ريموت العربيه شويه يشتغل و شويه يفصل و تم تحديم المشكله برجاء المساعده
من انبارح الريموت مش شغال معايا و بعد بحث في مواضيع القسم لاقيت الحل اني افك كابل البطاريه السالب و اسيبه شويه و بعد كده اوصل و اشوف و بالفعل النهارده الصبح عملت الموضوع ده و برده مش شغال
غيرت بطاريه الريموت و برضه مش شغال
المهم روحت لواحد صاحبي عملنا تست على جميع فيوزات العربيه ابتداء من العلبه الي تحت الدركسيون و لغايه الفيوزات الي جنب الماتور و جربنا و اشتغل و الحمد لله
مافيش ربع ساعه و وقف تاني
المهم رحت مل شويه مشاوير و برضه شويه يشتغل و شويه لا
ايه العمل بقى من الاخر
و هل يوجد فيوز خاص بالريموت و مكانه فين و ايه الحل بقى
انا غيرت زر الفتح و زر القفل الي موجودين في البورده بتاعت الريموت ب 2 جداد علشان القدام كانوا السوسته بتاعتهوم نعمت الي حد ما
و مازال الحال كما هو عليه شويه يشتغل و شويه ما يشتغلش
مش عارف اعمل ايه اطلع يعني على التوكيل ولا ايه الحكايه
بعد تعب و لف و دوران و حرق اعصاب
لاقيت المشكله
تحديد المشكله
بعد برمجه الريموت للعمل على السياره و كله تمام فتح و غلق و انزار و شنطه كده معناه ان وحده الانزار و الاستقبال شغاله و الريموت كمان شغال
و بعد مرور نصف ساعه على عدم استعمال الريموت
البرمجه بتقع و لازم يتبرمج من اول و جديد
و من ميزه ريموت نيسان هي وجوود جاكات في الريموت زي كده الي في التليفونات بتاعت زمان 3310 مما يدل على امكانيه تنزيل سوفت وير له و ده الي اكدهولي واحد مختص في تصليح الريموتات لازم يبكون في كابل سوفت وير لارجاع الريموت لضبط المصنع و اعاده البرجمه من اول و جديد
فهل لدى توكيلات نيسان مثل اوتو ايجيبت و مودرن و السبع حل لهذه المشكله
ام يوجد هذا الكابل عند احد المتخصصين