تم تغيير مياه العربيه ولكن اخدد 3 لتر فقط ؟؟؟؟؟؟؟؟؟؟

السلام عليكم


انا كنت بعمل صيانه للعربيه من كام يوم ومن الصيانه انى غيرت مايه السياره بس اخدد 3 لتر بس مش 4 هل كدا عادى ولا لازم انى انزلها واملا 4 لتر مياه انا كنت جايب مياه موبيل ال بس 18 جنيه اللتر انتم ايه رايكم


بالنسبه لذيت الفتيس الميكانيكى مرتاش يغيره تقريبا علشان كان زحمه وتقريبا بياخد وقت تغييره بس ابو الحسن لما جبت منه الذيت قالى انه بياخد 3 كيلو الكيلو ب 20 جنيه وانا عارف انه بياخد 1.8 ك مش 3 وهل لازم لما اغيره اشترى معاه جوان لان غالبا القديم بيكون بايظ والجوان دا بيتباع عادى وبكام تقريبا

المياه متغيرتش كلها لان العربية بتاخد حوالي 7 لتر لو فاضية خالص (( حالة عمرة )) وحوالي 5 لتر في حالة التغيير الصح

زيت الفتيس 1.8 لتر لو فارغ خالص والجوان يتم استبداله بالسليكون الحراري استسهال من الميكانيكيا

مش هـعرف افيدك فلفتيس بس بالنسبة للمية
إنت فضيتها إزاي يعني ال قربة بس ولا الرادياتر معاها ولا إيه

اقتباس:

---

المشاركة الأصلية كتبت بواسطة tarek_2005

المياه متغيرتش كلها لان العربية بتاخد حوالي 7 لتر لو فاضية خالص (( حالة عمرة )) وحوالي 5 لتر في حالة التغيير الصح

زيت الفتيس 1.8 لتر لو فارغ خالص والجوان يتم استبداله بالسليكون الحراري استسهال من الميكانيكيا

---

معنى كدا ان تغيير المياه عندى مش تمام طيب هل تغيير 3 لتر عادى ولا لازم اغيرها تانى



جوان الفتيس ممكن اشتريه ولا مش بيتباع اساسا وبصراحه انا حاسس ان نقلات الفتيس نشفه شويه وعايز اغير الذيت كنوع من النظافه

اقتباس:

---

المشاركة الأصلية كتبت بواسطة mailo

مش هـعرف افيدك فلفتيس بس بالنسبة للمية
إنت فضيتها إزاي يعني ال قربة بس ولا الرادياتر معاها ولا إيه

---

انا مكنتش واقف معاه ساعدها بصراحه بس هو فك ماسوره من القربه وفتح الرادياتير من تحت وفضى المايه وغسل الدوره كام مره بمياع عاديه وبعد كدا قفل وحط المياه الخضراء

جوان كارتير الفتيس ب 10 جنية و الاصلى ب30

مية دورة التبريد لما بتنزل بشكل صحيح بتملا حوالى 4.5 لتر

MMamdouh

عن تجربه
تغيير زيت الفتيس يستغرق ربع ساعه .
بالضبط بياخد 1.8 لتر يباع فى شل كل لتر منفصل فى زجاجه بــ18ج
لازم طبعا تغير جوان كارتيره الزيت لان القديم بيبقى لازق على حواف الكارتيره ولانه سعره رخيص وانت حالل بالمره
وسعره جاهز 10 ج(طبعا مش أصلى واعتقد انه لا يوجد جوان كارتيره زيت اصلى فى السوق وأعتقد انها مش هتفرق) وتفصيل 15 ج

اقتباس:

---

المشاركة الأصلية كتبت بواسطة mmamdouh

جوان كارتير الفتيس ب 10 جنية و الاصلى ب30

مية دورة التبريد لما بتنزل بشكل صحيح بتملا حوالى 4.5 لتر

mmamdouh

---

ان شاء الله اجيب الجوان من ابو حسن ةاغيره ان شاء الله


بالنسبه للمياه هل لازم اغيرها تانى ولا عادى وامشى بيها كدا شويه واغيرها تانى وخلاص وانت ايه رايك

لو لون المياه نظيف ولم يتعكر من المياه الي كانت موجودة بالسيارة اتركها وغيرها بعد ½ عمرها الافتراضي

اقتباس:

---

المشاركة الأصلية كتبت بواسطة tarek_2005

لو لون المياه نظيف ولم يتعكر من المياه الي كانت موجودة بالسيارة اتركها وغيرها بعد ½ عمرها الافتراضي

---

تمام يا باشا جزاك الله كل خير

أنا غيرت الزيت قبل كده في شيل بمسدس وال راجل مفكش حاجة

دا مسدس الشفط بتاعهم بس مبيشفطش كل الزيت ومبينزلش الشوائب الي في الزيت والافضل فك الكارتيرة من اسفل

طيب انا عايز اغير المية بتاعت العربية عشان بقالها 3 سنين من ساعت ما جبتها
الطريقة السليمة اية
وشكرا

مافيش حد يفيدنى

في موضوع في اهم موضوعات القسم عن طريقة تغيير المياه للسيارات الحديثة الي بتستخدم مياه خضراء والسيارات القديمة الي بتستخدم مياه حنفية راجع اهم موضوعات القسم

ودا اللينك

http://www.nilemotors.net/Nile/147913-a.html

اقتباس:

---

المشاركة الأصلية كتبت بواسطة tarek_2005

المياه متغيرتش كلها لان العربية بتاخد حوالي 7 لتر لو فاضية خالص (( حالة عمرة )) وحوالي 5 لتر في حالة التغيير الصح

---

طارق باشا...فيه اي جديد بعد موضوع عصام باشا..هو قال انه زود 3.5 لتر...5 دي جت ازاي؟

اقتباس:

---

المشاركة الأصلية كتبت بواسطة tarek_2005

في موضوع في اهم موضوعات القسم عن طريقة تغيير المياه للسيارات الحديثة الي بتستخدم مياه خضراء والسيارات القديمة الي بتستخدم مياه حنفية راجع اهم موضوعات القسم

ودا اللينك

http://www.nilemotors.net/Nile/147913-a.html

---

شكرا ياباشا

انا لما بغيرها بدور العربية بحرص شديد والعصفورة مفتوحة وبتبقي العربية سخنة علشان الثرموستات بتاع الكوعة يكون فاتح وطبعاً مع الحزر الشديد علشان الحرارة لا ترتفع ودا اجراء بعمله علشان الطرمبة تفضي شوية من الي مبينزلش من قوة الجاذبية الارضية بس الاجراء دا خطر جداً وعايز حرص شديد وخبرة عالية ويفضل يكون معاك صديق ليراقب نزول المياه مثلاً وانتا تراقب مؤشر الحرارة وبالشكل ده بتاخد مني 5.5 لتر مياه