تحذير من مستشفى النخيل بالمعادى

باختصار شديد
الموضوع ده فيه تنبيه لاخذ الحرص ف التعامل مع مستشفى النخيل بالمعادى قسم الاطفال بالاخص

بنتى تعبت حبتين زيادة وهيا دلوقتى عندها حوالى شهرين ونص
ودى طبعا مش اول مرة بس انا رحت لكزا دكتور قبل كده منهم الحلو اللى يلطعك بالساعات منتظر دورك علشان ميبصش ف عينك حتى ولا يفهمك فيه ايه

ومنهم اللى مبيفهمش حاجة ويقعد يفتى

وكل ده عادى وارد ف بلدنا الحبيبا

نرجع لمرجوعنا

سألت ايه احسن مستشفى ف المعادى
قالولى النخيل قلت تمام
اتصلت حجزت مع دكتور الاطفال الموجود لتشخيص الحاله على الاقل لتحويلى لدكتور مختص

حالة بنتى ايه
سخونية استمرت 24 ساعة درجة الحرارة 38 وشرطتين والدكتور اللى رحتله كتبلها على دوا حراراتها منزلتش بردو لتانى يوم وطبعا مفيش نوم ورافضة الرضاعة
المهم رحت المستشفى العريقة
الدكتور موجود يافندم انا حاجز الخ
اتفضل هنادى عليك
قعدت بتاع تلت ساعة مستنى مش لاقى حد بينده على حد اساسا
فضولى خلانى اقوم اسأل
رده ايه بقا البيه معلش اصلى نسيتك
بلمت شوية وقلتله حضرتك نسيت ايه بالظبط
مردش وقالى ثاية واحدة نادا على واحد دخلتنى على الدكتور
دخلت للبروف
عندها ايه ؟
شرحتله
خدها مننا حاطها برخامة على السرير وشد هدومها بطريقا متخلفة
زوجتى ادخلت وقالتله قولى انتا عايز تعمل ايه وانا هقلعها
المهم
مسك ترمومتر كده مشفتوش من وانا صغير مش هيا دى المشكلة المشكلة انه قال معلش اصل الترمومتر بتاع الودن مش شغال فهنستخدم ده علشان حتى معندناش ترمومتر جلد وانا مش فاهم الفروقات بس طريقته مش قادر اوصفها

