مطب جديد - شارع البحر الاعظم

**saadelden** · 02-05-2012 04:00 PM

علي اساس ان الشارع سالك و الدنيا رايقه ولا فيه مدرسه ولا حتى جامع ف المكان دا

انهارده لقيت البهوات جايبين لودر و بيعملو مطب جديد ف شارع البحر الاعظم اتجاه المنيل قبل محطه شل
المطب دا موقف الطريق من فوق الدائري !
قمه التخلف و الغباء

لولا ان اخويا كان تعبان كنت وقفت و نزلت قلبتلهم الدنيا
بس ماسكتش , وصلته البيت و نزلت رجعت تاني لقيتهم مشيو !

الله يخرب بيت كل متخلف و غبي شايف ان المطبات حل للمشاكل

الكلام دا كان الساعه 12 , شوف بقى من الساعه 2 للساعه 5 ساعه خروج الموظفين هايبقى الطريق عامل ازاي !

**ahmedeihab** · 02-05-2012 04:18 PM

بنى ادمين متخلفه
طب المطب اللى قدام المدرسه و قلنا ماشى
اما هنا مفيش غير القريه الفرعونيه و هو اكيد معمول علشانها
اتفرج بقا المطب ده هيعمل ايه فى الطريق
اولا قبل شل فيه ملف و الطريق بيضيق مع الملف
يعنى الطريق بيضيق و الملف و دخله البنزينه و غير دخليه القريه الفرعونيه
و الله شويه ناس ماسكين المرافق متخلفين عقليا
تحياتى
^_^

**mk3** · 02-05-2012 05:09 PM

هى ناقصه

**M.Elgergawy** · 02-05-2012 05:10 PM

هي ناقصة زحمة
دا كدا الدنيا الصبح بكرة هتبقى في الجلاش :)

**EngAhmedSakr** · 02-05-2012 07:16 PM

دي لا بقت بلدات شهادات ولا بلد طبقات

دي بفت بلد مطبات واعتصامات

لنا الله

**me_medoo** · 02-05-2012 07:58 PM

يا جماعة انتو زعلانين ليه. ، انتو مش عارفين ان مصر بتسعى انها تدخول في موسوعة جينس للارقام القياسية. في عدد المطبات كاتر بلد في العالم فيها مطبات ، ده بدل ما تدعولها وتشجعوها لو كل مواطن عمل كمان مطب قدام بيتوووو. يبقى نقدر. نخوش الموسوعه بسرعة وتبقى مصر. على اسم كل لسان هههههههههههههه

المطبات دي بتوحيلي ان البلد العربيات بتمشي فيها بسرعة عالية والطريق سالك والدنيا حلوة. وبتحسسني ان المحافظة مشكورة بقيت تحس بالمواطن وخايفه عليه. !!!! ههههههههههه

**saadelden** · 02-05-2012 08:19 PM

المشاركة الأصلية كتبت بواسطة ahmedeihab

بنى ادمين متخلفه
طب المطب اللى قدام المدرسه و قلنا ماشى
اما هنا مفيش غير القريه الفرعونيه و هو اكيد معمول علشانها
اتفرج بقا المطب ده هيعمل ايه فى الطريق
اولا قبل شل فيه ملف و الطريق بيضيق مع الملف
يعنى الطريق بيضيق و الملف و دخله البنزينه و غير دخليه القريه الفرعونيه
و الله شويه ناس ماسكين المرافق متخلفين عقليا
تحياتى
^_^

بردو منطق غبي
هي القريه الفرعونيه لسه مفتوحه امبارح عشان يفتكرو يعملولها مطب

والله لو كنت وقعت ف واحد فيهم كنت مسحت بيه الارض !

دا الدائري كان واقف من المعادي عشان المطب ! انا كنت متخيل هلاقي حادثه جامده او لجنه لاني متعود كل اسبوع ف المعاد دا باخد الطريق مابقفش فيه ثانيه واحده

**S O P H O S** · 02-05-2012 09:06 PM

فعلا الناس دي دماغهم غريبة

**abogogo** · 02-05-2012 09:13 PM

من فترة طويل ما يركبتش كوبري التونسي وانا طالع الكوبري عامل استعدادي على المطبات اللى موجوده على الكوبري وفجأة ملاقيش المطبات تقريبا شالوها بعد الحوادث الكثيرة اللى حصلت على الكوبري واخطرها العربية اللى طارت من فوق الكوبري وولعت في السوق اسفل الكبري ولسه لافتة التحذير ان في مطب موجودة ...!!!
..... في التجمع كنت الصبح في مشوار للرحاب وعلى اخر النهار وانا مروح والشارع ضلمة اكلت اربع مطبات ... عملين كل مطبين ورا بعض ... يعني تاكل الاول و لازم تاكل التاني ...!!!

**adel1212** · 02-05-2012 10:21 PM

امس الاول حوالي الساعة6.00 م عربية خبطت شخص و اصيب اصابة بالغة فى المكان ده
و الاهالي قطعوا الطريق
ربنا يستر
تحياتي

الموضوع: مطب جديد - شارع البحر الاعظم

LinkBack

أدوات الموضوع

عرض

مطب جديد - شارع البحر الاعظم - انشر الموضوع فى :

-

-

-

-

-

-

-

المواضيع المتشابهه

شارع البحر الاعظم -جيزة

من البحر الاعظم الى زهراء المعادى

البلطجيه يحتلون شارع طرح البحر ببورسعيد

عاوز اروح من البحر الاعظم لاكتوبر

محطة شل البحر الاعظم

الكلمات الدلالية لهذا الموضوع

المفضلات

المفضلات

ضوابط المشاركة