ممكن بعد اذن سعاتك شوية معلومات اكتر او لينكلت عن الموضوع..
ليا انا شخصيا يعني عشان انا حابب اعرف و اقرا اكتر عن الموضوع ده..
ولو حتي تبعتهالي علي الخاص..
ولك جزيل الشكر..
قرأت فى مجلة علمية دارسة تؤكد ان تعرض الجسم بكثرة لعملية الشحن هذه و خاصة من الاجهزة الكهربائية مثل الكمبيوتر يكون لها تأثر خطير على المخ على المدى البعيد بسبب زيادة الكهرباء به و التى تؤدى فى النهاية الى الاصابة بنوبات صرع .
شكرا جزيلا وعلى فكرة انا الحكاية دى بتحصل معايا باستمرار علشان كدة ومن كتر متكهربت ان شاء الله هركب فرش جلد
الحقيقة احمد باشا ححاول انزل لينكات عن الموضوع ده انما و الله انا اليومين دول مش فاضي شوية انما بالفعل الموضوع خطير جدا و مهم و علي فكرة مقر الدكتور كريم في المعادي و بالفعل الموبيلات و محطات تقويتها و الاجهزة الحديثة لدرجة انه مهم جدا انك تختار مكان سريرك و تكون حريص ان ما يكونش معدي من خلفه كابل كهربا لانه بيصدر ايضا موجات بتأين الغلاف الجوي اللي انت نايم فيه فعلي الاقل لازم يكون فيه مسافة كافية و ايضا الخطورة كلها في انك تنام في غرفتك و موبايلك موجود في نفس الغرفة او غرفة الاولاد ..ده حتي التليفزيون المفروض لما تفصله قبل النوم ما تفصلوش من الريموت لأ الصح انك تفصله من زرارر الباور بتاعه لانه لو بالريموت فقط بيبقي محتفظ بشحنة كهربية جامدة بتنبعث في المكان و كذلك الكاسيت و ربنا يستر علينا لكن لازم ناخد بالاسباب
محمد فهمي
جزاك الله كل خير
فعلا نصيحة مهمة
اليوم شاهدت توكتوك فى بنزينة بطريق كفر طهرمس اشتعل بنفس الطريقة
و سحبوه بسرعة خارج البنزينة بعد ان اكلته النار تماما
حل المشكله دى بسيط جدا يا جماعه وبيجى بالتعود
وهوا انك تلمس اول ما تنزل جسم عربيتك من بره (الساج) وكدا بيعمل كقطب أرضي وييسحب كل الشحنه الل انت شايلها
مجرد لمسه لجسم العربيه من بره أبل ما تروح ناحية خرطوم البنزين ولمسه أبل ما تركب العربيه
الموضع سهل جدا وبيحمى من حوادث كبيرة ممكن تحصل بس هيا مسألة تعود
أخوانى موضوع الشحنه دا موجود فى جسم كل واحد فينا بس بنسب مختلفه ودا حسب أستخداماتك للتكنولوجيا الحديثه من موبايلات وكمبيوتر وخلافه وعلشان تفرغ الشحنه دى بأستمرار أول بأول لو تقدر تقف على الأرض بدون حذاء ولو خمس دقائق وتكون الأرض مش بلاط أو سيراميك أو أسفلت يعنى تكون الأرض طبيعيه أرض رملية مثلا أو أرض جنينه طينيه طبعاالشحنه الكهربائيه حاتتفرغ تماما وسبحان الله المواظبه على الصلاه باستمرار من العوامل التى تفرغ الشحنه تماما فى الأرض لأن ثبت علميا أن الشحنه يتم تفرغها عند السجود على السبع أطراف وهم القدمين والركبتين واليدين والجبهه وأنا شخصيا لو صليت أى فرض فى جنينه على النجيله بأحس أن طبيعة جسمى أتغيرت لأننى من النوع اللى لو لمست (كيسة) الكمبيوتر أتكهرب بعد ماأصلى فى أى جنينة أوأقف (حافى) لمدة خمس دقائق على أرض طبيعية بعدها تنتهى الشحنه تماما ودى عن تجربه شخصيه ...............سبحان الله
أخوكم م/حسين