اكسنت ايه اللى صاجها اقوى؟
معلش لو هتفكر فى قوه الصاج يبقى متشتريش كورى
عرض للطباعة
اكسنت ايه اللى صاجها اقوى؟
معلش لو هتفكر فى قوه الصاج يبقى متشتريش كورى
الريو والاكسنت نفس الشئ في كل حاجه والشاسيه واحد ونفس الصاج اللهم اختلاف في الكماليات مش اكتر
وبعدين كل السيارات الحديثه صاجها خفيف حتي الامريكي والالماني اللي بيمتازو بالصاج القوي بقي خفيف جدا دلوقتي وتقدر تقارن بالمرسيدس القديم والجديد وشوف الفرق هتلاقيه لصالح القديم ولو هتفكر في الصاج يبقي مش هتركب عربيه فوق موديل ١٩٩٠ .
اكيد طبعا كلة دلوقتى ورق
بس هو انا بس عاوز اعرف الريو عاملة اية من حيث التسارع والسحب والثبات بتاعها علشان عاوز اجيبها ومش عارف عنها حاجة غير فى المواقع
rb احسن فى السرعه والاداء الكماليات هما الاتنين واحد ممكن ريوم تزيد فى حاجه او حاجتين بس ده قدمهم فرق الماتور rb منتشره جامد وليها قطع غيار دلوقتى صينى واصلى بره التوكيل وكل حاجه
يا راجل بذمتك الريو بتزيد حاجه او حاجتين ده كل حاجه في صالح الريو !!!!! طب ده كفايه تابلوه الريو واضاء التابلوه الحمرا اللي زي البي ام مش اضاءه زرقا توجع العين اللي في ال الاكسنت ... وبعدين انت محسسني انك بتقارن الريو ١٤٠٠ cc ب الاكسنت ٣٠٠٠ cc دول هما ٢٠٠ cc لا طلعو ولا نزلو وبعدين هتجري في العربيه فين ده كل مولود بيتولد في مصر بتطلع معاه سياره جديده في الشارع :) وبعدين الريو ٢٠١٢ غير ٢٠١١ تماما ومن ٢٠١٢ الريو هيزداد انتشارها بشكل كبير جدا بعد التعديلات اللي نزلت بيها وماتنساش ان الريو واخده جايزتين كأجمل شكل لكن الاكسنت اخدت ايه ؟؟؟ ولا حاجه لأنها سياره تقليديه زي اي سياره عاديه . وبعدين كفايه انك تركب الريو تلاقي كل الناس بتبص عليك ماشاء الله .
على فكره هيونداى وكيا شركه واحده ولو اخدتك بالك ريو من قدام متاخده من rb نفس شكل الفوانيس ومن ورا سيراتو عمتا انا قولت اقول راى وعلى فكره كل الكيا الاضاءه بتاعتهم حمرا والهيونداى زرقه وديه فى ناس بتحبهم كده او كده هيه زياده حاجه او حاجتين هاتين عربيتين فى مصر نفس الفئه وشوفهم هتلاقى نفس كل حاجه متنساش ان استاذ غبو بيشيل كل حاجه ويسيدى اركب ديه واركب ديه وشوف انهى احسنلك بس عفشه وسرعه واداء وانتشار rb تكسب لحد دلوقتى
طيب انت جربت الريو ؟؟ ماعتقدش ... وبعدين ماهي البورش مش منتشره في مصر زي باقيت السارات معني كده انها فاشله ؟؟ وواضح انك بتعتمد في المقارنه علي التاريخ والتاريخ لوحده مش كفايه ونسيت اهم حاجه ان الكيا الان بجميع موديلاتها حققت مبيعات خياليه ومازالت بتتقدم علي ماركات عالميه ياريت تشوف الكيا الجديده k9 واحكم بعدها .
يا باشا محدش بيشتم في كيا لان كيا اصلا تبع هيونداي , الموضوع ان الاكسنت بتنزل هنا بموتور اقوى , اه 200 سي سي بس بيدوك 14 حصان زيادة , غير ان ايوة البورشة فاشلة في مصر لانك لو جبت بورشه ب 800 الف وجيت تبيعها بعدها بشهرين مش هتجيبلك نص التمن , بنفس المقياس اعادة بيع الاكسنت احسن وقطع الغيار متوفرة في التوكيل وبرة التوكيل باسعار رخيصة