شكلى كده ..... قطعت الخلف ...

استنوا شوية ... عقبال ما استجمع قوتى علشان اعرف احكيلكم على اللى حصل ....



مش عارف ابدا منين .... بصوا .. انا برجع من شغلى اليومين دول متأخر .. و الولاد بيأخروا الغدا علشان ناكل كلنا مع بعض ... طبعا الباشا الصغير مبيستحملش الكلام ده ... ففتح التلاجه و دعبس فيها شوية ..و طلع طبق كان فيه جبنه قديمه بالطحينه و الطماطم ... و اكل شوية و قام محلى بطبق فراوله ... رجعت انا من الشغل متاخر ... مفيش شوية .. و لاقيت الواد عمال يهرش زى الكلب الجربان ... حساسية مسكت فى دراعه و رجلية ... اتصلت بواحد زميلى قالى انزل هاتله مرهم معين ... من الصيدلية ... طيب .. نزلت انا على طول ...


الكلام ده بقى امتى ... حوالى 12 بليل ... طبعا الجيران حواليا ... بترشد استهلاك الكهرياء و شايلين اصلا لمض السلم ..نزلت بسرعه من السادس .. و جبت المرهم ... وطالع بسرعه علشان الحق الواد قبل ما يقطع فى نفسه ......


و عمال اخد سلمتين فى سلمتين .. كانى داخل سباق حواجز ... و فجأة انزل برجلى اليمين بكل تقلى على شيىء مكعور كده فى الضلمه و يلية حته طريه .. و اسمع صوت صرااااااااااخ .. نووووووووووووووووووو وووووو بخخخخخخخخخخخخخخخخخخ .. و خرابيش فى سمانه رجلى ... و عض فى الشبشب ............ و حاجات بتجرى يمين و شمال . يخرب بيت كده ..... بشكل تقائى نطيت لفوق و قمت نازل تانى برجلى التانية على حاجه مبرومه وطويلة لفت تحت الشبشب و اسمع بقى ... و نووووووووووو و بخخخخخخخخخخخخخ ...
تخيلوا بقى .. و فى الضلمه .. و انا اصلا قلبى كان هيقف من السلم .. دوست على دماغ قطه .. كانت حشرة بوزها فى شويه اكل .. و المصيبه ان مقاس رجلى 45 .. يعنى دوست على دماغها و افاها و كنت داخل على ديلها كمان ...
و لما حاوت انقذ نفسى نطيت على ديل دكر قط شرس ... فرج عليا العمارة كلها ... صوتنا احنا الاتنين كان جايب اخر الشارع .....


لاقيت الاستاذ براد جارنا ... فتح الباب .. و طلع بوزة برة كده علشان يستكشف الامر .. و لاقانى مكعور على السلم و المرهم طاير جنب الباب عندة ... وقالى خير يا استاذ حسام .. سلامتك ... كوبايه ميه بسرعه .. رجلك بخير.......مش تخلى بالك .....



طبعا ان كنت فى حاله يرثى لها .. و كنت عاوز اقوله.. يطلعلى قاعدة الحمام على السلم ... و رديت عليه و انا مخنوق و عمال انفض البنطلون .. ابوس رجل اهلك .. مترميش اكل تانى على السلم و ابقى نور النور لوجه الله ...


طلعت اديت المرهم للمدام ... و قولتلها ابعتى الواد بقى يجيبلى مرهم جروج للخرابيش .............

