تغيير زيت فتيس جيتا ٢٠٠٨ هاي لاين

**abomazenelgen** · 02-05-2012 11:53 PM

والله أنا قلقان جداً من توكيل أوتو موتيف
أنا عندى جيتا ٢٠٠٨ خليجي هاي لاين
أنا إتصلت النهاردة بخدمة العملاء وطلبت أحجز موعد علشان أغير زيت الفتيس وبلغته ان السيارة عاملة ٨٠ الف كم
رد على الموظف ان الزيت ده long life ومش بيتغير وانما بيتكشف عليهوبيتم تزويده لو محتاج
وقال لى لو عاوز نغير لك مفيش مشاكل بس العربية لازم تبات
مش عارف مش واثق فى كلامه . . خاصة إن مراكز الخدمة زي أوتوماجد وهانى عصمت قالوا لى المفروض يتغير هو وفلتر الزيت
رجاء المساعدة
ياريت حد ينصحنى اعمل ايه . .
بس أرجو إنه يكون متأكد من نصيحته لأن قيمة الفتيس ٦٦٠٠٠جم وعقل الفتيس لوحده حوالى ١٢٠٠٠جم

**eng_mhosam** · 03-05-2012 01:48 AM

هو فين الناس دى أوتوماجد وهانى عصمت ؟؟؟؟

**abomazenelgen** · 03-05-2012 01:53 AM

المشاركة الأصلية كتبت بواسطة eng_mhosam

هو فين الناس دى أوتوماجد وهانى عصمت ؟؟؟؟

ش الاربعين خلف حديقة بدر - جسر السويس

**mina2210** · 03-05-2012 01:22 PM

الزيت لازم يتغير وما بياخدش اكتر من ساعة شغل ولاي استفسار اتصل بي و انا تحت امرك
01288614446

**TOOLA** · 03-05-2012 05:22 PM

اعتقد ان الأضمن يتغير, و تقريبا اخرو هوا ال80000 ك, يعنى ماتصبرش كتير.

**fadynabil** · 06-05-2012 11:43 AM

يا شباب أنا معايا العربيه عامله ٥٧ ألف .. وناس قالتلي ان تغيير زيت الفتيس علي ٦٠ ألف .. وأعتقد ان التوكيل بيعمل كده ..
وسألت أحمد سمير /هاني عصمت ٫٫ واتقالي يتغير علي ٨٠ ألف .. وميكانيكي تاني خوفني وقالي بلاش تغيره أساساً ،وانه مش هيبقى زي الأول ( بس مش مقتنع بالكلام ده )

وأنا بصراحه هتجنن و مش عارف الصح فين !!

**TOOLA** · 06-05-2012 02:54 PM

المتعارف عليه ان لازم يتغير أحسن (و الكلام ده فى مصر نظرا للأجواء الحارة البتأثر على مواصفات الزيت), الأفضل و الاسلم انك تغيرو على 60,000 ك, بعد الناس و من ضمنهم هانى عصمت بيقول 80000, بس أعتقد ريح دماغك عشان تبقى مرتاح و غيرو على 60000 ك,

**waelw** · 14-05-2012 11:32 PM

يا ريت تقولنا عملت ايه فى التوكيل ؟؟

**eng_mhosam** · 19-05-2012 11:29 PM

حد اتعامل مع مركز اسمه cabrowny فى المعادى

**MohamedT** · 26-05-2012 01:57 PM

والله يا شباب موضوع تغير زيت الفتيس دة فعلا محير وخطير جدا انا معى باسات 1600 اف سىى عامله 84 الف كيلومتر والتوكيل بتاع اتوموتيف قالى نفس الكلام الزيت مش بيتغير وعمرة من عمر الفتيس بس التجربه العمليه لاغلب الناس اللى معاها العربيه بتقول ان المشكل بتحصل فعلا عند 120 الف كيلومتر فمن باب اولى الزيت يتغير عند 80 الف ذى ما المهندس هانى بتاع ش الاربعين بيوصى ولو حد سالنى عن راى الشخصى يبقى لازم نبعد للشركه المصنعه فى المانيا وهى تقولنا بظبط المفروض نعمل اة