اصعب المقارنات لـ3 عربيات فى فئة واحدة (الناس الخبرة تشارك)

السلام عليكم

يا جماعة انا محتار جدا بين 3 عربيات متشابهة لدرجة كبيرة وانا عايز اعرف احسن واحدة فيهم علشان انا المفروض اشترى الاسبوع دة وهما : kia rio 2012 hb high line او accent rb high line او gen 2 A/M full options
و بجد اول مرة اعرف ان التردد فى الاختيار دة صعب جدا خصوصا لما بتكون بتشترى عربية زيرو..
المهم ان اكتر واحدة عجبانى فيهم الكيا ريو هاتشباك هاى لاين بس الناس مخوفانى من السحب بتاعها علشان 1400cc وكمان الاوتوماتك فيها 4 سرعات بس على الرغم من كدة العربية 110 حصان زى عربيات كتير 1600

وطبعا علشان العربية لسة جديدة لسة معرفش حد من اصحابى جابها علشان اجربها و عاوز اعرف موضوع السحب دة من حد يكون جربها...
انتو اية رايكم ؟؟؟؟؟!!!!

أنا بحب gen2 جدااااااااا بس للاسف ولا توكيل ولا قطع غيااااااااار ..

خليك في اكسنت احسن ..

لو بره دووووووول احسن اختيار نيسان تيدا ..

لو دول يبقى اكسنت وشوف تيدا هاتش باك

لية اكسنت احسن ؟؟

لو ليك مزاج تركب وتستحمل ثمن ركوب حاجة بتحبها يبقي الجين2 افضلهم
ولو عاوز تبقي زي باقي الناس ومتخسرش كتير والتوكيل مقرف بردوا لكن بنسب يبقي الاكسنت
لو عاوز اداء وسط يبقي الكيا ونستبعد الاختيار ده....
مجرد راي شخصي

سهولة صيانتها وانتشار قطع الغيار واعادة بيع وتكنولوجيا جديدة من اراء ملاكها

اقتباس:

---

المشاركة الأصلية كتبت بواسطة mohamed5800

سهولة صيانتها وانتشار قطع الغيار واعادة بيع وتكنولوجيا جديدة من اراء ملاكها

---

كلامك صح بس غريبة انك معاك جين 2 وبتشكر فى الاكسنت

انا كانت معايا وبيعتها بعد لما شوفت الويل من قطع الغيار ومش اى ميكانيكى يشتغل فيها

اكسنت هايلاين , اوبشن كويس وقطع غيار متوفرة وسهلة واعادة بيع سهلة وفيها ايرباج و abs

يا ترى يا خبراء المنتدى الكبار

تقولولى اسعار كل سيارة منهم كام

كيا ريو a/t f/o h/b 11500
جين 2 f/o a/t 93000
اكسنت f/o a/t s/r 119000

اقتباس:

---

المشاركة الأصلية كتبت بواسطة mohamed5800

كيا ريو a/t f/o h/b 11500
جين 2 f/o a/t 93000
اكسنت f/o a/t s/r 119000

---

على فكرة ريو هاى لاين بـ 125000

يا ريت الناس اللى بتصوت تكتب السبب

على فكرة اللى ب115000 من غير فتحة سقف انما اللى ب125000 فيها فتحة سقف

اقتباس:

---

المشاركة الأصلية كتبت بواسطة mohamed5800

على فكرة اللى ب115000 من غير فتحة سقف انما اللى ب125000 فيها فتحة سقف

---

صح كدة
الـ125000 فيها فتحة سقف وabs و ebd

فين باقى الردود

اكسنت

الريو شكلها جاحد شبه الاودي و كمان مش منتشره يعني صباح التميز يا عم

اقتباس:

---

المشاركة الأصلية كتبت بواسطة screenplays

الريو شكلها جاحد شبه الاودي و كمان مش منتشره يعني صباح التميز يا عم

---

شكل جامد بس اللة اعلم عن الباقى وان كان ميوة فيها عدم الانتشار الا انى مش لاقى حد اعرفة جابها عشان اجربها قبل ما اشتريها

علي فكرة توكيل عز العرب مش بالسوء اللي الناس متخيلاه ده

جين 2 أفضل، مع الأخذ في الاعتبار أسعار قطع الغيار المرتفعة

معلش الآفضل أطلع برة الآختيارات دية خالص لآن أسعارهم وصلت لليابانى ..

عندك نيسان صنى سوبر صالون فيها كل الآمكانيات ويابانى ومنتشرة وتوكيل محترم جدا ..وبسعر أقل بكتير

عندك نيسان تيدا فول أوبشنز فيها كل الآمكانيات ويابانى وتوكيل محترم جدا .. وهى نفس السعر

والله الموفق والمستعان

الجين 2 ممتازة شكلها رائع و ثبات رائع بس يعيبها ان انها من جوة بلاستك ردئ و هى اكيد احسن من الباقى لو هتقدر تصرف عليها ويا ريت مانيوال

الكيا ريو هاتشباك افضل

الريو شكل جديد و وكيل افضل و واخدة 5 نجوم فى اختبار التصادم euro ncap و القوة قريبة من الاكسنت

الجين 2 عربية حلوة اوووى بس قطع غيارها ناااااااااااااااااار والتوكيل بتاعها عز العرب وما ادراك ما عز العرب

طيب من حيث اعادة البيع مين أفضل الريو واللا التيدا؟
والا مش فارقة؟

الاكسنت
اكثر انتشار
قطع غيار متوفره
صيانه سهله داخل التوكيل وخارجه
افضل سعر اعاده بيع
لا تنس الاستخاره

فعلا التيدا افضل منهم كلهم ......... و بعدها الريو

اقتباس:

---

المشاركة الأصلية كتبت بواسطة ahmazong

أنا بحب gen2 جدااااااااا بس للاسف ولا توكيل ولا قطع غيااااااااار ..

خليك في اكسنت احسن ..

لو بره دووووووول احسن اختيار نيسان تيدا ..

---

+11111111111111111111

من الثلاثة دول افضل لك
اكسنت ار بي

هو لية التصويت غير الردود

فكر في نيسان صني الشكل الجديد ..

اقتباس:

---

المشاركة الأصلية كتبت بواسطة mohamed5800

انا كانت معايا وبيعتها بعد لما شوفت الويل من قطع الغيار ومش اى ميكانيكى يشتغل فيها

---

انا معاك ان عز العرب عنده مشكلة قطع غيار

بس قطع الغيار متوفرة بره التوكيل و فيه قطع غيار لانسر بتركب على الجين 2.

ميكانيكا اللانسر قريبة من الجين 2 يعنى لو ميكانيكى لانسر شاطر ممكن يشتغل فى الجين 2

اعتبر نفسك اشتريت عربية خليجى فى مقابل فرق السعر الكبير الى اقل ب 25 الف من الريو و الاكسنت مع ثبات افضل و صاج امتن بمراحل