مقارنة بين 3 انواع جي ام 4 تشانيل

مساء الفل على شباب قسم الصوتيات :Copy of m-s5:

حبيت اعمل مقارنة بين 3 انواع جي ام موجودة في السوق وعايز رأيكم فيها علشان الناس تستفيد
انا استبعدت السيمفوني لاننا بنتكلم دلوقتي على امبليفيرز ولاد ناس ولاني مقتنع ان اي منتج من الشركات الكبيرة دي بيبقى احسن طبعا من السيمفوني اللقيط :00020191:

اول واحد هو بايونير PIONEER GM-6500F 4 CHANNEL 760 WATT
وسعره 635 جنيه
ودي امكانياته

GM-6500F - 4-Channel Bridgeable Amplifier with 760 Watts Max. Power | Pioneer Electronics USA

والتاني كينوود KENWOOD KAC-M845 4 CHANNEL 720 WATT
وسعره تقريبا 750 جنيه
ودي امكانياته

Kenwood - KAC-M845

والتالت SONY XPLOD XM-GTX6040 4 CHANNEL 600 WATT
وسعره 590 جنيه
ودي امكانياته

[url=http://www.sony-mea.com/product/xm-gtx6040]XM-GTX6040 : Xplod

أنا رأيي الكينوود

الفرق بين الباينويير والكينوود مش كبييييير فى rms علشان يعمل فرق فلوس بالطريقه ديه ويااااريت حضرتك تقولنا على مكان الى سالت فيه عن البايونيير علشان سعره فى المعقول واااكيد احسن بكتييييييييييير من السيمفونى

في التوفيقية يا باشا لسه واحد هنا في المنتدى جايبه ب 635 جنيه ...فاكر لما قلتلك انه عندنا في الفيوم ب650 وقلتلي مستحيل :))

الجي إم البايونير أنا لسة جايبه من التوفيقية على 635 جنيه
الفرق في السعر كبير أوي بينه و بين الكينوود رغم إن الاتنين تقريباً واحد

اقتباس:

---

المشاركة الأصلية كتبت بواسطة ahmed_mamdouh

في التوفيقية يا باشا لسه واحد هنا في المنتدى جايبه ب 635 جنيه ...فاكر لما قلتلك انه عندنا في الفيوم ب650 وقلتلي مستحيل :))

---

فعلا انا فاكر ومستغرب لحد دلوقتى من السعر يبقى كده لما كنت سالت عليه من سنه كاااان غالى جدااااا عن السعر الى موجود على النت

اقتباس:

---

المشاركة الأصلية كتبت بواسطة boody_boo

الجي إم البايونير أنا لسة جايبه من التوفيقية على 635 جنيه
الفرق في السعر كبير أوي بينه و بين الكينوود رغم إن الاتنين تقريباً واحد

---

فعلا الاتنين واااااااحد اختلاف قليل اوى يعنى للكينوود بس مش لدرجه 100 جنيه وممكن حضرتك تقولنا اخباره ايه معااااااك وبالنسبه للسخنيه وادائه وكده يعنى

البايونير ضعيف جدا مع الصب وبيفصل كل شوية لكنة حلو جدا مع السماعات وسعرة 640 انا شارية من 5 شهور

اقتباس:

---

المشاركة الأصلية كتبت بواسطة usama_esam

البايونير ضعيف جدا مع الصب وبيفصل كل شوية لكنة حلو جدا مع السماعات وسعرة 640 انا شارية من 5 شهور

---

ممكن يكون موضوع إنه يفصل مع الصب ده مشكلة في اللي عندك بس

لكن راكب عند واحد صاحبي على بازوكا بايونيير 1300 و 4 سماعات و شغال زي الفل و لا بيقطع الهوا

لا المشكلة دية في الريفيوهات الاجانب مش انا لوحدي بس هوة انضف في النقاء من السيمفوني اللي طالعين بية دة
بس بصراحة بيز السيمفوني ضخم بيخللي الصب يزن لكن لااقتنع بغير الماركات العالمية

