون متأهب لأشىء طارىء قد يحدث اثناء تواجده بها بسبب كمية الاهمال الجسيمة التى تحدث فى معظم محطات البنزين من تشغيل موبيل و كهرباء استاتيكية و تشغيل محركات و تدخين و لولا تواجدى فى سيارتى اثناء حدوث الحريق بالبنزينة ما كنت استطعت الهروب بها لان منظر النار كان رهيب و كفيل بأن يجعلنى اهرب و اترك السيارة لو كنت خارجها .
وربنا يسترها معنا جميعا

**mmolazem** · 12-06-2008 10:15 PM

المشاركة الأصلية كتبت بواسطة Matrixawy

من الافضل عامة فى مصر الا ينزل الشخص من سيارته اثناء تواجده فى البنزينة للتموين

كد انا هبقى بين (نارين)..........

انزل و اخلى العربيه تولع ..... ولا اقعد جواها ( مولع ) و انا مش عارف العداد بقى كام ..... (ويحاسبنى على مزاجه).

**Matrixawy** · 13-06-2008 12:22 AM

المشاركة الأصلية كتبت بواسطة ahmed2801

شكرا جزيلا على النصيحة ولازم بعد كدة اعمل حسابى ما أنزلش من العربية
لانى من الناس اللى جسمهم بيتشحن

فى تجربة غريبة جدا حدثت معى عندما اشتريت السيارة جديدة كنت كل ما اخرج من السيارة و امد يدى اغلق الباب لازم اتكهرب بسبب شحنة الكهرباء التى كانت تلازمنى دائما
و بمجرد ما ركبت فرش جلد اختفى هذا الموضوع تماما فأدركت ان فرش السيارة الاصلى كان السبب فى هذه الشحنة الدائمة عندى

**Ahmad Allawy** · 13-06-2008 01:36 AM

عشان فرش العربية الاصلي الياف صناعية..
و لما الواحد بيقعد و بيتحرك في الكرسي.. بيولد كخربا استاتيكية..
لكن الجلد الاحتكاك بتاعه مع الهدوم قليل..
لكن مع الهدوم الشتوي لما الشتا يدخل هيكهرب برضه علي فكرة..

**Moh.Fahmy** · 13-06-2008 04:29 AM

الحل في الكسوة الخشبية التي توضع علي فرش العربية او الفرش الجلد لان فعلا الجلد بيمنع حدوث الكهربا الاستاتيكية
و لازم نبطل العربية و ما نتكلمش في الموبايل و المفروض المحطات المحترمة تنبه باستمرار علي العملاء\
حتي في بيوتنا لازم نراعي نوعية الفرش يعني مثلا الكراسي البلاستيك دي لوحدها مصيبة كبيرة خصوصا لو كنت قاعد علي كرسي منهم و بتتفرج علي التليفزيون او قدام الكومبيوتر او بتتكلم في الموبايل و خصوصا عن طريق سماعة البلوتوث
كان فيه الدكتور كريم ابراهيم و ده استاذ في الهندسة الحيوية هو رائد مكافحة المشاكل من هذه النوعية فكان يقوم بوضع اشكال هندسية بنظام خاص و بزاويا خاصة لتجنب حدوث مثل هذا لان هذه المشاكل ان لم تعالج تتسبب في صداع مزمن و مشاكل في المخ لدرجة انه صمم قرية بأكملها في سويسرا لتجنب مثل هذه المتاعب
لكن الموضوع مهم جدا و مفيد قوي

محمد فهمي