ياجماعة لو سمحتوا انا معايا لانوس 1 موديل 2000
بتستهلك بنزين بشكل مبالغ فية ومش عارف السبب اية
ميكانيكى قالى نغير الرشاشات ولكنى اعرف ان الرشاشات
اذا كانت بايظة يكون سحب العربية ضعيف ولكن السحب عندى
قوى جدا -- فما هو الحل وكيف احل هذة المشكلة
عرض للطباعة
ياجماعة لو سمحتوا انا معايا لانوس 1 موديل 2000
بتستهلك بنزين بشكل مبالغ فية ومش عارف السبب اية
ميكانيكى قالى نغير الرشاشات ولكنى اعرف ان الرشاشات
اذا كانت بايظة يكون سحب العربية ضعيف ولكن السحب عندى
قوى جدا -- فما هو الحل وكيف احل هذة المشكلة
مش شرط
العربية بتغيب فى الدوارة؟
البوجيهات بطلع مهببة؟
MMamdouh
1- ياريت حضرتك تكتب كمية البنزين المستهلكة بداخل البلد أو بخارجها ويفضل عند القياس أن تملأ تنك البنزين الى رؤية البنزين في الماسورة الواصلة للتنك عشان تتأكد إن القياس صح
2- ممكن تتأكد من زيت الفتيس عشان انا كانت العربية بتستهلك بنزين وقالولي غير رشاشات وحساس شكمان وحاجات زي كده لكن أنا مرضيتش عشان انا كنت شايف العربية سليمة ومفيش لا دخانة ولا حاجة فيها غير استهلاك البنزين وسحبها كان ممتاز ، ولما كشفت على زيت الفتيس بالصدفة طلع مفيهوش زيت خالص عشان كان في كسر خلى الزيت كله فضي ولما غيرت القطعة المكسورة ومليت الزيت ، لقيت استهلاك البنزين قل ( يعني كل 20 لتر العربية زادت فيها المسافة المقطوعة الى 30 كيلو ) غير ان السحب زاد كتييييييييير
انا كمان عندى نفس المشكلة الرجاء انجدونى
عربيتى لانوس 2004 كانت زى الفل فى استهلاك البنزين لمة عملت صيانة للعربية وهى كالتالى :
1 طقم بوجيهات
2- فلتر بنزين
3 - تيل فرامل امامى
4 - صيانة للتكيف وتزويد شحن فريون واستحراج الهواء منه
من بعدها لقيت استهلاك غير عادى فى البنزين بيخلص بسرعه جدآ
ززى ما قال البشمهندس MMamdouh
انا فعلآ عندى العربية بتغيب فى الدوارة جامد الصبح بس بس بعد مبمشى بيها وقف وادور تانى تشتغل عادى جدآ
البوجيهات لمة غيرتها لقيتها سوده فعلآ
معنى الكلام ده ايه يامستر ممدوح
طيب انا عندى الدبرياج تعبان شوية بسيطه فى خشونة يمكن يكون منه
والفتيس عندى مفهوش اى مشكلة
ارجوا افدونى فى الحل ياجماعه
نسيت اقول ان البوجيهات Ngk شمعة واحده
والسحب كويس يعنى شغال
وكمان مش بشم ريحة بنزين جوة لو الكلام من جوان تنك البنزين بايظ
متشكرآ جدآ يابشمهندش ممدوح على الرد
بس لو تسمحلى الرشاش ده اللى هو الانجيكشن برضوا ولا حاجه تانيه
وهل الرشاش ده عايز يتنظف ولا يتغير وعمرة الافتراضى كام وسعرة كام
وستحملنى معلش اصلى عايز افهم
رشاش = injector
نظام حقن الوقود = injection system
رشاشات الدايو القديمة تصميمها فيه مشكلة و التنضيف بيبقى غير مجدى لان الرشاش حيفضل يسرب بنزين... من الاخر حتنفخ فى قربة مقطوعة
رشاشات الدايو الاصلية ب 1000 جديدة (كورى صناعة GM)
رشاشات الاكسنت الجديدة ب 750 تقريبا (كورى)
رشاشات الاكسنت الاستيراد ب 400 جنية تقريبا
رشاشات الBMW M40 استيراد ب 200 الى 250 جنية (المانى صناعة BOSCH)
MMamdouh
متشكر اوى على الرد السريع يابشمهندس ممدوح ربنا ميحرمنا منك ابدآ
انا لاحظت ان استهلاك البنزين جامد فقط لمة اشغل التكيف لكن من غير تكيف عادى استهلاكها معتدل يمكن من ساعة مشحنت الفريون عملى حاجه
بالنسبة للرشاش
ممكن اعرف مكانة فين الرشاش ده وهما المفروض بيبقى كام رشاش فى العربية هل واحد ولا اربعه
شكرآ جزيلآ
اربع رشاشات راكبين على مواسير المنافول اللى داخلين على وش السلندر
MMamdouh
اخى العزيز مهندس ممدوح
