معايا بيجو 7راكب 504 عايز اعدلها واركبلها موتور تويوتا بنزين

انا عندى بيجو 7 راكب عربيه بيتى وزى الفل ومرة واحدة المكنه جابت اخرها وعايزه تعمر فقلولى المكنه ممكن تعمر ب3/5الاف جنيه طبعا انا سمعت كدة انصدمت وروحت بور سعيد سالت على المكنه البيجو لقيتها من 6 الاف ل 10 الاف حسب الاختلاف المهم رجعت وسالت ميكانيى تانى قالى كبر دماغك واسال عن مكنه تويوتا بنزين وشوف حد يعدلهالك وركبها ومش هاتكلفك كتير وحاجتها موجودة ورخيصه المهم دلوقتى بقى السؤال المكنه التويتا بنزين بكام وتتعدل وتركب فين ومنين وهاتبقى زى البيجو ولا احسن واهم حاجه متنسوش العربيه استيشن 7 راكب وشكرا للاطاله

السلام عليكم و رحمة الله و بركاته

أنا متهيألى, أنك قبل ماتعمل الموضوع ده فى العربية, اسأل و اتأكد أن المرور هيوافق يرخص العربية على الوضع الجديد, اللى أنا أعرفه, أن تقريبا كل بتوع البيجو ال7 راكب اللى شغالة على الخط بين المحافظات, مركبين مكنة تويوتا جاز, بس هل الكلام ده لسه بيتعمل دلوقتى و لا لأ, أنا مش عارف, لأن العربية ماينفعش تركب مكنة عربية تانية من ماركة تانية, الا اذا كانت قطع غيارها ناقصة, زى أن الكاديلاك تركب مكنة كابريس مثلا و كده, لكن البيجو حاجتها فى كل مكان و كتير.

اسأل فى المرور الأول قبل ماتغرم فلوس و تعمل أى حااااااااااااااجة.

و ان شاء الله تتابع معانا و تعرفنا عملت ايه, عشان أنا عاوز أعمل الموضوع ده فى عربيتنا البيجو ال505 مو 1980 بدل ماعمرها و كده.

انا لسه ادامى على الترخيص سنتين و8 اشهر يعنى لسه بدرى فمفيش عندى مشكله فى المرور دلوقتى المهم نى اشغل العربيه تانى السنتيتن دول

اقتباس:

---

المشاركة الأصلية كتبت بواسطة amaazon

انا لسه ادامى على الترخيص سنتين و8 اشهر يعنى لسه بدرى فمفيش عندى مشكله فى المرور دلوقتى المهم نى اشغل العربيه تانى السنتيتن دول

---

السلام عليكم و رحمة الله و بركاته

خلاص, أدام مش فارقة معاك الترخيص, يبقى هات مكنة تويوتا ديزل و ركبها و هتلاقى ميكانيكية كتير بيعملوا الموضوع ده.

متابع