-
صوت صفارة مع الفرملة
صوت صفارة عند الضغط على الفرامل فى السرعات البطيئة بعد مشوار صغير جوا البلد فقط مع صوت حفه عند الوقوف,رحتلهم فى التوكيل كل الى عملوة نضفوا التيل وقالولى انة لسة بحالتة و مازالت المشكلة قائمة
و ساعات بحس ان كفائة الفرامل مش قد كدة الصبح بالزات
أرجو النصيحة من خبراء المنتدى
(العربية فولكس بوينتر مانيوال وعاملة 9500 كم)
-
غالبا التيل ناشف شوية
MMamdouh
-
زى ما ممدوح باشا قال
التيل ناشف...وملهوش حل
دا غير نشفان لقمة التيل بياثر سلبا على اداء الفرامل والطنابير نفسها
دا غير انه بيتتاكل بسرعه
غيره احسن
-
عزيزي الفاضل ,اضافه للأخوه الأفاضل قالوه احب اضيف ان لو انت متأكد من ان التيل جديد والطنابير تمام مفيهاش اي ريجه ولو بسيطة وان تاكل التيل منتظم يعني يلاقي في هباب اسود كده على الطاسات او العجل روح اكشف على ترصيص العجل واتأكد ان العجل مترصص تمام ومفيهوش رفة او يكون الجنط معووج .
انا الكلام ده مجربه لأني غيرت تيل العربيه الأصلي وكان لسه فيه نصه وجبت تيل جديد من التوكيل وركبته وبالرغم من ان الطنابير تمام في الألف الا ان الصفاره كانت لسة موجوده
فالتوكيل فحص الجنط الأمامي عندي وجد انه واخد خبطه عوجاه وعايز يترصص ويستعدل وظبط بعديها زوايا
الحمد لله تعالى الصفاره الخفيفه دي منعت وكنت ساعات احس برعشه خفيفة جدا في دواسه الفرامل لما اجي ادوس دي برضه منعت .
Content Relevant URLs by
vBSEO 3.6.0 PL2