اشكرك كثيرا على سرعة الرد والاهتمام
ولكن اسمحلى انا عايز احسم سبب العطل تماما قبل اجراء اى تغير
وذلك لسابقة معاناتى فى تغير قطع ويتضح انها ليست هى سبب المشكلة
ولذلك هل هناك مقياس للرشاشات حاسم-- وكذلك هل هناك مقياس
للحساسات -- واين يوجدو -- لكى يظهروا بشكل قاطع حالة الرشاشات
ومدى كفائتها -- وشكرا مرة ثانية
المشكلة اتحلت الحمد لله اكتشفت ان العيب من فلتر الهواء
الفلتر كان عامل معاية 20 الف كيلوا بالرغم ان كتالوج العربية بيقول يتغير كل 40 الف كيلو
لمة غيرتوا العربية بقت بدور على طول والاستهلاك بقى كويس فى البنزين
شكرآ اوى على المساعدة يابشمهندس ممدوح
طيب انا عايز اعرف المعدل الطبيعى للاستهلاك (1) على طريق السفر
(2) طريق داخل القاهرة المعدل فى حدود كام للصفيحة او اللتر؟ شكرا
انا ليه استفسر يامستر ممدوح انت كاتب نوعين تانيين من الرشاشات غير بتوع الدايو اللى هما الأكسنت و bmw هل دول ممكن يركبوا على الدايو
ولو ممكن هل هم احسن من بتوعها ولا أنهى أحسن
وهل اللانوس زي النوبيرا لإن في ناس قالولي أن رشاشات النوبيرا زي رشاشات اللانوس
بس أنا معايا نوبيرا 1 - 97
والف شكر على الإفادة
وجزاك الله خيرا
1- ايوة ممكن يركبوا للانوس عشان كدة انا ذكرتهم
2- هما طبعا احسن لان زى ما قلت رشاشات الدايو تصميمها بيسبب مشاكل
3- رشاشات اللانوس زى النوبيرا فى الحجم و المقاسات لكن فى الflow rate مختلفين حاجة بسيطة جدا يمكن اهمالها
MMamdouh
لا مؤاخذة ايه هوة flow rate ده
وهل معنى كده ان أحسنلى أركب رشاشات أكسنت عندي في النوبيرا
طيب وانهي موديل أكسنت هوة اللى يركب في نوبيرا 97
ومين ميكانيكية كويسين ممكن يركبوا حاجة زي كده ويظبطوها ظبطة حلوة
الflow rate يعنى معلر سريان البنزين من الرشاش و دة بيتقاس عند ضغط بنزين 42PSI و بيتحسب كمية البنزين اللى بتنزل من الرشاش خلال دقيقة كاملة
رشاشات اللانوس 135 سى سى فى الدقيقة و رشاشات النوبيرا تقريبا 150 سى سى فى الدقيقية و دة فرق بسيط جدا جدا يمكن تجاهلة
النوبيرا حيبقى انسب ليها رشاشات الBMW M40 لان دول جايين من عربية 1600 اصلا... الاكسنت 1500 و ممكن رشاشاتها تكون اقل من النوبيرا
تركيب الرشاشات عملية سهلة مش محتاجة ميكانيكى محترف... و على فكرة مفيش ميكانيكى بيضبط رشاشات فا لو واحد قاللك انا بضبط رشاشات يبقى بالف
MMamdouh
بس انا الدايوا بتاعتي 1500 سيسي مش 1600
لأنها كوري مش مصري فكده يبقى انهي رشاشات تبقى أحسن عندي
وبعدين إزاي الرشاشات مالهاش ظبطة انا اللى اعرفه ان بيبقى ليها زمن فتح وقفل وهوة ده اللى بيتظبط على الكمبيوتر عموما أنا ماحدش قاللى حاجة دا انا كنت متخيل كده من نفسي لأن انا لسة ماروحتش لحد خالص بالعربية دي
معلش انا لسة جديد في موضوع الرشاشات لأن زمان كان معايا كاربيراتير بس
الاتنين ينفعوا بدون مشاكل
كلامك صح على الزمن بتاع فتح الرشاشات بس الزمن دة اللى بيتحكم فيه الكمبيوتر و بالتالى مينفعش ميكانيكى يضبط الوقت الا لو كان بيشتغل كمبيوتر بعد الضهر
MMamdouh
:):):)
لأ ياباشا مانا مش قصدي ان هوة يشتغل كمبيوتر بعد الظهر لأن انا كده مش هاركب العربية الا بعد الظهر
:):):)
لأ انا قصدي ان الميكانيكي هوة اللى بيظبط الكمبيوتر اللى بيتحكم في الرشاشات
ياترى هية الصورة كده صح ولا هوة الموضوع عبارة عن برنامج محدد ومافيش فيه لعب
ياباشا انا عارف ان احنا متقلين عليك بس خيرك مغرق النتدى كله بصراحة ربنا يباركلك
هو برنامج محدد و مفيش فيه اى لعب
MMamdouh
ياباشا الف شكر على التوضيح
وجزاك الله خيرا