اقتباس:

---

المشاركة الأصلية كتبت بواسطة usama_esam

لا المشكلة دية في الريفيوهات الاجانب مش انا لوحدي بس هوة انضف في النقاء من السيمفوني اللي طالعين بية دة
بس بصراحة بيز السيمفوني ضخم بيخللي الصب يزن لكن لااقتنع بغير الماركات العالمية

---

يا ريت لو معاك لينكات للريفيوهات ديه تبعتهالي :)

انا اساسا مكنتش مقتنع بالسيمفوني بس الناس بيقنعوني بيه في كل مكان و يقولولي احسن من الكينوود
بس الفرق بين الكينوود و البايونيير مش كبيير يعني و الفرق لصالح البايو

اومال الجي ام الكينوود 350 و البايو 400 عاملين كام دلوقتي ؟؟

اقتباس:

---

المشاركة الأصلية كتبت بواسطة usama_esam

البايونير ضعيف جدا مع الصب وبيفصل كل شوية لكنة حلو جدا مع السماعات وسعرة 640 انا شارية من 5 شهور

---

مش ضعيف اووووى يعنى هتلقيه مشغله معقول علشان بيطلع 180 فى البريدج فيعتبر فى المعقول بس انت مش واخد قوه الصب كله لاكن لو اشتغل على بازوكا جى بى ال مثلا هيبقى فااااااااجر

اقتباس:

---

المشاركة الأصلية كتبت بواسطة usama_esam

لا المشكلة دية في الريفيوهات الاجانب مش انا لوحدي بس هوة انضف في النقاء من السيمفوني اللي طالعين بية دة
بس بصراحة بيز السيمفوني ضخم بيخللي الصب يزن لكن لااقتنع بغير الماركات العالمية

---

هوو ممكن يكون بيفصل علشان انت محمل عليه جاااااااامد يعنى هتلقيك معلى الجين بتاع ال2 تشانيل بتوع الصب على الاخر فمحمل عليه جاااااااامد واكيييييد طبعا هو انضف من السيمفونى بكتييييييييييييير

اقتباس:

---

المشاركة الأصلية كتبت بواسطة axel

انا اساسا مكنتش مقتنع بالسيمفوني بس الناس بيقنعوني بيه في كل مكان و يقولولي احسن من الكينوود
بس الفرق بين الكينوود و البايونيير مش كبيير يعني و الفرق لصالح البايو

اومال الجي ام الكينوود 350 و البايو 400 عاملين كام دلوقتي ؟؟

---

السيمفونى مش وحش بس ممينفعش يتقال انه احسن من الماركات زى الكينوود والبايونيير والسونى لاكن هو ارخص وبيديلك باور عااااالى وبيبقى حلو مع الصبات بس لو انت سمعت عده فيها صب على جى ام ماركه هتعررف تفرق وتعرف انى انضف يعنى انا عندى سيمفونى يااكسيل بس بمجرد لما بشغل الكاسيت والسونجايه تشتغل يرزع وحتى لو موطى الصوت وتعلى البيز بيعلى بس خفيف لاكن فى الجى امات الصح البيز بيبقى تدريجى وبيبقى انقى كمان من السيمفونى بكتيييييييييييييير بس زى ماقولتلك اكتر الشباب بتلجاء ليه علشان فى المعقول
بالنسبه بقى للجى ام الكينوود ده هتلقيه عامل 350 جنيه مش اكتر من كده والسمعات البايو معرفش والله بس لو ناوى يبقى فكك من البايو وخليك فى الكينوود ال500 وديه ناااس هنا كانو بيقولو عامله 450 جنيه بس تحفه بجد السماعه ديه

اقتباس:

