عايز شركة تكييف محترمة

**A.Saad** · 02-05-2012 04:07 PM

عايز شركة تكييف محترمة

يفضل تكون موزع معتمد للشارب

**wael2sh** · 02-05-2012 04:23 PM

اتصل بيهم شارب أو توشيبا العربي نفسهم وهما هيجوا يعينوا المكان وهتدفع عربون 100 جنيه من تمن التكيف وهيوردو ويركبوا وضمنهم 5 سنوات لسة مركب اتنين عندي في البيت 19319.

**DreAmO** · 02-05-2012 11:16 PM

انا جايب شارب برميم بلاس 3 حصان اخر الصيف قبل اللي فات

من موزع اسمه مصريه جروب .. تليفونهم 19470

وكان السعر عندهم اقل سعر بحوالي 50 جنيه

بعد ما اتصلت بشركات كتير جداً .. لكنهم لم يلتزموا بمعاد التركيب .. حتى توكيل العربي شارب نفسه اداني معاد بعد عشر ايام ومالتزمش ولا اتصلوا.. دي الشركة الوحيدة اللي التزمت بالمعاد

بعد يومين بالظبط من اتصالي .. وكان المعاد متفق عليه مسبقاً

جالي شاب كبير ومعاد صبي صغير .. وركب التكييف في حوالي ساعه وربع

الحمد لله التركيب عشرة على عشره .. ولا في تسريب فريون ولا ميه مش بتتسرب

بس الدنيا اتبهدلت من التكسير التراب

بيجي يركب ويشغل وميه ميه .. يديك الفاتوره والضمان .. وتديله الفلوس بعد التركيب وتراضيه بأي حاجه لو ليك مزاج

معاملتهم ايه بعد التركيب .. ماعرفش .. ماطلبتهمش لحاجة .. بكلم توكيل العربي شارب لو في اي حاجة او عايز اعمل صيانه دوريه

**م. حاتم السباعي** · 03-05-2012 12:16 AM

الاخ الغالي الاستاذ احمد سعد
انا ارجح الاتصال بشارب نفسهم
و اذا لم يناسب حضرتك الانتظار فشارب نفسهم بتنزل اعلاناتها كل جمعة في الوسيط و بتضع اسماء الموزعين المعتمدين لديها في كل المناطق بالدور بينهم جميعا
لو الوسيط مش متوفر عند حضرتك اكتب لي العنوان و انا معي و سيط بتاع كام شهر فاتو حتي الجمعة الماضية ان شاء الله اكتب لك عناوين و ارقام الموزعين في المنطقة السكنية الخاصة بك
و يجب ان تعلم ان كل تكييف بيكون لك 5.5 مواسير بمشتملاتها في الكارتونة و هم من حقك اذا احتاجتهم جميعا اثناء التركيب
تحياتي اليك

م.حاتم السباعي