محتاج مساعدة الأعضاء الكرام

**د.اشرف هنداوى** · 03-05-2012 03:45 AM

ربنا كرمني بقرشين و ناوى اجيب عربية زيرو ان شاء الله تعالي

والمقارنة بين الجين و الصني اوتو

الفرق مش كبير بين امكانياتهم لكن الجين شكلها خرافي طبعا

محتاج اعرف بكل صراحة :

_ هل قطع الغيار غير متوفره يعني لو فانوس اتكسر او محتاج اغير ماكينة زجاج او غيره حادوخ علي التوكيل لغاية ما الاقي المطلوب ؟

و هل قطع الغيار دي موجوده خارج التوكيل ينفع اشتريها و اركبها في التوكيل ؟

- هل التوكيل لسة سيء و هيقرفني في عدم الحرفية و ادوخ علشان اصلح حاجه في العربية؟
ل
لأن هما دول اكتر حاجتين مخوفني منها لأني مش بتاع بهدلة و تنطيط علي التوكيل كل شوية بسبب السكن (كفر الشيخ) اولا و ضيق الوقت ثانيا و قلة الصبر ثالثا

هه هتطمنوني ادوس خاصة ان الصني فيه شكل جديد حينزل بعد كام شهر و انا عايز اشتري علي طول

و لا مشاكل التوكيل و قطع الغيار تخلي الواحد يطهق و يشوف حاجة تانية

و شكرا لردودكم مقدما

**eng.m7md.ali** · 03-05-2012 04:34 AM

المشاركة الأصلية كتبت بواسطة د.اشرف هنداوى

ربنا كرمني بقرشين و ناوى اجيب عربية زيرو ان شاء الله تعالي

والمقارنة بين الجين و الصني اوتو

الفرق مش كبير بين امكانياتهم لكن الجين شكلها خرافي طبعا

محتاج اعرف بكل صراحة :

_ هل قطع الغيار غير متوفره يعني لو فانوس اتكسر او محتاج اغير ماكينة زجاج او غيره حادوخ علي التوكيل لغاية ما الاقي المطلوب ؟

و هل قطع الغيار دي موجوده خارج التوكيل ينفع اشتريها و اركبها في التوكيل ؟

- هل التوكيل لسة سيء و هيقرفني في عدم الحرفية و ادوخ علشان اصلح حاجه في العربية؟
ل
لأن هما دول اكتر حاجتين مخوفني منها لأني مش بتاع بهدلة و تنطيط علي التوكيل كل شوية بسبب السكن (كفر الشيخ) اولا و ضيق الوقت ثانيا و قلة الصبر ثالثا

هه هتطمنوني ادوس خاصة ان الصني فيه شكل جديد حينزل بعد كام شهر و انا عايز اشتري علي طول

و لا مشاكل التوكيل و قطع الغيار تخلي الواحد يطهق و يشوف حاجة تانية

و شكرا لردودكم مقدما

عشان ابقى صريح معاك .. التوكيل زفت الزفت وكل مااروح لازم اتخانق مع مهندس شكل بسبب غبائهم

قطع الغيار بردو هتلاقي اللي موجود واللي مش موجود بمعنى اني مستني فرش السقف من اكتر من 3 شهور ونص ومستني مقص امامي يمين من اكتر من شهر ولسة مفيش حاجة جات
بس طبعا القطع دي موجودة برة عادي وباسعار اقل من التوكيل بس انا بتكلم عن الحاجة اللي بتتغير في الضمان زي حالاتي كدة
بالنسبة للصني الجديدة معتقدش ان سعرها هيبقى زي سعر اللي موجودة واعتقد هتبقى اغلى عشان نازلة بكماليات اكتر تقريبا زي فتحة سقف مثلا

**yousefsemsem** · 03-05-2012 12:03 PM

استخير الله وتوكل عليه بس بالرغم اني من ملاك بروتون وعاوز اجيب جين تو بس انت هتجيب زيرو والاتنين في نفس فئه السعر لكن ده راي ان النيسان طبعا افضل عربيه فيها الامكانيات اللي انت عاوزها ومريحه وواسعه وشكلها تحفه انا من عشاقها

**saint2011** · 03-05-2012 01:51 PM

النيسان عربية كويسة وأعتمادية لكن عيبها شكلها قديم جدا والكنبة الخلفيه ضيقة لكن مافيش مشكلة فى مراكز الخدمة المتعددة او قطع الغيار والشكل الجديد هينزل شهر 6 بس سمعت ان سعر الأتو هيبتدى من 105000 جنية وده سعر كتير بصراحة على عربيه بتتجمع فى مصر بجاتب الموتور هيكون 1500cc و 99 حصان وذلك للمعرفه والقرار لحضرتك ولازم حضرتك تعرف ان الجين2 لها عشاقها رغم معرفتهم بالمشاكل المحيطة بها والله الموفق