تعيش وتاخد غيرها
بقى قطط تعمل فيك كده؟

ههههههههههه والله انت مش ممكن انا فطست على نفسى من الضحك الف شكر ليك و سلامه ابنك

ههههههههههههههه
يا راجل انت فين وحشتني كتير من ايام الحديقة الدولية :)

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههه و الله العظيم انا بدخل اقرى مواضيعك علشان اضحك
بس تعيش و تاخد غيرها
ادى اخرت العيال و اللى ييجى من وراها
الحمد لله لسه متجوزتش :wink10::wink10:
^_^

انا دمعت من الضحك والله ربنا يجازيك خير ........ألف سلامة عليك و طمنا علي ابنك

والف سلامه عليك والى الولد
وده العادى

باقول إيه بقى ونصيحة لوجه الله تعالى

موضوع الخرابيش ده يرجى عدم الإهمال فيه .
اكشف واعرض نفسك على طبيب لتطمئن بإذن الله لأن أنا كان عندى تجربة - غير شخصية - مش حلوة مع القطط ولا أريد أن أحكيها فى هذا المجال ولا أريد أن أخوفك . بس المطلوب حضرتك تطمئن على الخرابيش دى .

فكرتنى بحكاية منيلة كده بردو, و انا عيل كنت متقردن اوى بصراحة, كنت فى تالتة اعدادى و لسه كنت مشترك فى فريق الكونج فو فى النادى مباقليش شهر و انا اساسن كنت عايش دور بروس لى خلقة.

المهم نازل العصرية فى الصيف على 6 العصر كده, و بما ان الدنيا برا مكنتش ضلمت فمكانوش نوروا نور السلم لسه, و انا كنت من النوع البمسك طربزين السلم و انزل نط مش جرى حتى, يعنى اخودلى على الاقل 8 سلمات فى النطة (الخمس سلمات كنت بعتبرهم جرى مش نط), المهم كنا ساكنين فى تالت, و هوبا ناطيتين كنت فى التانى و زيهم كنت فى الأول, ومتجه على الأرضى باه, وباخود النطة وعليت لفوق, والاقى ايدى خبطت فى حاجة سودة ملظلظة و "نيوووووووووووووووووو" و الحجة سابت كل حاجة و تقريبا الفكرو انها نطت على وشى.

طبعا انا سبت ام الطربزين رغم انى كنت نطيت خلاص, وبحوض الموكوسة بايديا لافاجىء ان النطة اتقلبت معرفش ازاى, وشى تحت و رجليا فوق و هووووووووووووب, نزلت على الأرض بكف ايدى الشمال (و انا كنت طبعا ايامها رفيع اكيد مش بخودلى باه 8 سلمات فى النطة).

المهم طبعا من قرصة الخبطة قعدت متكوع على السلم بتاع 5 دقايق, و فى الأخر قمت قايم و مثبت ايدى علىجنبى كده و من الوجع مش عارف احركها بردو, و رحت نازل الشارع الحق صحابى قبل ما يسيبونى و يروحو النادى.

المهم وصلتلهم و قعدت اريح و لأول مرة ببص على ايدى بعض الوقعة, لأفاجأ بمنظر غريب, كفى زى ما يكوت فصل عن الساعد, و الجزى الفى النص ده (عظمتى الرست او الرسغ زى ما بيقولو) واقع لواحدو لتحت, طبعا شفت المنظر ده, رحت راقع بالصوت و هاتك يا عياط ,و طلعت لأهلى بسرعة, والدتى كا هيغمى عليها و والدى رايح قايم طاير لبس و خدنى و نزلنا طيران على المستشفى, المهم عشان مدخلكومش فى قصص الراجل المدشش الكان جنبى فى الطواريء و عمال يصوت و انا اعيط و بعدين غرفة العمليات و الكلام ده, طلع حصلى كسر مضاعف فى العظمتين الفصلين بين الكف و الساعد, يعنى فعليا كفى كان مفصول عن ايدى, و طبعا كان لازم عملية استعدال و جبس شهرين تقريبا.

و بهذا انتهى مستقبلى فى رياضة الكونج فو للأسف (بعد شهر تدريب و امال بدخول البطولة :d), بس الحمد لله ايدى بقت تمام, معأن رستى اليمين لغاية دلوقتى أضعف من رستى الشمال شوية, حتى فى الجيم كانت دايما هيا البتنخ الأول قبل الشمال, بس الحمد لله كله بيعدى.

