في البداية احب ارحب بيك في قسم سيات
والف مبروك العربية
معلش اول استفسار مش واضح
يعني ايه صوتها زي صوت مكن التاكسي القديم ؟؟؟
علي العموم لو الصوت دة بيحصل معاك وانت شايل رجلك من علي البنزين ومدي العربية غيار يبقي دة بلية الدبرياج عايزة تتغير
وبالمرة اكشف علي طقم الدبرياج عندك كله
وغير زيت الفتيس
بالنسبة لمؤشر البنزين
فدة ليه عدة احتمالات
1- مجرد وساخة علي العوامة وهتروح لو فولت مرتين تلاتة وحطيت منظف دورة البنزين
2- العوامة متركبة بطريقة غير سليمة
3- العوامة هيست وعايزة تتغير
4- فيش الضفيرة فيها مشاكل مسببة التهييس دة (بس الأحتمال دة مستبعد لأن هتلاقي ليها عدة اعراض اخري غير مؤشر البنزين)
وطبعا موضوع السرعة القصوي ليه احتمالين مالهمش تالت
1- يكون الي سقط المكنة سقطها علي نفس الفتيس بتاع المكنة ال1000
2- طقم الدبرياج يكون منتهي ودة له علاقة بأول استفسار
ربنا يقدم الي فيه الخير
والله المستعان
،
،
المفضلات