بص كده وسحب ورق ودفتر وقعد يعلم على تحاليل كتييييير
من ضمنها دم وبول ومزرعة دم
قلتله هوا ف ايه يادكتور
قال مفيش بس مش هينفع اكتبلك اى دوا واضحك عليك زى كل الدكاترا لازم نحدد نوع البكتيريا ايه من خلال نتيجة التحاليل
قلت ف بالى شكلك فاهم يانصا
قلتله نتيجة التحاليل بتطلع امتا البنت مش هتستنا لغايط بكرا بالحالة دى
قالى دى ساعة واحدة
قلت تمام
رحت لمعمل التحاليل ف نفس المستشفى
قالتلى ارتاحو برا شوية وهناديك
قلت ماشى
بعد ربع ساعة تانيا رحت علشان مش شايف حد بيتحرك منه او ليه
قالتلى اصل الممرضة اللى بتاخد العينات مش موجودة
قلتها حضرتك مخليانى قاعدين ليه طيب متقولى علشان اروح ف اى دهية تانية واعمل التحاليل
قالتلى ثانيا واحدة
كلمت تليفون وقالتلى هتاخد الحجات دى وتطلع الدور التانى على قسم الاطفال المبتثرين هيسحبو العينات دى
قلت تمام
طلعت لقيت اشخاص غريبة الاطوار
واحد يقولى مين اللى قالك تعمل التحاليل هنا ويتنرفز ويمسك التليفون ويقعد يهزر مع البت اللى تحت شوية باستظراف وف الاخر ياخد منى الحجات ويقولى اتفضلو اطلعو براا هناخد العينات ونجيبهالكو
قلتلو هوا ايه اللى اللى هتعملو ومش عايزينا نبقا واقفين سواء انا او امها
يمين شمال شديت وقلتلهم هتولى المسؤل هنا اكلمه قالى انا المسؤل
قلتله مفيش قانون ف بلدنا دى يقول لما تدخل تعمل تحاليل لطفلة ممنوع حد يدخل معاها
الممرضة اتدخلت وقالتى معلش علشان بتوتر لما اهلها بيبقو واقفين
كنت هعيط من الرد ده بصراحة
زوجتى قالتلى عادى ياحمد كلها دقيقة وهيجيبوها
قلت تمام
راحو قالولى اه احنا مش هناخد عينة البول مش بتعتنا دى
قلتلهم خلاص امها هتبقا تاخدها منها
.....
طلعنا والباب اتقفل خمس دقايق عدت والبنت قاعدة تصرخخخ جامد وانا اعصابي تعبت ومراتى بدأت تنهار من كتر العياط
مسكت اعصابي شوية وقعدت اخبط على الباب ومحدش راضى يفتح
رحت رامى اللى ف ايدي ونزلت على الريسبشن بقولهم هاتولى حد بيفهم هنا مسؤل يكلمنى
قالولى زى مين قلتلهم مدير المستشفى اى حد مسؤل عن السيرط ده
يمين شمال جالى واحد محترم معرفش تقريبا المدير الادارى
قلتله قبل ماتكلم خلى النهايم اللى فوق دول يفتحو الباب بدل مصور قتيل هنا
اتصل فتحو الباب
حكيتله الحوار مسك التيليفون وقعد يعبب للناس ويزعق علشان يرضينى
طلعت لقيت البت متشكشكة ف ايدها الاتنين اكتر من اربع شكات فبسأل اقولهم ايه كل ده يقولو اصل معندهاش دم راضى يطلع رديت وقلت والله انتو اللى معندكوش دم
ونزلت للمعمل بخلص معاهم لقيتها بتقولى معلش اصل الممرضة دى بس اللى موجودة
ايه دهههههه
فين مزرعة الدم !!!
قلتلها هوا انا اللى بعمل العينات؟
هيا اتصلت بيهم فوق قعدو يتخانقو انتى مقلتيش لا انا قلت وكده لمدة خمس دق كمان

وجاتلى تقولى لازم ناخد عينة تانيا علشان معملوش مزرعة الدم
طبعا قلت صبرنى يارب
قلت ينزلو يعملوها هنا ف المعمل قدامى انا وامها
ثانية والبنت نزلت
دخلو وعملت العينة وغارت
بكلم المعمل بقولهم اجى الساعة كام فضحكت
فبقولها ايه ف كلامى يضحك
قالتى بعد اسبوعين كلمنا اسأل
طبعا كنت عايز افجر نفسي وارتاح
رجعت للدكتور تانى بسأله
رد يقولى ايه المسخرة دى
رفع ام التليفون وقعد يتكلم معاهم
ورجع قالى بعد اسبوعين
قلتله امال كلامك ف الاول ده كان ايه
يقولى مانا كنت فاهم كده
وراح سألنى فين عينة البول قلتله مش راضية دلوقتى مش عارفين نخليها تعمل حاجة
راح رافع السماعة ومكلم بأف تانى بيقوله حضرلى استرا لطفلة

رحت قايم منفوض بقوله انتا بتقول ايه اعمل استرا علشان ايه وانتا اساسا ايه اللى بتعملو ده من ساعة مجينا وومعكش حتى ترمومتر شغال وقاعد تفسح فينا ومش عارف حتى تدينا حاجة مفيدة ولا حتى تقولنا عندها ايه

رحت قايم وواخد بنتى وماشى وقلتله انا لا عايز نتيجة تحاليل ولا نيلة

نزلت وانا مخنوووووووووووووووووق ورحت للدكتور تانى وخلصنىى ف نص ساعة وخدت الدوا وبعد تلت ساعات البنت حالتها اتحسينت والموضوع خلص

وللعلم الدكتور اللى ف مستشفى النخيل اللى بيقولو عليه استشارى اطفال اسمه اشرف

رجاء توخى الحذر

ربنا يشفيها

ربنا ياخدهم و يحرق دمهم

يسلط عليهم ناس بارده اكتر منهم

حسبي الله و نعم الوكيل في اللي وصل حالنا لكده

حمد الله علي سلامة بنتك و ربنا يسلمها من كل شر

الف حمد لله على سلامة بنتك وشكرا على التحذير بس نصيحة منى ليك اسال على دكتور كويس حد يكون مجربه قبل كده ومتابع معاه عشان موضوع انك تروح لدكتور متعرفش عنه حاجة دى غلط وعلى فكرة كلنا مرينا بمواقف شبه دى لحد ماربنا اكرمنا بدكتور كويس وبنفضل نتابع معاه وفى الاخر الحمد لله وربنا يكمل شفاها على خير

