وبعدين غاز ايه ! هو انا اجيب عربية ب 100 الف عشان احطلها غاز اللي مفيش اي دولة محترمة في العالم بتشتغل بيه , احنا بنتقدم ولا بنتأخر !
عرض للطباعة
وبعدين غاز ايه ! هو انا اجيب عربية ب 100 الف عشان احطلها غاز اللي مفيش اي دولة محترمة في العالم بتشتغل بيه , احنا بنتقدم ولا بنتأخر !
+1111111
35 الف دولار تشتري لانسر ايفوليوشن او نيسان 370z
يعني من غير جمارك والبنزين بيتباع بسعره الطبيعي من غير دعم يعني مدفعتش ملليم للحكومة غير ضرايب عادية ومع ذلك تلاقي عائد للفلوس شوارع نضيفة وتأمين وتنظيم مرور......
هنا الحكومة بتاخد اضعاف اضعاف ارباح الشركة المصنعة للعربية أصلاً من غير ما يصنعو فيها مسمار وضرايب السنين ومفيش طرق ولا تأمين ولا مرور وكمان عايزين يلغو الدعم عالبنزين...
دا ايه البجاجة دي!
+1111111111111111111111 لسنة قدام
ثم الناس اللي بتطالب برفع الدعم عن ال 95
معلش مين اللي اداكم الحق بكده
هو مستخدمين ال95 مش مواطنين مصريين برضه و لا دول ولاد البطة السودة
طالما في دعم للبنزين يبقي الدعم للكل
بنسب مختلفه ماشي لكن المبدا يسري علي الكل
و برضه محدش ليه دعوة انا اركب ايه و ما اركبش ايه
اركب عربيه ب 100 الف او ب مليون ده شيئ يعود ليا
ثم انا دافع ضرايب و جمارك سواء علي العربيه ام 100 او ام مليون
عشان ينفع نشيل الدعم عن البنزين لابد من اننا نشيل الجمارك على كافة السلع اللي خلقها ربنا. غير كدا نبقى بنقول اي كلام وخلاص ويبقى اللي ماسكين البلد مش عايزينها تهدى.
اللى شفته فى التلفزيون انه هيصرف كوبونات ب 2500 ج فى السنة وانت تشترى بيها بنزين 80 او 95 براحتك ولما تخلص تشترى بدون دعم بس انا شايفا الرقم ده ظلم لأن لما اكون ساكنة فى بلد صغيرة زى المنصورة ماشى انما الى ساكن فى البلاد الكبيرة وبيروح مسافة قد كده لشغله يوميا مش هيكفوا معاه حاجة
ومش هيقدر يشترى من اللى فايض معاه اصلا لأنها مش كوبونات هى بطاقة ذكية يعنى لأستعمالك انت بس
وهى يعنى الفلوس دى هيصلحوا بيها الطرق المفشفشة مثلا ولا صحيح هينزلوا اسعار العربيات
انا رأيى يستفتوا الناس على الفكرة وعلى الكمية لأن شكلهم ناوينها بجد
وبعدين 95 مش للعربيات اللى بملايين بس اى عربية اوربية بتاخد 95 ودى مش رفاهية لما يجيب حاجة عدلة بالقسط ويدفع دم قلبه وكفاية انها بتتكسر من الشوارع الذفت ولا بيحموها من سرقة ولا بيخفضوا جماركها ولا اى حاجة
ومحدش يعنى بيطلع مظاهرات ليه عشان الكلام ده ولا عشان قانون الأيجار المؤقت المجحف
لأ وسمعة انهم كمان ناويين ينزلوا قانون بان من حق المالك للعقود الدايمة يطردك
يعنى هنبات فى الشارع ومش هنعرف نركب عربياتنا وعمار يا مصر
ويقوللك اصل انا مش عايز ادعم اللى بيعملوا سفارى والعربيات ال 8 سلندر طب ما تحدد رقم معقول ابحاث ايه اللى بتقول 2500 دى
اذا كان انا المسافة بين بيتى وشغلى صغيرة وبدفع 150 ج فى المتوسط فى الشهر ومبخرجش كتير امال اللى فالقاهرة بقى يكفيهم كام
قال دراسات قال
وبعدين ما انتو مبتحلوش كمان مشكلة الزحام الفظيع اللى بياكل بنزين حلوها الأول ووفروا كمان مواصلات ينفع يركبها بنى ادمين زى ما تركيا عملت والناس هتسيب عربياتها اساسا وتروح الشغل بمواصلات
واللى عنده عربيتين ، هياخد كوبونين
واللا هيضطر يغير ملكية العربية التانية باسم حد تانى بقى.