تعلية شيفروليه لانوس

**mamdouhelsayd** · 02-05-2012 01:04 AM

السلام عليكم ورحمة الله وبركاته على فكرة ياجماعة أنا عملت تعلية للعربية من ورا ومن قدام عند واحد دكتورفى الحدادة وطلعت على الطريق الدولى علشان أجرب العربيية بعد التعلية ووصلت بيها لل160 كم /الساعة والعربية بسم الله ماشاء الله ولاعامت منى ولا حاجة زى ما الناس قالت لى
أنا عايز أقول إن تعلية العربية ملوش أى علاقة بعومان العربية واللى عايز يعلى عربيتو يقولى وأنا أوصفلو الدكتور بتاعى مكانه فين .....................

**mailo** · 02-05-2012 02:23 AM

ازااااااي
يعني كل قوانين الفيزيا غلط والدكتور بتاعك هو اللي صح

وبعدين لو العربية عليت 5 متر هتجيب 160 برده بس جربها بقى في غرزة أو في ملف حلو كده على السرعة دي وقولي إيه الاخبار

**MaZaGAngeE** · 02-05-2012 02:55 AM

تجربة واحدة مش كفاية للحكم .... جرب ملفات و غرز على سرعات عالية الأول

**prince2005** · 02-05-2012 10:43 AM

المشاركة الأصلية كتبت بواسطة mailo

ازااااااي
يعني كل قوانين الفيزيا غلط والدكتور بتاعك هو اللي صح

وبعدين لو العربية عليت 5 متر هتجيب 160 برده بس جربها بقى في غرزة أو في ملف حلو كده على السرعة دي وقولي إيه الاخبار

You are right,again the Egyptians pros.They think they can outsmart the manufactures

**MMamdouh** · 02-05-2012 12:56 PM

المشاركة الأصلية كتبت بواسطة mamdouhelsayd

السلام عليكم ورحمة الله وبركاته على فكرة ياجماعة أنا عملت تعلية للعربية من ورا ومن قدام عند واحد دكتورفى الحدادة وطلعت على الطريق الدولى علشان أجرب العربيية بعد التعلية ووصلت بيها لل160 كم /الساعة والعربية بسم الله ماشاء الله ولاعامت منى ولا حاجة زى ما الناس قالت لى
أنا عايز أقول إن تعلية العربية ملوش أى علاقة بعومان العربية واللى عايز يعلى عربيتو يقولى وأنا أوصفلو الدكتور بتاعى مكانه فين .....................

ههههههههههههههههههههههههه ه

هو اختبار ثبات العربية الايام دى بقى انك تجيب 160؟؟... ما انت ممكن تجيب 160 باى عربية فى الدنيا طالما موتورها قوى بما يكفى... ايه دخل دة بان العربية عالية او واطية؟؟؟ ما عربيات زى الهيونداى اكسل و الكيا برايد بتجيب 160... و بعدين؟؟؟؟؟؟؟؟؟؟

اختبار الثبات بيبقى اختبار لقدرة العربية على المناورة و تغيير الاتجاة على سرعة عالية مع ملاحظة مدى دقة توجية العربية و ميلان جسمها على الطريق و استجابتها لرغبات السائق فى تغيير الاتجاة بشكل متكرر

طول ما انت ماشى فى خط مستقيم باى سرعة هيبقى ارتفاع العربية مش فارق فى حاجة... ابقى جرب تنقل من اول لاخر حارة فى الطريق و ترد تانى على ال160 اللى كنت ماشى عليها و شوف ايه اللى هيحصل... طبعا انا بهزر و اوعى تحاول حاجة زى كدة عشان متروحش بلاش