طب بمناسبة النخيل بقى

أنا ابني أيام الثورة كان تعب من دكتور حيوان اداله جرعة دوا جبتله جفاف
رحت بيه النخيل الساعة 2 بالليل عشان يعلقوله الكانولا شكوه في ايده ورجله ورقبته في الحضانة وفالاخر اتعلقت في ايده

دكاترة الاستقبال لما كنت بروح بعد كده بتأكد إنهم دايما مبيفهموش أي حاجة فالطب

آخر مصيبة بقى من شهر تقريبا واحد قريبي راح بابنه بنفس حالتك دي بس حرارته كانت 40
وماكانش عندهم سراير فاضية خالص
اللي استقبله دكتورة وقالت هو مش محتاج يتحجز هاكتبله دَوة وخلاص
قاللهم تابعيه مرضيتش وقالتلهم روحوه وهو هيتحسن 3 ساعات والواد كان حالته بتزيد

المهم راحوا لدكتور بيفهم كنت قايلهم عليه قبل كده في مشكلة مع ابني
وال واد في ساعتين متابعة بقى زي الفل

كلموا الدكتوره بتاعت النخيل قالتلهم هو كان المفروض يتحجز بس أنا ما عنديش مكان ومردتش أقول لكم كده عشان ماقلقكمش

طبعا أنا لما سمعت الكلمتين دول النادي كله كان بيتفرج على طولت لساني وشتمتي في مستشفى دي واللي فيها

المهم بما إنك فالمعادي بقى

دكاترة الأطفال اللي هناك الكوايسين

دكتور عبدالعليم ده فالشارع اللي قدام مكتبة أم علاء وده دكتور كويس جدا وشاطر جدا كشفه 120 وبيكتب ادوية خفيفة دايما وبيشخص صح
بس مابيسعفش في التليفون خالص وعشان كده أنا قطعت تعاملي معاه وبطلت اروحله

المفاجأة بقى إن مستشفى تبارك اللي قدام المرور اللي الكشف بتاعها 30 جنيه تقريبا في دكتور اسمه عبداللة ما شاء الله عليه تحفة
هو اللي انقذ الواد اللي بحكيلك عليه
وكمان برده كان مرة نفعني في 2 دكاترة من تبارك دي كانوا كتبوا ادوية غلط ل ابني
وفي أي وقت بكلمه وأقوله على تشخيص دكتور تاني والدوة اللي كاتبه اللي مجابش نتيجة بيقولي اعمل كذا وهات ادوية كذا مش زي الباقي لأ لازم تجبه وتدفع
بجد الراجل ده أنا بدعيله دايما ربنا يباركله

أنا بصراحة بقيت أشك في أي دَوة أي دكتور بيكتبوا
بس الراجل ده أنا مرة اتناقشت معاه في دَوة كتبهولي والصيدلية بتاعت المستشفى كان عندها بديل سألته مرضيش بالبديل وقاللي على اثار جانبية بتاعت ده وده وليه ده آه وده لأ
وسألته على جرعة دَوة كان كاتبه برده والصيدلي قال لي كتير
مسك ورقة وقلم وحسبلي ال min دوز بتاعت الدَوة على الوزن والوقت في معادلة ووضحلي إن ال دوز اللي كتبها سيف

لو فالمعادي عايز دكتور بجد روح للراجل ده

بالمناسبة برده متفكرش فالسلام ولا النيل بدراوي عشان بقوا مزبلتين هم كمان

بجد المفروض نقابل مدير المستشفى دي ونحكيله كل اللي حصل ده وأنا ما عنديش مانع آجي معاك
بس أكيد يعني معين الغجر دول واسطة

اقتباس:

---

المشاركة الأصلية كتبت بواسطة mailo

طب بمناسبة النخيل بقى

أنا ابني أيام الثورة كان تعب من دكتور حيوان اداله جرعة دوا جبتله جفاف
رحت بيه النخيل الساعة 2 بالليل عشان يعلقوله الكانولا شكوه في ايده ورجله ورقبته في الحضانة وفالاخر اتعلقت في ايده

دكاترة الاستقبال لما كنت بروح بعد كده بتأكد إنهم دايما مبيفهموش أي حاجة فالطب

آخر مصيبة بقى من شهر تقريبا واحد قريبي راح بابنه بنفس حالتك دي بس حرارته كانت 40
وماكانش عندهم سراير فاضية خالص
اللي استقبله دكتورة وقالت هو مش محتاج يتحجز هاكتبله دَوة وخلاص
قاللهم تابعيه مرضيتش وقالتلهم روحوه وهو هيتحسن 3 ساعات والواد كان حالته بتزيد

المهم راحوا لدكتور بيفهم كنت قايلهم عليه قبل كده في مشكلة مع ابني
وال واد في ساعتين متابعة بقى زي الفل

كلموا الدكتوره بتاعت النخيل قالتلهم هو كان المفروض يتحجز بس أنا ما عنديش مكان ومردتش أقول لكم كده عشان ماقلقكمش

طبعا أنا لما سمعت الكلمتين دول النادي كله كان بيتفرج على طولت لساني وشتمتي في مستشفى دي واللي فيها

المهم بما إنك فالمعادي بقى

دكاترة الأطفال اللي هناك الكوايسين

دكتور عبدالعليم ده فالشارع اللي قدام مكتبة أم علاء وده دكتور كويس جدا وشاطر جدا كشفه 120 وبيكتب ادوية خفيفة دايما وبيشخص صح
بس مابيسعفش في التليفون خالص وعشان كده أنا قطعت تعاملي معاه وبطلت اروحله

المفاجأة بقى إن مستشفى تبارك اللي قدام المرور اللي الكشف بتاعها 30 جنيه تقريبا في دكتور اسمه عبدالله ما شاء الله عليه تحفة
هو اللي انقذ الواد اللي بحكيلك عليه
وكمان برده كان مرة نفعني في 2 دكاترة من تبارك دي كانوا كتبوا ادوية غلط ل ابني
وفي أي وقت بكلمه وأقوله على تشخيص دكتور تاني والدوة اللي كاتبه اللي مجابش نتيجة بيقولي اعمل كذا وهات ادوية كذا مش زي الباقي لأ لازم تجبه وتدفع
بجد الراجل ده أنا بدعيله دايما ربنا يباركله

أنا بصراحة بقيت أشك في أي دَوة أي دكتور بيكتبوا
بس الراجل ده أنا مرة اتناقشت معاه في دَوة كتبهولي والصيدلية بتاعت المستشفى كان عندها بديل سألته مرضيش بالبديل وقاللي على اثار جانبية بتاعت ده وده وليه ده آه وده لأ
وسألته على جرعة دَوة كان كاتبه برده والصيدلي قال لي كتير
مسك ورقة وقلم وحسبلي ال min دوز بتاعت الدَوة على الوزن والوقت في معادلة ووضحلي إن ال دوز اللي كتبها سيف

لو فالمعادي عايز دكتور بجد روح للراجل ده

---

يالهوى ده انا كنت فاكر حظى وحش
ده الظاهر عيب منظومة من منظوماتنا العريضة
حسبي الله ونعم الوكيل فيهم
وشكرا لنصيحتك ياكبير

بمناسبة الجفاف

ولادي الاتنين مروا بالدور السيئ دا و رحت بيهم على مسشفي تبارك اللي ورا طيبة مول في مدينة نصر بصراحة قاموا بالواجب و الاود اتحسنوا الخمد لله و حجزوهم يوم في المستشفى عشان كان لازم يتعلقلهم محاليل انا كنت فاكرها نصبايا في الاول عشان يلبسونا في حجز المستشفى بس طلعوا كان ليهم حق و العيال حالتهم كانت تستدعي

اقتباس:

---

المشاركة الأصلية كتبت بواسطة mailo

بالمناسبة برده متفكرش فالسلام ولا النيل بدراوي عشان بقوا مزبلتين هم كمان

بجد المفروض نقابل مدير المستشفى دي ونحكيله كل اللي حصل ده وأنا ما عنديش مانع آجي معاك
بس أكيد يعني معين الغجر دول واسطة

