ار بى اشيك من برة وجوة ... العربيتين شركه واحده كيا وهيونداى هم شركه وحده . مشكله الريو بصراحه شكلها الامامى مش عاطفى ولا التابلوة من الداخل مش اد كدة ..
ار بى افضل وشيك جدآ من برة وجوة وعربيه حلوة قووى
عرض للطباعة
ار بى اشيك من برة وجوة ... العربيتين شركه واحده كيا وهيونداى هم شركه وحده . مشكله الريو بصراحه شكلها الامامى مش عاطفى ولا التابلوة من الداخل مش اد كدة ..
ار بى افضل وشيك جدآ من برة وجوة وعربيه حلوة قووى
حبيب قلبي الريو ٢٠١٢ واخده جايزتين علي افضل تصميم ؟؟ وال rb ولا جايزه خدتها ،،، دي وجهه نظر معاليك بس معايير جمال التصميم عند الخبراء تختلف اختلاف كلي عن رأي سعادتك .. مش كده ولا إيه !!
انا قصدى الشكل الجديد للاكسنت والريو .. مش موديلات الاكسنت القديمه وتقدر حضرتك تراجع الجوايز دى على موقع كيا نفسه
وهو انا بتكلم على الفيرنا ؟
اتفضل يا فندم
Hyundai Awards & Accolades: IIHS Crash Test Safety Ratings/Top Consumer Picks | Hyundai
ده الموديل القديم ؟
يافندم انا بقارن جمال تصيم السيارتين مش اختبار حوادث انا بقول ان الريو واخده جوايز افضل تصميم علي اساس ان حضرتك بتقول شكلها مش عاطفي ولو اني مش فاهم ايه دخل العاطفه بالشكل ؟؟؟ عنوما الريو شكلها اوروبي وشبيه جدا بالجولف ( الهاتش باك مش الصالون) عكس الاكسنت اللي شكلها تقليدي جدا كفايه الاضاءات بتاعتها نوع led ... وشكرا يافندم
ارخم حاجة فيها انها 1400 و 4 سرعات بس يعني على الطريق السريع هتلاقيى صوتها ععععععععععععععععععع
هي طبعاً مش بتاعة طرق سريعة بس برضه !
كلامك صح وانا كنت حموت واجيب الريو هاتش باك الهاى لاين
لما رحت سالت فى المعرض لقيت الهاى لاين خليجى وانا عاوز وكيل طبعا والوكيل اللى عندنا ناقص : abs ebd airbags المصابيح مش led التكييف مش تاتش دة بجد شبة 128 العدادت مختلفة العربية من جوة مش شبة اللى فى صور موقع كيا بس من برة زيها
فحرام ادفع 115000 فى دة كلة
ولو عاوز الوكيل الهاى لاين استنى 3 شهور ودة مستحيل علشان بالحجز
اما بالنسبة للشكل فهى افضل عربية فى التصميم وشيك جدا جدا وفعلا شبى الجولف ويمكن احلى شوية كمان وطبعا احلى من الاكسنت rb اللى انتشرت بغباء ويعيبها انها النسخة المصغرة من الانترا يعنى اللى عاوز يركب هيونداى يزود شوية فى الفلوس ويركب الالنترا اللى بتبدا من 106000 لحد 165000 جنية
وانا دلوقت فى صراع رهيب ومش عارف اجيب اية
صح
لان العربية 110 حصان وبعدين اللى بيقول علشان هيا 1400 ميتسافرش بيها فاحب اقول ان الالمانى بينزل العربيات 1400 واوعى حد يقول ميتسافرش بيها يعنى الجيتا مثلا تقريبا فيها 1400
بلاش حد شاف سكودا سوبرب الجديدة اهى عربية خيال وسعرها فوق 200000 جنية و 1400 سىسى بس