باختصار يعنى عشان نخلص موضوع اختبار الثبات اقراء الموضوع دة و انت تعرف يعنى ايه اختبار ثبات لان اللى قالك ان اختبار الثبات هو انك تجيب 160 وبس راجل بلاص

http://www.nilemotors.net/Nile/28562...6-merwede.html

طبعا بعد ما تقراء الموضوع هتكتشف مدى التحول فى ثبات العربية نتبجة تخفيض ارتفاعها 4 سنتى فا احسب بقى العكس فى عربيتك حسب انت عليت قد اية... طبعا متحاولش تعمل الاختبارات اللى انا عملتها لان اكيد العربية هتتقلب و مش هتستحمل القوى الجانبية فى الملفات بعد رفع مركز ثقلها عن الارض علما بانها اصلا عالية عن الارض... الموضوع موضوع فزيا بحت ولا يخضع للتكهنات

الحل بالنسبة ليك هو انك ترجع العربية زى ما كانت او تنسى موضوع الجرى لان تغيير الاتجاة على سرعة عالية بالوضع دة خطر عليك و على اللى معاك فى العربية و على الاخرين اللى معاك على الطريق كمان

MMamdouh

**mamdouhelsayd** · 06-05-2012 12:19 AM

متشكر قوى يا أخى موحة على وقفتك جنبى وعلى تلطيف الجو بس على فكرة أنا ماليش فى الجرى ولا الغرز ولا الكلام ده خالص وإلا كنت رحت عدلت فى العفشة وخليتها عفشة رياضية بالمرة ..............أنا بتكلم علشان المطبات الصناعية الموجودة عمال على بطال فى الشوارع وكل واحد عنده شوية أسمنت فاضلين من البناء يجرى يعمل قدام بيته سد منيع إسمه مطب صناعى (وعلى فكرة أنا بسبب الكلام ده طلعت بالعربية على الطريق الصحراوى علشان أجرب السرعة والغرز اللى بيقولوا عليها ولقيتها والحمد لله ......بسم الله ماشاء الله عليها ........... والسلام ختام

**mailo** · 06-05-2012 03:30 AM

يا أستاذ ممدوح ماحدش شد معاك عشان الجو يحتاج تلطيف

الناس بس بتوضحلك الغلط اللي إنت وقعت فيه
وعشان ماحدش يعمل كده تاني أو ياخد بنصيحتك وهي بتضر مش بتنفع

وعلى فكرة كل الناس اللي هنا بتقف جنب بعض وبتخاف على مصالح بعض
عشان كده متزعلش لو حد اتخانق معاك عشان مصلحتك

**ahmedteam** · 06-05-2012 02:26 PM

المشاركة الأصلية كتبت بواسطة mailo

يا أستاذ ممدوح ماحدش شد معاك عشان الجو يحتاج تلطيف

الناس بس بتوضحلك الغلط اللي إنت وقعت فيه
وعشان ماحدش يعمل كده تاني أو ياخد بنصيحتك وهي بتضر مش بتنفع

وعلى فكرة كل الناس اللي هنا بتقف جنب بعض وبتخاف على مصالح بعض
عشان كده متزعلش لو حد اتخانق معاك عشان مصلحتك

++++++++1

**tarek_2005** · 06-05-2012 03:43 PM

الناس خايفة عليك لا متخدش بالك وتجري بالعربية علي الوضع ده وتحاول تاخد غرزة ولا بلاش غرزة تفادي بلاعة من الي في الطرق الجميلة بتاعتنا او نقرة مثلاً او او وتحتاج تعمل مناورة سريعة وانتا علي سرعة عالية فتعوم منك العربية وهنا هتبقي المشكلة ربنا يسترها معاك ومعانا

الموضوع: تعلية شيفروليه لانوس

LinkBack

أدوات الموضوع

عرض

-

-

-

-

المواضيع المتشابهه

تعلية الشيفروليه لانوس

الى خبراء المنتدى الفرق بين شيفروليه لانوس ودايو لانوس

حصريا لمنتدانا الغالي كتالوج شيفروليه لانوس أو دايو لانوس

اقترحو عليا يا اخوانى فى شراء عربيه دايو لانوس ولا شيفروليه لانوس

شيفروليه لانوس ولا شيفروليه أفيو

الكلمات الدلالية لهذا الموضوع

المفضلات

المفضلات

ضوابط المشاركة