السلام عليكم
سمعت ان الفيرنا اخر سنه لتجميعها فى مصر 2012 والحمد لله
هل الفيرنا ان شاء الله 2013 هتكون كوري 100%
وهل السعر هيزيد والتصميم الداخلى والخارجي هيختلف
ولا هتبقي زى ما هى ؟
نرجو الافاده :beat5:
وشكرا جزيلا
عرض للطباعة
السلام عليكم
سمعت ان الفيرنا اخر سنه لتجميعها فى مصر 2012 والحمد لله
هل الفيرنا ان شاء الله 2013 هتكون كوري 100%
وهل السعر هيزيد والتصميم الداخلى والخارجي هيختلف
ولا هتبقي زى ما هى ؟
نرجو الافاده :beat5:
وشكرا جزيلا
فيرنا 2013 غالبا اللى هى عندنا فى مصر بيسموها اكسنت rb
يا اما هايقف انتاجها تماما لان مفيش منها كورى فى اى حته
يا اما هايرجع يجيب تانى الهندى اللى كان مسميها فيفا 1500 سى سى
وانا شخصيا ارجح الاقتراح التانى لانه مستحيل يوقف العربيه اللى بتكسبه دهب وكدا اللانوس هاتكتسح اكتر ماهى مكتسحه وهايخسر شريحه سعريه مهمه جدا 60 - 70 الف
افهم من كلام حضرتك ان الموضوع مش موضوع وقف تجميع
ولكن هو اصلا تم وقف تصنيعها اساسا من كوريا
بس يا ترى ايه بديلها ؟
وهل حضرتك اللانوس بعد ما راحت للشيفروليه صناعتها كورى ولا ايه يا ترى ؟
ومدى اختلافها عن الدايو اللانوس القديمه
وما رايكم فى الفيرنا الفيفا الهندي ؟ وال byd الصيني ؟ عملياً ؟
اسف لتعدد الاستفسارات
وشكرا جزيلا
الفيرنا دي الموديل القديم من النيو اكسنت و من بعدها الاكسنت ار بي
و العربية معدتش تنزل في الهند
فكدة بح العربية
http://www.hyundai.com/in/en/Showroom/Flash/index.htm
بالظبط العربيه المفروض وقف انتاجها فى كوريا من 2005 , والمفروض ان البديل بتاعها كان النيو أكسنت , اللى برضه وقف انتاجها ونزل بدالها حاليا ال RB
اللى بيحصل ان بعض الموديلات لما الشركه الأم بتوقف انتاجها فى بعض الدول اللى عندها مصانع بتشترى خطوط الانتاج وتجمعها ودا غالبا بيحصل فى الدول اللى زى حالاتنا عايزين حاجه رخيصه بسعر رخيص عشان تبيع مش مهم اذا كانت قديمه , لكن بره اكيد اللى بيقف بينزل الجديد بتاعه وخلاص مابيشفهوش تانى
اللانوس هى هى كورى تقفيل مصرى بس بقى عليها علامة شيفرولية , ويقال من بعض ملاكها ان لما راحت لمنصور تقفيلها بقى اسوأ من ايام الدايو مع ابو الفتوح والله اعلم
الفيرنا فيفا هى هى الفيرنا اللى عندنا نفس الشاسيه والبودى بس مع اختلاف الموتور والشكل والتقفيل اللى المفروض انه احسن من المصرى , بس مانتشرتش كتير نظرا لوجود الفيرنا ال 1600 المصرى بسعر مقارب وبقالها فتره موجوده وخلاص انتشرت , وكمان الفيفا مكنش فى منها اوتوماتيك
ال byd معظم ملاكها وسواقين التاكسى بيشكروا فيها وبيقولوا انها من افضل الصينى وفيها حاجات زى الموتور والعفشه من ميتسوبيشى وتويوتا بس تصنيع الصين تقفيل مصر