الموضوع: حادث بطريق أكتوبر يشل حركة المرور

المشاركة الأصلية كتبت بواسطة SYD

وقع حادث تصادم في حدود الساعة الواحدة والنصف ظهرا علي طريق الواحات في اتجاه الرماية
تسبب الحادث في شل حركة المرور للقادم من اكتوبر والواحات ومتجه نحو الرماية والطريق الدائري

اطراف الحادث : سيارة نصف نقل فقط لا غير
يبدو انها كانت مسرعة ولتفادي شئ ما اصدمت بالرصيف وتحطمت بشكل بالغ

انتقل لمكان الحادث سيارة اسعاف
وقام متطوعين برفع السيارة واخلاء الطريق

وتسبب توقف الطريق تماما الي ان بعض قائدي السيارات (ملاكي ونقل وميكروباص وجميع وسائل النقل) للأنتقال للأتجاه المقابل والسير عكس الطريق في مشهد مزعج لقائدي السيارات في الأتجاه من الرماية الي اكتوبر مما يشكل خطر علي الطرفين

ربنا يارب يرحمنا من سواقين النقل والجنون الي بيسوقوا بيه
بسبب حد متهور خسر صاحب العربية عربيته وحمولتها ووقف الطريق وكان هيتسبب في حوادث اخري وتعطيل مصالح الناس وخصوصا ان محور الواحات من اكثر المحاور حيوية وتخدم عدد كبير من الناس

الله المستعان
،
،

انا فعلا لسه جاي من الطريق حالا والطريق واقف جدا وشفت العربية النص نقل ! بس ماقدرتش افهم سبب الحادثة او ايه اللى حصل !

الحوادث على طريق الواحات قلت كتيير اوي عن الاول ! من يمكن حوالي تلت اربع سنين كان بشكل يومي فيه حادثة ! لكن حاليا المطبات اللى اتعملت خففت الحوادث بشكل كبير

ربنا يستر على الدايري اللى من عند دريم بارك ! الدايري ده فعلا كل يوم حادثة ! ! بدون اي مبالغة بشكل يومي حادثة وكل حادثة افظع من اللى قبلها

للاسف فيه ناس مستهترة للغاية وبتجري على الطريق ده جري غريب ! مع انه من اكتر الطرق اللى ماينفعش فيها جري !

الطريق تلت حارات + ملفات + كله نقل وترلات ! مش عارف مين بيجيله قلب يجري عليه

ربنا يسترها معانا