العربيه مش بتكمل 500 كيلو والبوجيهات بتهبب
اكسنت انجيكشن 99 1500 سى سى
اكثر من ماركه حتى المخصص للعربيه
عرض للطباعة
العربيه مش بتكمل 500 كيلو والبوجيهات بتهبب
اكسنت انجيكشن 99 1500 سى سى
اكثر من ماركه حتى المخصص للعربيه
نضف البوابه و الرشاشات
في انتاظر رد م. هاني انا كمان. لان معلومه مهمه بصراحة
الموضوع زى ما قال الأخ هانى
وببساطة حرق الموتور = هوا + بنزين
يبقى العيب يا إما فى كمية الهوا يا كمية البنزين يا اما البوجيهات اللى بتحرق الإتنين
لو كل البوجيهات مهببة يبقى حاجة من اتنين
1. عيب بوجيهات وتكون قدمت خلاص وده مستبعد فى حالتك لانك غيرت كذا نوع .
2. عيب حساس كمية الهوا maf وده الاكثر إحتمالا فى حالتك .
لو بوجية واحد مهبب يبقى الإحتمال الأكبر يكون رشاش بيسيل وعايز يتغير
طيب ورعشة السلانسيه دي سببها ايه ؟؟
متاااااااااابع جدا
لانى عندى نفس المشكلة تقريبا ( الار بي ام عالسلانسيه بيرعش
واسف انى بعرض مشكلتى هنا
ولكن الظاهر ان الاخ هانى محترف
انا بعتذر
بس انا الار بي ام عندى لما بيجي على 3 بالظبط صوت المكنة بيزعق جدااااااااااااااا وكانى مركب فلتر سبور
والصوت دا بيجنني
غالبا حساس الماف عندك كده بايظ و عاوز يتغير - ده لو كل البوجيهات مهببة - انما لو بوجيه واحد فقط او 2 غالباً هيكون رشاش او اكتر مسيل
العمل: تحط العربية علي الاسكانر و تشوف مسجلة اخطاء ايه خاصة في حساس الماف وتشوف كمية الهوا اللي داخلة ع الحساس لو مظبوطه يبقي تشوف الرشاشات لو مش مظبوطة يبقي انت محتاج تغير حساس الهوا و ده غالي نسبياً في الاستيراد بيعمل حوالي 350 جنيه و لو طقم الرشاشات الاستيراد النضيف بيعمل من 150 : 200 جنيه و معاك تجربة اسبوع
زميلي المحترم
مادام في رعشه في ال rpm يبقي ده ماس اير فلو و دي مشكله شائعه بالاكسنت غيره و معاه طقم البوجيهات و حتي العربيه فيها دخنه سوداء و لو شاكك شرفنا بالزياره و احنا نكشه و نقولك م- هاني و اسف اني اتاخرت في الرد
الاخ الفاضل والمحترم مهندس \ هــاني
اشكر حضرتك على سرعة الرد
انا قرأت موضوع حضرتك بتاع ال(Speed Service Center)
وانا اتمنى لو انى عرفت الموضوع دا من اسبوع بالظبط ( للاسف كنت كله اجازة )
انا اخدت رقم تليفون حضرتك
واتمنى انى لو ما ازعجتكش
لما انزل الاجازة الجاية (ف خلال 7 : 10 ) أيام
اتصل بحضرتك ( مالم تضايق )
واجي ازور مركز حضرتك
اللى متأكد والله ومش كلام وخلاص
انه هيحل اى مشكلة عندى
وبالمرة بقى اعمل لحضرتك ورقة بالحاجات اللى عاوز اعملها :)
اسف عالاطالة
واتمنى انى ماكونش مضايقك
اخوك \ محمد جودة
لو انت بتحط بنزين 80 غير وفورا علشان ال80 موزى جدا وعلى فكره دى مش هيونداى بس ده اى عربيه وده على حد علمى انا شخصيا