انا فى الاول كنت بردة بقول كدة على الكيا بس دلوقت انا مقتنع بيها انا بس مشكلتى فى اللى انا قولتة قبل كدة وهى موضوع الخليجى
اية اية دا انتوا هتقارنوا الtsi بموتور الريو العادي
و ايوا موتور 1400 ضعيف هيبقى صوته عالي عن تجربتي لسيراتو 1.6 و سيفيك 1.8 (صوتها عالي عند 160) و شارك 1.5 صوتها عالي جدا عند 120-130
تفتكر الريو 1400 اللي من كيا اللي معروف عنها انها بتوفر في العزل عن هيونداي كمان هيبقى صوتها اقل من كل دول ؟
براحتك بس فيه حاجات مش محتاجة تجربة اساساً و من غير حد ما يقولي ابقى جرب و قول الأول و الجو دا
انا مش بقارنها بموتور جيتا طبعا
بس حابب اقول ان كونها 1400 مش مشكلة واديك قولت ان الانسر والسيراتو والسيفيك صوتهم عالى
وعلى فكرة كيا ريو العزل فها بدرجة كبرة جدا واكبر من العزل فى هيونداى ودة من الناس اللى اشتريتها وكمان من موقع كيا
انا مش بدافع عنها وغالبا انا مش حشتريها وانا قولت لية قبل كدة بس الصراحة هى عاجبانى بحب اوضح الحتة بتاعت 1400 سى سى
الريو فيها عزل صوت مش طبيعي ،، والعربيه معايا ومجربها بنفسي مافيش ال عععععععععع دي خالص وبلاش كلام عالفاضي مجرد انها ١٤٠٠ تبقي كل العبر فيها !!! واللي مش قادر يجيبها مايتكلمش عنها !
هههههههههههههههههههههههه
انتوا بتسخنوا جامد قوى على بعض على الفاضى
اية يعنى مختلفين على عربية !!!! عادى يعنى
باللى بتعملوة دة تبقوا بجد عيال
ياعم واحد بيقولك (عععععععععععع) تفتكر ده متعود يركب عربيات (هههههه) .... بيركب حناطير ومركب لها ماتور وبيحلم يركب عربيه مافيهاش ال عععععععععععععع
سؤال يا جماعة
أنظمة التعليق للrb والريو أيه؟؟؟؟؟؟؟؟
الريو طبعا كفايه انها شبه الاودي
طيب سؤال تاني. اخبار سعر قطع الغيار للريو ايه مقارنة بال rb
اعتقد ان الريو تنفع جوه البلد فقط يعني مش بتاع سفر كتير وتحميل زياده
ده مجرد راي
دي يادوووب تروح من ميدان التحرير لمصر الجديده ،،،، كتر خيرها قوي كده .
سواء حلوة او وحشة
بلاش الشد ده فالكلام
وهي عربية محترمة
والي مجرب العربية ويملكها اولي بيها اظن واولي يتكلم عنها
احنا عاوزين نفيد صاحب الموضوع مش نتعصب بلا داعي
تحياتي
بجد انا بستغرب من الناس اللي مجربتش وبتتكلم كإنها جربت ... ممكن يكون ده رأيك فعلا بس الرأي ده ممكن يخلي صاحب الموضوع ياخد قرار غلط بناء علي رأي سعادتك اللي هو ( مجرد رأي ) ... فإذا كنت مجرب الشئ فأهلا بيك وبرأيك ، اما انك مجربتش وبتحكم علي عربيه ٢٠١٢ انها متتحملش سفر يبقي اكيد حضرتك بتهزر ،وداخل الموضوع ده غلط ، ومش ده الموضوع اللي انت بتدور عليه ،،،، الله يرحم ايام ال١٢٨ والمازدا ٣٢٣ وعموما اذا كنت ناوي تشتري عربيه عشان تسافر بيها دايما يبقي ابعد عنها لأنها متنفعكش خالص وهاتلك ١٢٨ يمكن تستحمل عنها لأنها حماله آسيه . وشكرا جزيلا استاذ احمد علي كلامك لأنه يدل علي انك انسان بجد محترم وفاهم .