اموت بأه و كنت اعتر على القطة بنت ال ......................

هههههههههههههههههههههههه ...مبدع يا استاذ حسام ...والف سلامه لحضرتك ولابنك

جارك اسمه براد ؟ براد شاي و لا اسمه براد brad ؟ و روح اكشف علي موضوع الخرابيش دي عشان التلوث و ربنا يخليلك العيال

اقتباس:

---

المشاركة الأصلية كتبت بواسطة Screenplays

جارك اسمه براد ؟ براد شاي و لا اسمه براد brad ؟ و روح اكشف علي موضوع الخرابيش دي عشان التلوث و ربنا يخليلك العيال

---

ايون انا برضو لفت نظري brad gilbert جارو ده
بس موقف تحفة يا حسام
هههههههههههه
ههههههههههه
طيب والقطة حصللها ايه ؟؟؟؟
دا انت اكيد فعصت أهلها وبقت قطاقيط

هههههههههههههه انت راجل زى العسل يا استاذ حسام ربنا يخليك الف سلامة عليك

هههههههههههههههههههه .. جامدة يا حسام بيه .. حبيبي.
وخصوصاً الحتة دي .. عجباني أوي:

اقتباس:

---

المشاركة الأصلية كتبت بواسطة hosamsief

يعنى دوست على دماغها و افاها و كنت داخل على ديلها كمان ...

---

عشان فكرتني بموضوع قديم لشنوري بيك
http://www.nilemotors.net/Nile/112440-a.html

اقتباس:

---

المشاركة الأصلية كتبت بواسطة SHNORY

وبدات ادوس بنزين
حطيت رجلي في كل حته من العربيه لحد ما لقيت الدواسه وهي عباره عن حاجه صغننه اوي كده في اقصي يمين رجلك من تحت
يعني تزنق وش رجلك في العربيه وبالصباع الصغير تدوس عليها
وطبعا مش ححكيلكم عن باقي الدواسات لان الدبرياج والفرامل بيتحركوا مع بعض واصلا رجلي بتدوس عليهم مع بعض
تقريبا دا نوع من انواع الترابط الاخوي والمساواه بين الدواسات (اشمعني واحده تنزل والتانيه لاء)

---

ههههههههههههههههههههههههه ههه والله ضحكت من قلبى

موضوع القطة ده فكرني بموضوع الكتكوت
كتكوت ؟؟؟ مين موضوع الكتكوت ده ؟؟؟
كان ياما كان في سالف العصر والاوان ولا يحلى الكلام الا بذكر النبي عليه الصلاة والسلام
كان في بيت جدتي زماااان واحنا صغيرين في كفر الزيات كان عندها غرفتين في البيت مخصصاهم للطيور اللي بتربيها
البيت كله كان 6 غرف او 8 مش فاكر ... ما علينا من الغرف وعددها
المهم ان غرفة منهم كان فيها حمام .... والتانية كان فيها فراخ وبط
الغرفة التانية دي كان الباب بتاعها الاوكرة بايظة ومش بيتقفل غير لما يتفتح ع الآخر ويترزع جامد بعنف عشان يتقفل
انا واخويا كنا طبعا مغرمين بالفرجة على الكتاكيت والفراخ
واخويا كان فاتح الغرفة من ورا جدتي بيتفرج ع الكتاكيت
المهم هو شعر ان جدتي جاية من بعيد .... بعيد في بيت جدتي يعني 20 او 30 متر كدة
المهم اخويا قال لما اقفل الاوضة قبل ما الفراخ تطلع برة وجدتي تيجي تزعقلي
خرج م الاوضة وطبعا الباب بايظ
راح فاتح الباب ع الآخر وبكل قوته راح رااازع الباب عشان يتقفل
في نفس اللحظة وبالتزامن مع تلكم الاحداث كان فيه كتكوت صغنن فضولي جدا عاوز يعرف ايه اللي موجود خارج الاوضة اللي عمره ما طلع براها ..... بمنتهى البراءة راح مادد رقبته عشان يبص .... طررااااااااااخ :blabla:
...
واخويا بقي بيجري وستي بتجري وراه بالعصاية
ماليش دعوة يا ستي .... هو اللي مد راسة برة الباب .....
عارفين المقصلة بتاعت الثورة الفرنسية:pirate03:
النهاردة بقى الذكري السنوية ال43 للكتكوت العسول ده :Copy of m-s5:

ههههههههههههههههههههههههه هههههه
حرام عليكم
عينى دمعت من قصص القطط والكتاكيت
ده احنا مفروض نعملهم موضوع منفصل عن مواقف وطرائف الاعضاء والحيوان :-)
تسلم ايدك يا حسام
والله يرحم الكتكوت يا حج احمد كان زمانه كبر واتاكل دلوقتى :-)
بس المهم يا حسام
الواد اللى اكل: الفراولة جراله ايه وهل هو هو الواد اللى بياكل التفاح ولا ده ولد تانى :-)

اقتباس:

---

المشاركة الأصلية كتبت بواسطة aif

موضوع القطة ده فكرني بموضوع الكتكوت
كتكوت ؟؟؟ مين موضوع الكتكوت ده ؟؟؟
كان ياما كان في سالف العصر والاوان ولا يحلى الكلام الا بذكر النبي عليه الصلاة والسلام
كان في بيت جدتي زماااان واحنا صغيرين في كفر الزيات كان عندها غرفتين في البيت مخصصاهم للطيور اللي بتربيها
البيت كله كان 6 غرف او 8 مش فاكر ... ما علينا من الغرف وعددها
المهم ان غرفة منهم كان فيها حمام .... والتانية كان فيها فراخ وبط
الغرفة التانية دي كان الباب بتاعها الاوكرة بايظة ومش بيتقفل غير لما يتفتح ع الآخر ويترزع جامد بعنف عشان يتقفل
انا واخويا كنا طبعا مغرمين بالفرجة على الكتاكيت والفراخ
واخويا كان فاتح الغرفة من ورا جدتي بيتفرج ع الكتاكيت
المهم هو شعر ان جدتي جاية من بعيد .... بعيد في بيت جدتي يعني 20 او 30 متر كدة
المهم اخويا قال لما اقفل الاوضة قبل ما الفراخ تطلع برة وجدتي تيجي تزعقلي
خرج م الاوضة وطبعا الباب بايظ
راح فاتح الباب ع الآخر وبكل قوته راح رااازع الباب عشان يتقفل
في نفس اللحظة وبالتزامن مع تلكم الاحداث كان فيه كتكوت صغنن فضولي جدا عاوز يعرف ايه اللي موجود خارج الاوضة اللي عمره ما طلع براها ..... بمنتهى البراءة راح مادد رقبته عشان يبص .... طررااااااااااخ :blabla:
...
واخويا بقي بيجري وستي بتجري وراه بالعصاية
ماليش دعوة يا ستي .... هو اللي مد راسة برة الباب .....
عارفين المقصلة بتاعت الثورة الفرنسية:pirate03:
النهاردة بقى الذكري السنوية ال43 للكتكوت العسول ده :Copy of m-s5:

---

الله يرحمه ههههههههههههههههههههههههه هههههههههههههه

اقتباس:

---

المشاركة الأصلية كتبت بواسطة aif

موضوع القطة ده فكرني بموضوع الكتكوت
كتكوت ؟؟؟ مين موضوع الكتكوت ده ؟؟؟
كان ياما كان في سالف العصر والاوان ولا يحلى الكلام الا بذكر النبي عليه الصلاة والسلام
كان في بيت جدتي زماااان واحنا صغيرين في كفر الزيات كان عندها غرفتين في البيت مخصصاهم للطيور اللي بتربيها
البيت كله كان 6 غرف او 8 مش فاكر ... ما علينا من الغرف وعددها
المهم ان غرفة منهم كان فيها حمام .... والتانية كان فيها فراخ وبط
الغرفة التانية دي كان الباب بتاعها الاوكرة بايظة ومش بيتقفل غير لما يتفتح ع الآخر ويترزع جامد بعنف عشان يتقفل
انا واخويا كنا طبعا مغرمين بالفرجة على الكتاكيت والفراخ
واخويا كان فاتح الغرفة من ورا جدتي بيتفرج ع الكتاكيت
المهم هو شعر ان جدتي جاية من بعيد .... بعيد في بيت جدتي يعني 20 او 30 متر كدة
المهم اخويا قال لما اقفل الاوضة قبل ما الفراخ تطلع برة وجدتي تيجي تزعقلي
خرج م الاوضة وطبعا الباب بايظ
راح فاتح الباب ع الآخر وبكل قوته راح رااازع الباب عشان يتقفل
في نفس اللحظة وبالتزامن مع تلكم الاحداث كان فيه كتكوت صغنن فضولي جدا عاوز يعرف ايه اللي موجود خارج الاوضة اللي عمره ما طلع براها ..... بمنتهى البراءة راح مادد رقبته عشان يبص .... طررااااااااااخ :blabla:
...
واخويا بقي بيجري وستي بتجري وراه بالعصاية
ماليش دعوة يا ستي .... هو اللي مد راسة برة الباب .....
عارفين المقصلة بتاعت الثورة الفرنسية:pirate03:
النهاردة بقى الذكري السنوية ال43 للكتكوت العسول ده :copy of m-s5:

---

يا حرام هههههههه انا قاعد اتخيل شكل الكتكوت و رقبته بتطير

هههههههههههههههههههههه قطط و كتاكيت ايه الجمال دا كله

الف سلامة عليك و على ابنك يا استاذ سيف و تعيش و تاخد غيرها

انا مرة قبل كدا كان النور قاطع و انا راجعة من برة و في مدخل بيتنا دوست على حاجة لزجة كدا و لاقيت حاجة بتسرسع اتاريها عرسة و كأنني دوست على حتة جيلي مافيهاش اي عضم و اول مارفعت رجلي سم واحد جريت جري كانها في ماراثون

زمان وأنا فى ريعان الشباب
كنا مربيين كتاكيت
وفى يوم من الأيام وكنا بنرتب البيت كنت باجرى أنا وأختى ونهزر وإذا بنى أدوس على جرنال قديم واسمع لك أحلى صرخة
أتارى الكتكوت كان مستخبى تحت الجرنان وطبعا شيلناه فى حالة يرثى لها وفضل يطلع فى الروح يجى يومين وفى الآخر زهقنا منه وفقدنا فيه الأمل فرميناه .

وبمناسبة الكتاكيت برضه كنا زمان مربيين كتاكيت وفيه كتكوت فيهم مفجوع شوية فأكل حتة خيارة كبيرة وقفت فى زوره وقعد يتقلص ويكح ويحاول يخرجها علشان يتنفس ولكن هيهات فما كان من أمى - رحمها الله - إلا أن جابت موس من بتوع الحلاقة وفتحت الحوصلة بتاعت الكتكوت وخرجت له الحاجة اللى حايشاه عن التنفس ورجعت خيطتها والكتكوت يا عينى مستكين وحالته عدم لكن الحمد لله عاش وكبر وبقى ديك محترم جدا بس برضه فى النهاية لازم يبقى فيه يوم فراق .

الضحك لا يتوقف فى هذا الموضوع, معانى كل مأتخيل منظر الكتكوت البرىء العبيط و هو بيمد راسه يتفرج و راحت طخخخخ, يصعب عليا اوى, ربنا يرحمه ,ويسامح أخوك الجزار ده :d.

