الموضوع: ايه رايك في الغاء الدعم عن البنزين

المشاركة الأصلية كتبت بواسطة deshahcoka

احمدك يا رب انوا لسه في ناس بتفهم يا باشا قول للبشر الي بتفتي ديه من غير حاجة ! هيغلوا البانزين و انتوا فاكرين الاجرة حتفضل جنيه وربع ؟! فوقواا يا بشررررررررررررر

و بعدين دعم بانزين ايه ! شوفوا الفلوس التانية بتروح فين ارحمونااااااااااااااا

تيتتتتتتتتتتتتتتتتت !!!!!!

ده قرارا من ناس حقدة و منفسنة و مليانة حقد و غل على البشر قالك الناس بتركب عربيات حتى بالجمارك يبقى نعمل ايه نخليهم يدفعوا بانزين اضعاف اضعاف كمان ! تيتتتتتتتت يعني انتوا بتفكروا ازاي يعني العيش المدعم ابو 10 قروش ده الي مبيأكلش الحيوانات و مدعم و بتاع و بيتسرق و النصب و بتاع متشوفوا مشاكل البلد و بعدين تشوفوا بانزين !

شعب حاققققققققققققققد و حيفضل حاقد و ناقص ! الي عمل القرارا ده اكيد كان فلاح عايش ورا الجاموسة و لما بقى وزير قرر يعمل كدة !

بذمتكم ده موجود في اي دول في العاللللللللللللللم هوا احنا نتقدم ولا بنتأخر !

التكنولوجيا بترخص مش بتغلى ... الموبايلات النت مفروض الدقيقة ترخص ده يعني البلد بتمشي لقدام لكن احتكار البانزين يبقى تيتتتتتتتتتتت يعني ....

و مين قال انوا مش حيبقى في سوق سودا و نصب و احتيال و سرقة و حسبنة و محسوبية .... صاحب فلان بيه ياخد 200 لتر زيادة علاوة و يبيعهم او يحطهم للهمر بتاعته و 200 تانينه لعربية المدام و 200 هديمة من فلان بيه للواد توتو الي راكب الحتة البي ام ....

منكم لله ... حسيبى الله و نعم الوكيل ...

بجد معلش انا دمي اتحرق من ساعت ما شفت الخبر ده بس مكنتش مصدق قلت اشاعات لاكن لما ينزل رسمي كدة حولع في نفسي احسن ! :( ياريت محدش يفهمني صح ولا ياخد الكلام شخصي انا بتكلم من الوافع الي احنا عايشين فيه ...

و تحياتي

اهدا يا عم شوية دا انتا فى الطلعة دى استهلكت يجى عشرين لتر ومش من المدعوم :b4_048:

انا موافق بشرط انهم يشيلوا الجمارك من علي السيارات تماما والا كده تبقي سرقه ونصب رسمي .المفروض يتم تفعيل الدور الرقابي اكتر من كده مش يقولو سوق سوده والكلام ده دي غلطة الحكومة مش غلطتي ان الحكومه مبتعرفش تراقب وبعدين ممكن نفكر في الطاقة البديله للسيارات من دلوقتي بدل اما البنزين عمالين نقول دعم ومش دعم .زي الطاقة الشمسية مثلا او غيرها.بس المشكلة ان احنا معندناش ناس بتشتغل هنا او بتفكر وطول عمرنا هنفضل دول متخلفة

المشاركة الأصلية كتبت بواسطة axel

ده أقل واجب و عربيات فوق 100 الف كمان يتشال من عليهم الدعم
الشئ اللي غريب فعلا لما الاقي شخص جايب عربية بأكتر من 100 الف و يجي يقولك الدعم هيتشال و اعمل ايه يعني يا اخي ربنا اداك و جبت عربية ما شاء الله كبيرة و اوبشن و اخر دلع و غيرك اساسا بيتمني يجيب عربية بــ10 الاف جنيه حتي و جي انت بتكلم في الدعم اومال اللي معاه عربية صغيرة ع اده يعمل ايه ؟؟ فعلا شئ غريب

معلش يا باشا انتا حسستني بالطبقية الي بجد كرهتني في نفسي ... معلش العربية ام ميه الف الي حضرتك بتتكلم عليها تمنها بره 40 الف جنيه يعني البلد سارقة 60 الف جنيه ... و بعدين نيجي للاربعين دول الدولار ب 6 جنيه يعني جنيه مصري رايح في ستين داهية ... عربية ايه الي بتتكلم عليها .. احنا راكبين احقر عربيات في العالم الي الزبال هناك بيركبها ...