ايه يا جماعة اهدوا شويه على ايه كل ده الموضوع مفيهوش اي لزمة لاي حاجة لانه تناول العربية من كل حته فيها واعتقد اللي هيقرا التعليقات اللي فاتت هيقرر هيشتريها او لا انا عن نفسي حاجزها من التوكيل بس انا يستغرب الصراحة في اللي يقول انها مش بتاعة سفر امال بتاعة ايه ؟ هو جربها ؟ هي دي كانت الفكره اللي بيتكلم عنها مش اكتر ولكن اقول له اطمن انا عملت لها تست درايف للعربية وجميلة جدا في السحب والمنعطفات على الطرق ربنا يوفقنا جميعاً ويرزقنا بالحلال ويدينا خيرها ويكفينا شرها
الله ينور عليك
بأذن الله
أنا محتار ما بين الريو والصنى الجديده ومش مستعجل على الشراء
مميزات الريو كتير منها التقفيل الكورى والشكل الشبابى وتوفير الوقود لأنها 1400
مميزات الصنى ...المتوقع رخص قطع الغيار لأنها تجميع مصرى ودا يعطى أنتشار ورخص قطع الغيار مثل الشكل القديم بس بعد فتره
الصنى الجديده 1500 ...109 حصان
وشكرا لكم
بالرغم من ان الصني ١٥٠٠ والريو ١٤٠٠ إلا ان الريو تتميز بنفس قوه الصني مع ميزه توفير البنزين ، وأهم شئ هو ان الصني الخليجي تقفيل هندي للأسف لكن الريو تقفيل كوريا .
مادام مش مستعجل يبقى استنى نزول الصنى واتفرج عليها عالطبيعه
ولو انى شايف انك هاتستنى عالفاضى لان الصنى الجديده دى لا تعليق , روحت اتفرجت عليها وركبتها ( خليجى تقفيل هندى ) , لو ركبت الريو بعدها هاتحس انك راكب اودى :)
فرق كبير لصالح الريو فى الخامات والتقفيل والشكل الداخلى والخارجى طبعا
الموتور لصالح الريو بفرق 9 حصان , العزم متساوى وبيطلع عند نفس الار بى ام
الفتيس الريو ستيبترونيك الصنى عادى
استهلاك البنزين للصنى معرفوش بس الريو فى الظروف المثاليه بتشمى 16.1 كيلو ب 1 لتر ( اوتوماتيك )
المساحه الداخليه متقاربه لكن فى الطول الصنى اكبر وفى العرض الريو اكبر , الشنطه لما شوفتها عالطبيعه الريو اوسع بس بالارقام الصنى اكبر
يا جماعة انا معايا كيا ريو خليجى هاتش باك موديل 2012 العربية ما شاء الله ثابتة سحبها محترم جدا عربية بجد فاخمة جدا وانت راكب الكل بيتفرج على شياكة العربية وللعلم انا سافرت بيها وجبت بيها 160 ومفيش اى صوت والعربية نعمة جدا مفيش هععععع ولا اى حاجة من دى خالص والله انا مش عارف الكلام دة جايبينوا منين واقتصادية فى البنزين والتكييف تحفة والكراسى مريحة جدا جدا ودة كلة غير الامان الى فى العربية abs/ebd والاير باج بصراحة انا احترمت الكورى جدا وللعلم انا كان معايا سيات ابيزا موديل 2000 قبل دى والله ما لحظة فرق فى اى حاجة بالعكس انا مرتاح نفسيا جدا للريو:Bravo: وكلمة اخيرة اختلاف اوجة النظر لا يفسد للود قضية ودة الاختلاف فى الشكل لكن علشان نحكم على المضمون لازم نتكلم بعد تجربة حقيقية مش مجرد احساس شكرا للجميع
شكرا يا شباب على الردود
هو فعلا التصنيع الكورى ...وخاصة شركة كيا فى تطور كبير .........ينافس المركات اليابانيه والأوربيه وبسعر أرخص