المفروض الموضوع يتسمي مواقف وطرائف القطط والكتاكيت والفراخ وكل الحيوانات الف حمد لله على السلامة

اقتباس:

---

المشاركة الأصلية كتبت بواسطة w-m-a

تعيش وتاخد غيرها
بقى قطط تعمل فيك كده؟

---

ابقى جرب كده الموضوع ده ... ده قطط متوحشه ... القطه دوست عليها و نطت من الخامس و لا كأنها واخدة فرقه مظلات ........

اقتباس:

---

المشاركة الأصلية كتبت بواسطة magid1010

ههههههههههه والله انت مش ممكن انا فطست على نفسى من الضحك الف شكر ليك و سلامه ابنك

---

بدل ما تعيط عشانى ... ماشى يا عم اضحك .. ربنا ما يوريها لحد

اقتباس:

---

المشاركة الأصلية كتبت بواسطة m.elgergawy

ههههههههههههههه
يا راجل انت فين وحشتني كتير من ايام الحديقة الدولية :)

---

حديقة دولية ... انا مش فاكر ... لو كنت تقصد الملاهى اللى دخلتها انا و العيال يبقى اه ..

اقتباس:

---

المشاركة الأصلية كتبت بواسطة ahmedeihab

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههه و الله العظيم انا بدخل اقرى مواضيعك علشان اضحك
بس تعيش و تاخد غيرها
ادى اخرت العيال و اللى ييجى من وراها
الحمد لله لسه متجوزتش :wink10::wink10:
^_^

---

لما تتجوز ابقى اسكن فى عمارة مفهاش قطط ...

اقتباس:

---

المشاركة الأصلية كتبت بواسطة fiat128man

انا دمعت من الضحك والله ربنا يجازيك خير ........ألف سلامة عليك و طمنا علي ابنك

---

الله يسلمك ......

اقتباس:

---

المشاركة الأصلية كتبت بواسطة mohammedabdallh

والف سلامه عليك والى الولد
وده العادى

---

الله يسلمك و ما يحكم على حد منكم بالموقف ده

ألف سلامة على القطة :cat16: ... بس ما قلتلناش حصلها أيــه ...؟ http://www.nilemotors.net/Nile/image...ugh%5B1%5D.gif

اقتباس:

---

المشاركة الأصلية كتبت بواسطة mesaharaty

باقول إيه بقى ونصيحة لوجه الله تعالى

موضوع الخرابيش ده يرجى عدم الإهمال فيه .
اكشف واعرض نفسك على طبيب لتطمئن بإذن الله لأن أنا كان عندى تجربة - غير شخصية - مش حلوة مع القطط ولا أريد أن أحكيها فى هذا المجال ولا أريد أن أخوفك . بس المطلوب حضرتك تطمئن على الخرابيش دى .

---

االحمد لله رجلى خفت شوية .. طهرتها ... بس عاوز اظبط زوايا ... رجلى بتحدف يمين شوية

اقتباس:

---

المشاركة الأصلية كتبت بواسطة mkhayiat

هههههههههههههههههههههههه ...مبدع يا استاذ حسام ...والف سلامه لحضرتك ولابنك

---

متشكرين يا جميل ... و الله يسلمك

اقتباس:

---

المشاركة الأصلية كتبت بواسطة Screenplays

جارك اسمه براد ؟ براد شاي و لا اسمه براد brad ؟ و روح اكشف علي موضوع الخرابيش دي عشان التلوث و ربنا يخليلك العيال

---

اه .. شكلك مقريتش موضوع البراد ده ... ده الاسم الحركى لجار عندنا .. بص شوف الموضوع ده .. و انت هتعرف مين براد ده
هعزل من بيتنا ...... و السبب الست كزورنه .....