---

المشاركة الأصلية كتبت بواسطة eldell

السيمفونى مش وحش بس ممينفعش يتقال انه احسن من الماركات زى الكينوود والبايونيير والسونى لاكن هو ارخص وبيديلك باور عااااالى وبيبقى حلو مع الصبات بس لو انت سمعت عده فيها صب على جى ام ماركه هتعررف تفرق وتعرف انى انضف يعنى انا عندى سيمفونى يااكسيل بس بمجرد لما بشغل الكاسيت والسونجايه تشتغل يرزع وحتى لو موطى الصوت وتعلى البيز بيعلى بس خفيف لاكن فى الجى امات الصح البيز بيبقى تدريجى وبيبقى انقى كمان من السيمفونى بكتيييييييييييييير بس زى ماقولتلك اكتر الشباب بتلجاء ليه علشان فى المعقول
بالنسبه بقى للجى ام الكينوود ده هتلقيه عامل 350 جنيه مش اكتر من كده والسمعات البايو معرفش والله بس لو ناوى يبقى فكك من البايو وخليك فى الكينوود ال500 وديه ناااس هنا كانو بيقولو عامله 450 جنيه بس تحفه بجد السماعه ديه

---

مانا سمعت عشان كنت مش مقتنع بيه واحد صاحبي مركب كاسيت بايونيير ع سماعتين كينوود 500 علي بازوكا جي بي ال و الجي ام كينوود 720 مش عايز اقولك انت أكيد عارف
و لما سمعت السيمفوني لقيت ترزيع و خلاص اهو حاجة بتدب و السكة

فكنت بقول لو سماعتين بايوو 400 او كينوود 500
علي جي ام كينوود 350 وات او جي ام بايو 400 وات فبسأل ع سعر الباونيير 400 جي ام مش سماعات يا حج ههههههه
و بخصوص الكينوود لقيت سماعتين كينوود عاملين حوالي 360 بس مش عارف الصناعة ايه عند سبير كار

اقتباس:

---

المشاركة الأصلية كتبت بواسطة axel

مانا سمعت عشان كنت مش مقتنع بيه واحد صاحبي مركب كاسيت بايونيير ع سماعتين كينوود 500 علي بازوكا جي بي ال و الجي ام كينوود 720 مش عايز اقولك انت أكيد عارف
و لما سمعت السيمفوني لقيت ترزيع و خلاص اهو حاجة بتدب و السكة

فكنت بقول لو سماعتين بايوو 400 او كينوود 500
علي جي ام كينوود 350 وات او جي ام بايو 400 وات فبسأل ع سعر الباونيير 400 جي ام مش سماعات يا حج ههههههه
و بخصوص الكينوود لقيت سماعتين كينوود عاملين حوالي 360 بس مش عارف الصناعة ايه عند سبير كار

---

في سماعات كينوود اندونيسي وفي سماعات كينوود صيني ... سعر الاندونيسي اغلى طبعا

اقتباس:

---

المشاركة الأصلية كتبت بواسطة ahmed_mamdouh

في سماعات كينوود اندونيسي وفي سماعات كينوود صيني ... سعر الاندونيسي اغلى طبعا

---

كلام مظبوط يا باشا مانا عايز انزل يوم اشوف اللي عندهم اندونيسي و لا صيني
و البايونيير كل اللي لقيته فيتنامي مش لاقي التايلاندي ابدا و خاصة اني بدون ع 400 وات مش 500

الكينوود الاندونيسي موجودة في التوفيقية ب 340 جنيه

و لو عايز نصيحتي و عن تجربة يبقى هات JBL 300 watt صوتها تحفة بجد و أنقى بكتير من البايونير و مش مكتوم زي الكينوود و قوتها قريبة جداً من البايونير ال 500

شكرا يا باشا ع النصيحةو جي بي ال فعلا حاجة نضيفة لكن الكلام ده لو أصلي انما كل الليموجود هتلاقيه مضروب يوم ما تلاقي حاجة أصلي يا تلاقي في توكيله ياما برة و ده نادرا ما يحدث