الموضوع: المية بتدخل في الأبواب لما بغسل العربية..ساعدوني

المشاركة الأصلية كتبت بواسطة me_medoo

حبيب قلبي اه ينفع انا بقالي اكتر من 20 سنة باستخدم نفس الطريقة ... بس برسيل وتايد نووووووو اوعه اوعه اوعه .ولا حتى كلور ممنوع .

بس يابريل يا فيري وامسح على طول من غير مية ... ياتروح تجبلك شامبو من هيبر او كارفور مخصوص للعربيات ... بس انا بقول خسارة .

وعلى فكرة التجير بيبقى نتيجة الاملاح الي في المية أو الكلور الي في المية مش من صابون المواعين ومينفعش تغسل عربيتك في الشمس نهائي ولا حتى في النهار ابداً . الغسيل يا على الفجرية او المغربية او بالليل .

بالنسبة للمقابلة إن شاء الله هطرحها قريب بس المشكلة ان في عندنا طلبة جامعة كتير فخايف لا ااثر على موعد امتحانتهم واشغلهم عن مزكرتهم . بس إن شاء الله يمكن الاسبوع الي جي .

بالنسبة لسعر المسطرتين ... مش عارف بصراحة لأن اسعار قطع غيار الانوس دلوقتي يا بلاش انا ايام مكانت معايه كان الفانوس الخلفي ب 750 جنية ... كنت ركبت ايميها طقم شبورة في التوكيل مش فاكر ايميها كان ابو الفتوح ولا ابو غالي ولا ابو جلمبو في ابو رواش كلفني 1050 جنية . كنت شاريها سنة 2004 من توكيل الفرسان او حاجة زي كده في شارع جامعة الدول ب 75000 جنية الكاملة بس كانت عز وعربية لزيزة . لكن دلوقتي أختلفت قطع غيارها عن زمان وبقت يابلاش .

خلاص قشطة انا هجرب الطريقة دي واشوف..

وبالنسبة للشامبو انت معاك حق انا شايف بردو انو خسارة طالما الصابون العادي مبيأثرش على بوية العربية يبقى خلاص ياباشا...هبقى اغسلها بكرى وهحاول مجيبش مية على الابواب عشان مشكلة التعليق دي..وربنا يسهل.

وبعدين من العبيط اللي هيغسل العربية بالكلور هههههههههههههههههه

بصراحة انا دايما بغسل العربية في عز الظهر او على العصرية كده عشان بالليل مبشوفش حاجة انت عارف شوارع زايد ضلمة خالص بالليل.

وفعلا قطع غيار اللانوس دلوقتي بقت رخيصة جدا..ودي أكتر حاجة عاجباني في اللانوس ان قطع غيارها رخيصة جدا واقتصادية..ربنا يخليلنا اللانوس.

المشاركة الأصلية كتبت بواسطة me_medoo

خالد باشا واحمد باشا ...
انا عملت مبادرة اهي يكون لقاء في ستى اكتوبر يا ريت تنورونا ياجماعه وتشرفونا ونتعرف ياغالي .
http://www.nilemotors.net/nile/28658...post3874283827

تعالو بقه نشوف الوقت المناسب ... ويناسبنا كولينا وتحياتي

أوكي ياباشا هقرأ الموضوع أهو.