اقتباس:

---

المشاركة الأصلية كتبت بواسطة aif

ايون انا برضو لفت نظري brad gilbert جارو ده
بس موقف تحفة يا حسام
هههههههههههه
ههههههههههه
طيب والقطة حصللها ايه ؟؟؟؟
دا انت اكيد فعصت أهلها وبقت قطاقيط

---

فعصتها ... الله يسامحك يا حاج احمد ... هو انا لحقت .. يا دوبك او ما لمست ضهرها و دماغها .. قامت لفه و اديتنى كام زغروف من ابو مخالب على السمانه ...

اقتباس:

---

المشاركة الأصلية كتبت بواسطة medoghaly

هههههههههههههه انت راجل زى العسل يا استاذ حسام ربنا يخليك الف سلامة عليك

---

يا سيدى شكرا .. انت اللى عسل و الله

اقتباس:

---

المشاركة الأصلية كتبت بواسطة aif

موضوع القطة ده فكرني بموضوع الكتكوت
كتكوت ؟؟؟ مين موضوع الكتكوت ده ؟؟؟
كان ياما كان في سالف العصر والاوان ولا يحلى الكلام الا بذكر النبي عليه الصلاة والسلام
كان في بيت جدتي زماااان واحنا صغيرين في كفر الزيات كان عندها غرفتين في البيت مخصصاهم للطيور اللي بتربيها
البيت كله كان 6 غرف او 8 مش فاكر ... ما علينا من الغرف وعددها
المهم ان غرفة منهم كان فيها حمام .... والتانية كان فيها فراخ وبط
الغرفة التانية دي كان الباب بتاعها الاوكرة بايظة ومش بيتقفل غير لما يتفتح ع الآخر ويترزع جامد بعنف عشان يتقفل
انا واخويا كنا طبعا مغرمين بالفرجة على الكتاكيت والفراخ
واخويا كان فاتح الغرفة من ورا جدتي بيتفرج ع الكتاكيت
المهم هو شعر ان جدتي جاية من بعيد .... بعيد في بيت جدتي يعني 20 او 30 متر كدة
المهم اخويا قال لما اقفل الاوضة قبل ما الفراخ تطلع برة وجدتي تيجي تزعقلي
خرج م الاوضة وطبعا الباب بايظ
راح فاتح الباب ع الآخر وبكل قوته راح رااازع الباب عشان يتقفل
في نفس اللحظة وبالتزامن مع تلكم الاحداث كان فيه كتكوت صغنن فضولي جدا عاوز يعرف ايه اللي موجود خارج الاوضة اللي عمره ما طلع براها ..... بمنتهى البراءة راح مادد رقبته عشان يبص .... طررااااااااااخ :blabla:
...
واخويا بقي بيجري وستي بتجري وراه بالعصاية
ماليش دعوة يا ستي .... هو اللي مد راسة برة الباب .....
عارفين المقصلة بتاعت الثورة الفرنسية:pirate03:
النهاردة بقى الذكري السنوية ال43 للكتكوت العسول ده :copy of m-s5:

---

قصتك ده بقى يا حاج احمد طلع الكتكوت هو الضحية ... بس معايا انا بقى اللى طلعت الضحية ..
بس الحمد لله ... انا لو كنت دوست على كتكوت مكنتش هسامح نفسى .. اصل انا قلبى رهيف فى الحاجات ده ... طب اسمع ده ..
مرة الحجه كانت مربية بط صغير فوق السطح .. و كنا فى شتا و الدنيا متلجه .. طلعت اشوفة لاقيت يا عينى بطه وقعه فى صينيه الميه التى تقترب درجه حرارتها من الصفر .. و خلاص جلدها ازرق و خشبت خالص و الله ... المهم صعبت عليا .. و خدتها و نزلت على تحت جرى و دخلت جبت السيشوار بتاع اختى و شغلته و قعدت انشفها و اخواتى بيضحكوا عليه .. المهم مفاصلها فكت كده و شكلها كانت مستمتعه بجلسه السونا ده .. و من ساعتها .. اول ما اعتب السطح .. تخدنى بالجناحات .. و تفضل ترفرف و تجرى واريا .. بس للاسف طلعت فى الاخر ... دكر