---

مدير المستشفى ده مقاول مش فارقا معاه المهم يكسب وخلاص

فممكن نعمل حركة تشويه على النت الاول ونتيجتها بتبقا سريعة او الفيس بوك

الف مليون سلامه علي بنت حضرتك وبعد كدا بلاش تستقرب وتدور علي حاجه جنبك احسن مستشفي اطفال مستشفي تبارك في حدائق القبة وربنا يسترها علينا جميعا ويرحمنا من عدماء الضمير

ربنا يشفيهالك ويطمنك عليها

انا عانيت مع زبانية الرحمه دول كتير

انا فى مره فى مستشفى استثمارى بتاع دكتور كبير ( من اللى متعرفش تشوفه مش تكلمه )

رايح ادخل ابنى الحضانه

لأنى ملقتش ولا حضانه تانيه فاضيه فى دمياط كلها فى اليوم ده تخيلوا

المهم

الآنسه فالأستقبال تقولى علشان يخش عندنا لازم حضرتك تمضى على الأقرار ده

الأقرار بيقول ايه ؟

بيقولك يا سيدى اى حاجه تحصل للطفل هما مش مسئولين عنها ( اى حاجه حتى الوفاه مزكوره باللفظ )

وبأمضاء حضرتك سوف تكون متنازل عن حقك القانونى بالرجوع عليهم بأى مسائله قانونيه

طبعاٌ انا قولتلهم هو انا جاى ادخله الحضانه ولا الطربه

المهم بعد زعيق ومشاكل دخلوه بدون امضائى

حضرتك تمشى دلوقتى وتيجى فى وقت الزياره تشوفه من بره

ماشى

مشيت وتانى يوم روحت فى وقت الزياره ملقتش فى الحضانه الا عاملة النظافه

ببص على ابنى ألاقيهم حطينه على الجهاز الضوئى بتاع الأشعه فوق البنفسجيه والولد لونه احمر بطريقه غريبه

فقولتلها ايه ده يا حاجه الولد محروق كده ليه

طبعاٌ اهتمت بعد ال5 جنيه واتصلت بالممرضه المسئوله عن الحضانه اللى نزلت تقضى حاجه من الشارع وجايه بسرعه

تخيلوا يكون الرد ايه ؟

طلعت تجرى وراحت طافيه الجهاز ( اصل الترموستات بتاع الجهاز بايظ والممرضه نسيت الطفل شويه ( مجراش حاجه يعنى ) )

وراحت مشكوره اخد ابنى قدام عينيه وهو والع نار وراحت فاتحه عليه حنفية الميه

اى والله حصل

طبعاٌ انا عقلى راح منى

وعملت كل ما يقبله ولا يقبله عقل من ادب وقلة ادب

وطبعاٌ موصلتش معاهم لأى حاجه

وطبعاٌ رحت بالولد لحضانه تانيه وهو بين الحياه والموت

و اكيد مش محتاج انى اقولكم انى فضلت اعانى مع ابنى سنتين بعدها بمشاكل فى صدره من عملية البستره اللى عملوهالوا فى الحضانه دى

يلا منهم لله هما واللى مشغلهم

واى واحد مهمل فى عمله ( وخاصه اللى بيتعامل مع ارواح ناس ) منه لله

ياجماعا ما خفى كان اعظم

بنتكلم على اطفال وبيعملو كده

والله بيعملو اكتر من كده مع الكبار

مريت بردو من شهرين مع والدى بنفس السيناريوهات الوسخة دى مع الدكاترا

ونصا عامل بيفهم بلد بقر ..........

