فرصة لصقور نيسان .. كفر اشارات مرايات صنى وتيدا باسعار تحطيمية

تم الاتصال بى من احد مستوردين اكسسورات نيسان فى مصر
وبلغنى ان فى كفرات اشارات للصنى وللتيدا

سعر كفر الاشارة للصنى ب300 جنيه
وفيه منها معاه 15 قطعة فقط

وسعر كفر الاشارات للتيدا ب350 جنيه
ومعاه حوالى 5 قطع فقط

نوع الكفرات تايوانى .. وبالفيش بتعتهم
وسهل تركيبهم جداا فى اى حد للاكسسورات السيارات
عند اى محل لتركيب انذارات وكاسيت سيارات

والكفرات ناقصها الرش فقط
ورشها مش حيتكفل حوالى 50 جنيه

مع العلم ان كفرات الاشارات بتتركب فى التوكيل ب1000 جنيه
وبصراحة بتخلى شكل العربية تحفة وتعطي برستيج جامد

لو حد عايز يبلغنى فى اقرب فرصة عشان نلحق ناخد منه الكمية المطلوبة
على الاقل للصنى 10 افراد حتى لو مش اخدنا 15 قطعة
عشان مش معقول اروح اقوله عايز كفر واحد او اتنين بس

تحياتى للجميع

ممكن صور ليها أو link

يا سلام يا ابوحميد يا جامد علي العروض الشديدة ديه .. انت عارف لو مراياتي مش ضم و كمان باشارات .. انا كنت هشتري طقم وش
علي فكرة يا جماعة الاسعار و العرض حلو جدا لأن فعلا في التوكيل بيكون السعر باضعاف السعر ده
شكرا يا جميل علي العرض الجامد ده

معنديش صورة ليها كان عندى قبل كدا ومصورها من عربية صنى بس مش عارف ايدى حطاها فين
فى عضو زميل لينا اسمه محمد فوزى ممكن يصورها من عربيتى
واللى عنده فى عربيته من الاعضاء ممكن يصورها ..لان هى هى اللى فى الوكيل بالظبط
ولو عرفت اجيب منه صورة .. واعتقد حيكون صعب ححطتها
وعلى فكرة يا بيشوى .. عشان بس نقول الصراحة
مش كل الحاجة فى التوكيل بيخدوا عليها اضعاف المكسب
فى حاجات بيكون مكسبها معقول .. وفى حاجات معاك مكسبها اضعاف .. خصوصا لو مش منتشرة بره فى السوق

وحديك مثل لحاجة موجودة فى الوكيل

زينون اسورم بالتركيب والضريبة بيوصل سعره الى 1600 على ما اعتقد

وهو بيبتاع بره تقريبا ب1300
وحتى لو بيتباع ب1000 هو بيكسب فيه حوالى 500 جنيه
احسبهم بقا حتلاقيهم تمن التركيب والضمان .. وكمان ضمان على اى قطعة اخرى ممكن ياثر عليها الزينون .. مثل الضفيرة

ولكن فى اشياء اخرى .. بيكون الاسعار فيها مبالغ فيه

وعشان كدا انا بقول ان كفرات الاشارات دى فرصة ذهبية
وسعرها فى الجون

واللى عايز يقول ونلحق قبل ما الراجل يتصرف فيهم

تحياتى

طب هي لونها إيه اساسااااااا ؟؟

معاك واحد تيدا يابو حميد لو سمحت

تقريبا حتطلع زى دى كده - للصنى

[sor2]http://up13.up-images.com/up/viewimages/8a4cc65485.jpg[/sor2]
[sor2]http://up13.up-images.com/up/viewimages/92e9c33fd1.jpg[/sor2]
[sor2]http://up13.up-images.com/up/viewimages/f80676ce48.jpg[/sor2]

أنا كنت عامل تقرير و مصورهم فية هما و كماليت تانيه كتير و اللينك أهو للي عايز يشوف الصور
http://www.nilemotors.net/Nile/274509-a-4.html
و هيا فعلا أرخص من التوكيل بكتير و تسلم إيدك يا أبو حميد على العرض الحلو ده.

ياريت يا أبوحميد تحاول تعرفلنا هيه أى شكل ف الأتنين اللى انا حاططها فوق ولا دى , مع العلم ان الشكل ده هوه اللى بيركب ف التوكيل

[sor2]http://up13.up-images.com/up/viewimages/bb762120d3.jpg[/sor2]

شكلها شكل اللى فى الصورة الاخيرة .. لان دى اللى بيستوردوها فى التوكيل وبتتباع ب1000
وسعر الجوز 300 جنيه .. ومحتاجة رش زى ما وضحت فى اول الموضوع

تسلم يا مشرفنا على المجهود والتظبيط الجامد ده للصقور

ممكن تحجزلي كفرين لعربية صني لو سمحت

العفو يا فندم
تحت امرك
الحاجة زى ما قولت مش حتفضل منتظرة .. دى كانت فرصة .. ولما كلمنى المستورد .. وقالى على الكمية اللى فاضلة عنده .. قولتله احجزهم لغاية ما اشوف الناس عايزة ولالا
لان ده مش محل

ده مستورد وحيتصرف فيهم لو فضلوا عنده كتير

وسعر الجوز زى ما قولت ب300 جنيه .. ومحتاجين رش وتركيب فى حدود من من 70 الى 100 جنيه

على فكرة لو اتعاملنا مع المستورد ده حيدينا كل حاجة .. سواء وحدات رفع او سنسور او حاجات كتير لنيسان
وراجل موثوق فيه جدا .. وزى ما قولت ده مش محل اكسسورات

تحياتى للجميع

وان شاء الله تستفادوا من العرض

والعرض ده لغاية نص الشهر لو مجاش رد وعدد من الاعضاء .. حيعتبر منتهى ..
لان مينفعش اخليه يحجز الحاجة اكتر من كدا

تحياتى

لو لسا فية انا عاوز تيدا

لو العرض مازال قائم أنا محتاج طقم واحد
وجزاك الله خيرا

للاسف العرض اتلغى .. لعدم الجدية