اقتباس:

---

المشاركة الأصلية كتبت بواسطة s a m a

ههههههههههههههههههههههههه هههههه
حرام عليكم
عينى دمعت من قصص القطط والكتاكيت
ده احنا مفروض نعملهم موضوع منفصل عن مواقف وطرائف الاعضاء والحيوان :-)
تسلم ايدك يا حسام
والله يرحم الكتكوت يا حج احمد كان زمانه كبر واتاكل دلوقتى :-)
بس المهم يا حسام
الواد اللى اكل: الفراولة جراله ايه وهل هو هو الواد اللى بياكل التفاح ولا ده ولد تانى :-)

---

هو بغباوته بدمه العكر ....

اقتباس:

---

المشاركة الأصلية كتبت بواسطة donzi

هههههههههههههههههههههه قطط و كتاكيت ايه الجمال دا كله

الف سلامة عليك و على ابنك يا استاذ سيف و تعيش و تاخد غيرها

انا مرة قبل كدا كان النور قاطع و انا راجعة من برة و في مدخل بيتنا دوست على حاجة لزجة كدا و لاقيت حاجة بتسرسع اتاريها عرسة و كأنني دوست على حتة جيلي مافيهاش اي عضم و اول مارفعت رجلي سم واحد جريت جري كانها في ماراثون

---

الحمد لله انها جت على عرسه ... ده حتى مبتخربش .. و صوتها عاطفى ... انا مش هنسى القط اللى دوست على ديله .. صوتنا احنا الاتنين كان جايب اخر الشارع ...

اقتباس:

---

المشاركة الأصلية كتبت بواسطة hosamsief

و من ساعتها .. اول ما اعتب السطح .. تخدنى بالجناحات .. و تفضل ترفرف و تجرى واريا .. بس للاسف طلعت فى الاخر ... دكر

---

هههههههههههههههههه ... الله يجازيك خير لرسمك البسمة فى الظروف اللى البلد فيها دى .

اقتباس:

---

اه .. شكلك مقريتش موضوع البراد ده ... ده الاسم الحركى لجار عندنا .. بص شوف الموضوع ده .. و انت هتعرف مين براد ده
هعزل من بيتنا ...... و السبب الست كزورنه .....

---

ههههههههههههههههههه ربنا يكون في عونك و الله

اقتباس:

---

المشاركة الأصلية كتبت بواسطة hosamsief

و من ساعتها .. اول ما اعتب السطح .. تخدنى بالجناحات .. و تفضل ترفرف و تجرى واريا .. بس للاسف طلعت فى الاخر ... دكر

---

..
.
اتكل على الله وابعته لفاروق حسني :beat5:

ههههههههههههههههههههههه

هههههههههههههههههههه حكاية جميلة اوي

بس متخليش الولد ياكل فراولة كتير لو هو عنده حساسية منها .....

ههههههههههههههههههههههههه هه اسلوبك هايل بجد انا ضحكت من قلبى

ههههههههههههههههههههههههه ههههه

ههههههههههههههههههههههه


الف سلامة عليك و على ابنك و القطط البريئة دى ذمبها اييه بس دا انت فعصتهم كلهم مسبتش فيهم حد

خلى بالك بقا احسن يجيبولك اخواتهم و يستنوك على السلم

حضرتك يفضل ان تمسك في ايدك كشاف نور صغير او موبيل فيه كشاف نور والله بينفع في الظروف ديه و في موبيلات رخيصة لما النور بيقطع حاجة تحت ايدك بتنور المكان الي انت فيه و بينفع وانت طالع او نازل علي السلم
ربنا ينورلك طريقك و الف سلامة عليك

هههههههههههههه
يخرب بيت السلم