سكودا 98يا ترى ايه رايكم في السعر بامانة ؟؟؟؟

**goodwave** · 18-06-2007 12:13 PM

السلام عليكم
مازلت في رحلة البحث بتاعتي عن سيارة سكودا فليشيا ووفقني الله لواحدة:
موديل 98 (وش اوكتافيا)
عداد 97000 كم
الحالة الخارجية جيدة وعلى كلام صاحبها كلها فابريكة بره وجوة مش رشه الا القشرة بتاعت الباب الخلفي
فوانيس فابريكة بس الفانوس اللي ورا في حتة مكسورة بس شغال
البربريز واخد نقرة و السقف نقرة علشان ناس حدوا طوبه من بلكونه على العربيه (كانوا بيهدوا)
من الدخل معقولة او جيده - الفرش مش متهان
لا يوجد بارومه
حالة الموتور و الشاسية لسة حاكشف النهارده ان شاء الله بس الشكل الخارجي(فقط) للموتور والعفشة بيقول كويسين!!!
اللون احمر
ملاكي القاهرة
رخصة لسة متجددة يوم 7/6/2007 و ساريه حتى يوليو 2008

كان طالب 41000 وبعد التفاوض اتفقنا علي 39000 بس لسة ماكشفتش على الموتور و العفشة!

يا ترى ايه رايكم في السعر بامانة ؟؟؟؟
هل في مشكله امشي بيها ملاكي القاهرة في اسكندريه وبعدين ابقى اسجل لما الرخصة تنتهي؟؟؟

افيدوني افادكم الله لان دي اول عربيه ليا و انا مش ركيب!

و شكرا

goodwave
If you have not tried, you have not lived

**hazem_khidr** · 18-06-2007 01:49 PM

متهيالي كتير علي سكودا المبلغ دا الصراحه انا من رايي تشوف خوينداي اكسيل بنفس التمين و حتبقي جميع الكماليات كمان و قطع غيارها ارخص

**banboty** · 19-06-2007 12:49 PM

و اكشف كمان عن فارغة الفتيس من اسفل السيارة في اي محطة بنزين و ارشحلك محطة التعاون للى على ناصية شارع عباس العقاد , فيها فنى اسمه عربي ( فنى امين و شاطر ) لانه دايما بتبقى مكسورة او ملحومة و بتنشع زيت على خفيف وده بيقلل سعر العربية

لان الفارغة بتركيبها بتخش في حوالي 800 جنيه ...

و السعر معقول في حالة اذا كانت العربية فابريكة بره و فيها تكييف اصلي

**goodwave** · 19-06-2007 02:32 PM

شكرا للردود بس واله كنت عشمان في ردود اكتر مش بس من اصحاب الخبرة بس من الي حتى بيسمع عن الاسعار!
على العموم العربية من غير تكييف (فاضية) وحالتها حلوة
وهي موجودة في اسكندريه

وفي انتظار مزيد من الردود

وشكرا

goodwave

**goodwave** · 19-06-2007 02:34 PM

شكرا للردود بس واله كنت عشمان في ردود اكتر مش بس من اصحاب الخبرة بس من الي حتى بيسمع عن الاسعار!
على العموم العربية من غير تكييف (فاضية) وحالتها حلوة
وهي موجودة في اسكندريه

وفي انتظار مزيد من الردود

وشكرا

goodwave

**TAG_Turbo0** · 19-06-2007 02:36 PM

انا شايف برده ان السعر ده كتير شويه وخصوصا انها فاضيه (من غير تكيف ولا باور) الكلام ده أصبح اساسى فى الوضع الى احنا فيه
بس على ما اعتقد ان معظم الفليشيا فى مصر فاضية
والله أعلم
ده رأى الشخصى

**salehgharib** · 21-06-2007 02:37 PM

لا تتسرع العربية دى كانت معروضة فى الوسيط السعر غالى بالحالة دى لا تزيد عن 36

**Islam_galal** · 21-06-2007 02:49 PM

للقياس
كان امامي سيارة فليشيا 97 عاملة 170000 كم و اتباعت بـ 34000 ج
و حالتها كانت كويسة و فاضية

**amir** · 23-11-2007 06:52 PM

يا جماعه الاسكودا وش الاوكتافيا اغلي من الشكل القديم, و ردا علي حازم خضر فلا يمكن المقارنه بين اكسيل و فيليشيا نفس سنه الصنع, لأنها عربيه المانيه القلب و مجمعه في التشيك, و معروف عنها الاعتماديه و الثبات و الوسع الداخلي الرحب و كمان طول عمر قطع الغيار
و بالنسبه للاخ صاحب السؤال الفيصل هو الكشف علي العربيه لاكن لو مكنتش عجباك شكلا فبلاش لانها اذواق بردو و ممكن تجيب بالسعر ده حاجات تانيه ذي اكسيل او اكسنت او لانوس فالامر يرجعلك و ربنا يوفقك