حسبى الله ونعم الوكيل فى كل دكتور معندوش ضمير او ممرضه معدهاش اى نوع من انواع الضمير ولا القلب

حسبي الله و نعم الوكيل

البلد بقى حالها يحزن

يا نهار أسود ديه الشركة بتاعتنا متعاقدة معاهم جديد و أى checkup يتعمل بيبقى عندهم

اقتباس:

---

المشاركة الأصلية كتبت بواسطة sanhory

بمناسبة الجفاف

ولادي الاتنين مروا بالدور السيئ دا و رحت بيهم على مسشفي تبارك اللي ورا طيبة مول في مدينة نصر بصراحة قاموا بالواجب و الاود اتحسنوا الخمد لله و حجزوهم يوم في المستشفى عشان كان لازم يتعلقلهم محاليل انا كنت فاكرها نصبايا في الاول عشان يلبسونا في حجز المستشفى بس طلعوا كان ليهم حق و العيال حالتهم كانت تستدعي

---

تبارك مدينة نصر سمعتها حلوة وتقريبا اغلي فرع في مستشفيات تبارك

أنا ابني اتحجز يومين بسبب الجفاف مع إنه كان ممكن يخرج تاني يوم بالكتير قوي بس مش فاكر دفعت ساعتها 2000 ولا 3000

اقتباس:

---

المشاركة الأصلية كتبت بواسطة ahmed1718

مدير المستشفى ده مقاول مش فارقا معاه المهم يكسب وخلاص

فممكن نعمل حركة تشويه على النت الاول ونتيجتها بتبقا سريعة او الفيس بوك

---

معاك في أي حاجة
عشان أنا مش هاستني لما طفل يموت من غلطة كلب ونرجع نعيط فالاخر

اقتباس:

---

المشاركة الأصلية كتبت بواسطة ahmed1718

ياجماعا ما خفى كان اعظم

بنتكلم على اطفال وبيعملو كده

والله بيعملو اكتر من كده مع الكبار

مريت بردو من شهرين مع والدى بنفس السيناريوهات الوسخة دى مع الدكاترا

---

طب إنت عايز أكتر من إن السلام دخلهم واحد قريبي بيموت فضله حاجزينو طول الليل بيتقطع وعمالين يدولو مورفين لحد مالمنظار يفتح بكرة
طبعا الشتيمة كلها خدها الدكتور البارد اللي كان سهران

تعرف إن السلام مابيدوش الممرضات مرتبات أصلا وبيحملها على مصاريف العيان
وتلاقي في الفاتورة كده بند مرتب جوز الممرضات اللي بيتابعوك محسوب باليوم

واحد تاني قريبي برده دخل السلام بجلطة فالمخ وماكانوش معرفينو
الدكتور قالوا احمد ربنا إنك لسة عايش إنت عندك جلطة فالمخ ومش عارف كان قالوا إيه تاني كده الراجل كان هيتجنن

أنا رحت السلام أصلا اكشف عند دكتور هناك الراجل قال لي الكشف 120
وهناخد 40 جنيه نعملك ملف وعشان الميديكال هتدفع 20 بس

قلتله طب أنا مش عايز ملف
أنتم عايزين ملف أنا مالي أنا الدفاع ليه مش كشف أصلا

ورحت النخيل وكشفت ب 150

الجديد يارجالة بقا

كلمنى الريسبشن بتاع المستشفى وقالى الدكتور عايز يطمن على حالة بنتك

قلتله اوك ادهونى

رد البيه قلتله تامرنى
قالى اخبار البنت ايه
قلتله وحضرتك عملت ايه علشان تتطمن عليها

قالى طب انا عايز مزرعة البول دى ضرورى جداا علشان انا شاكك ف التهاب ف الكلي

كنت هقوله كلمة يحاسب عليها القانون بس للاسف كنت عند حماتى
وقفلت معاه وقلت مبدهاش هفضا يوم واروح اطلع كل مالز وطاب عليه ف المستشفى

مستشفى النخيل دى اساسا مستشفى زبالة
وانا كل ماروح هناك مع حالة لازم اتخانق معاهم واسبلهم
بس الحق مش عليهم
الحق على الشعب اللى راضى بأن الصحة متكونش من اولويات الدولة

كوميديا السنين

رحت اخد نتيجة التحاليل

لقيت راجل اسمه شرين عامل تحاليل من ضمنها تحليل بول

لقيت الدكتورة بتقوله مبروك المدام حامل

وانا مش ف بالى

لقيته بيقول كلمه ابيحا اوى كده وبيقول حامل ايه يولاد الكلب هاتولى حد هنا ينفع امد ايدى عليه يناصبين يولاد ............