حضرتط العربية ام 10 الف جنيه ديه مش عربية ... معلش يعني صيانتها بتبقى اغلى منها .. عشان ترشها بنص سعرها ... و مفيش بلد في العالم زينا عندها عربيات متهالكة و مفيهاش امان ...

باشا لو بره الشاسية في ميلي او نقرة فرق العربية توتل لوس ... مش هنا تلاقي العجلتين الي وارا فارقين نص متر عن الي فقدام ....

ارحمونااااااااااااااااااا ا و العربية الي بتتكلم عليها ديه ب 100 الف ... الواحد بيدفعلها اقساط كل شهر يعتبر المرتب كله عشان يعرف يوصل العيال و المدام الشغل عشان نأكل عيالنا حلال مش بنسرق و نركبا عربيات بملاين و حسابات ب ملاليارات و بنصيف كل اسبوع في شاليه على البحر ...

يعم شوف الدعم على ام العيش و التمونين النصب الي بيتباع سوق سودا و ام الضريبة بتاعت الموبايل الي تعمل قد كدة ووووووووووووووووووووووووو وووووووووووووووووووو

البلد ديه في فلوس بالعبيييييييييييييييييط ! اثار و فلوس بالعبيط ... و جين على كام مليون بتوع الغلابة الي ممشين البلد ...

متتعبوش نفسيكم عموما .. صوتنا مش حويصل ولا حيوصل .. هيا البلد ديه خلاص رايحة لكارثة و ياريت القيامة تقوم عشان ربنا يرحمنا .. غير كدة يبقى ربنا غضبان علينا ..

المشاركة الأصلية كتبت بواسطة aboomar22

اهدا يا عم شوية دا انتا فى الطلعة دى استهلكت يجى عشرين لتر ومش من المدعوم :b4_048:

هههههههههههه ربنا يخليك يا باشا ! :) اصلوا انا عمال اسمع كلام من الجران و الزمايل و الشارع و بجد جالي العصبي ! الناس بتشد في شعرها :) و خلوني انا اشد في شعري كمان :) لو تقعد تحسبها على معدل استهلاك صدقني حتشد في شعرك كمان :]

انا نفسى افهم بس يشيلو الدعم باماره ايه؟؟؟!!!!!!!
خلاص الشعب اتنغنغ ومبقاش محتاج للدعم
وبعدين شيل الدعم ده بقى هو اللى هايوفر فلوس للبلد

مايروحوا يشوفوا الفلوس اللى بتتنهب مننا الاول وبعدين نشيل الدعم
يروحوا يشوفو الدهب اللى داخل خارج من غير لا رقيب ولا حسيب

وبعدين لو بيدورا على التوفير والدعم بقى
يبقى الحكومه اول واحده تعمل مش يبقوى الوزراء اللى راكبينلى مرسيدس وبى ام عربيات بتحرق بنزين بالعبيط
بدل ما يلغوا الدعم يعملوا زى بقيت الدول كده ويصنعوا عربيه الاول
بدل ما هايبقى لا عربيات ولا بنزين كمان
ده ايه القرف ده (وزاره فاشله فاشله فاشله)مابيعرفوش ياخدو فلوس غير من الغلابا
انما المستثمرين اللى هربوا واللى لسه بيسرقوا
عااااااااااادى
يلغوا دعم الكهرباء من على المصانع الكبرى !!!!!
يعنى تبقى الحكومه بتصرف عليه وموفراله كهرباء رخيصه يقوم يصدر بره ويغللى السعر هنا

المفروض الحكومه وظيفتاه انها تريح الناس وتوفرلهم حياه كريمه
مش يفكروا يمصوا دم الشعب ازاى
انا عندى سؤال طب دلوقتى اللانشات والمراكب الخاصه مايلغوا من عليها الدعم اولى
مايبقاش الباشا عندوا يخت فى مارينا علشان يتفسح هو المدكتاكيت الصغيير ين وكمان اديلو الوقود ببلاش

انا بقيت اتنرفز لما اشوف وش اى وزير منهم على التلفزيون

يارب ارحمنا من الاشكال دى بقى
مفيش حد كده نلاقيه بيفهم وقلبه على الناس