طبعا جه دورى لقيتها بتقولى الطفلة صاحبة التحاليل دى عندها تسمم ف الدم ولازم تجيبها تتحجز ف المستشفى فوراااا

شديت منها التحاليل وقلتلها وحياة امى لو رحت عملت التحاليل دى برا ولقيت النتيجة مختلفة
هاجى اولع فيكى وف المعمل بتاعكو يناصبين يولاد الكلب

وخدت بنتى وطلعت على دكتور كشف عليها وهيا معندهاش حاجة واول حاجة قالهالى ان صاحبة التحاليل دى استحالة تكون على قيد الحياة من الاصل

ولما قلتله انا هنزل اعمل تحاليل ف معمل المختبر وحضرتك تكتبلى تقرير بده كله وانا هتصرف معاهم بقا ويانا ياهما ف البلد دى

لقيته بيقولى يابخت من قدر وعفى
طبعا اتصدمت من رده جدا وبقوله حضرتك علشان دكتور بتقول كده بس لو عيان مش هتعمل كده

ومستنى نتيجة التحاليل تطلع وربنا يكرم وافضالهم ان شاء الله علشان اكيد اللى بيحصل ده مش حلال

امى عملت فيها عمليتين
وفى المرتين اتخانقت معاهم
بجد مستشفى زبالللللله بس للاسف دا حل كل مستشفيات مصر

ياعمونا ماتفكرنيش بالمستشفى الزباااااااالة دى جدتى قعدت فيها 7 شهور واتوفت وكانت مستشفى زباالة بمعنى الكلمة هما اللى جابوها ورا بكتر العمليات وعاوزين فلوس فلوس فلوس خدو اكتر من 300 الف واتوفت فى الاخر عالم غجر بس احلى حاجه البنزينه اللى جمب المستشفى البنزين بتاعها خطيير كن بيفوقلى العربيه عالاخر بنزين المعادى بقا عملنا شوية شغل حلوين هناك

عملت لبنتى تحاليل تانيا ف معمل المختبر وطلعت طبيعى ف كل حاجة الحمد لله بس طلع عند حاجة بسيطة والدكتتور عالجها ب بيبي فيت (حاجة زى فيتامينات كده مطلوبة لكل طفل حديث الولادة على كلامه )

دلوقتى بقا المفروض عايز اخد حقى من ام مستشفى النخيل دى

اعمل ايه وابدأ الزاى

مش عايز اروح ابعبع بس كده وامشى ويكون دمى انا بس اللى هيتحرق
عايز حاجة قانونى تخليهم يراعو ربنا فيما بعد الناس اللى بتدخل عندهم
ياريت مشورة

اقتباس:

---

المشاركة الأصلية كتبت بواسطة dr_radioooooo

مستشفى النخيل دى اساسا مستشفى زبالة
وانا كل ماروح هناك مع حالة لازم اتخانق معاهم واسبلهم
بس الحق مش عليهم
الحق على الشعب اللى راضى بأن الصحة متكونش من اولويات الدولة

---

بالظبط كده ... منظومة الصحه زيها زي اي منظومه بايظه في مصر ... محتاجه اعادة تأهيل ... من اول طلبة الطب ورفع ميزانية الصحه والرقابه الخ ... ولازم وكلاء وزارة حاتم الجبلي اللي لسه قاعدين على كراسيهم يتغيروا

عايز برضو اقول حاجه - مش دفاعا عن الاطباء - ولكن الحق يقال - الاطباء حديثي التخرج بالذات - احنا يا جماعه بنعيش في مصر مأساة - ولا فيه فلوس ولا تعليم ولا رحمه حتى !! يعني الطبيب بيتخرج بعد 7 سنين دراسه وتعب ومصاريف ويتعين في وزارة الكحه ب 700 جنيه مرتب بالحوافز ببدل عدوى 18 جنيه احمدك يا رب ... ويتساب في مستشفى بلا اي امكانيات والاخصائيين والاستشاريين الكبار ولا حد بيعلمه حاجه - الا من رحم ربي - ويتساب الغلبان في وش المدفع ويتلام وكأنه المسؤول الاول والاخير عن وزارة الكحه المصريه

مش عايز اكمل كتابه عشان اكتأبت اكتر مانا مكتئب ... حسبي الله ونعم الوكيل

ربنا يتولانا برحمته سواءا اطباء او مرضى