انتي و النكت سكر
عرض للطباعة
انتي و النكت سكر
والله ياجماعة اخجلتم تواضعنا
انا كنت حاسة انها مش قد كدة لكن طالما النوعية دى بتعجبكو يبقى ازود حبة كمان
وبعدين المفروض نضحك ونفرفش بدل مانطق نموت من احوال الشارع المصرى سواء فى الشارع فعلا والا هنا فى المنتدى
تسلم ايدك يا دولي :d
ربنا يكرمك يا رب
بما ان الموضوع عن النكت و هنا فى نيل موتورز خدو دى
كان فى واحد معاه عربية 126 (مع كامل احترامى لمالكيها) حب يسافر بيها اسكندرية
بعد 30 كيلو عطلت منو ........ يهديكى يرضيكى موش راضيه تدور
ساعتين يشاور لأى عربية تقف ليه ولا اى حد معبروا
بعد كدة وقفلوا شب اسموا حمادة معاه bmw قالو خير يا حاج قالو عطلت منى وموش راضية تدور
قالو حمادة خلاص يا حج انا هقطرك لحد الرست وهناك تشوف حد يعملهالك
قام الرجل قالو تبقى عملت فيا جميلة بس بوص يابنى بلاش تزود عن 80 علشان موش تهدى مرة واحدة و البس فيك
قالو حمادة خلاص يا حج لو زودت عن 80 قلبلى نور
و قطروا و ماشين 70ّّ- 80 و صاحب ال 126 مبسوط اوى
مرة واحدة جه توتو صاحب حمادة بالمرسيدس بتاعتو وهدى جمبه وقالو ايه يا حمادة موش عارف تجرى ولا الحديدة اللى تحت رجلك موش مساعداك وراح قرص على 140
طبعا حمادة دموا فار راح دايس بنزين لحد 150 و نسى صاحبنا بتاع ال126
صاحبنا فى ال 126 قاعد يدى قلاب نور و كلاكسات بكل عزمه و حماده ولا معبرو
عدو التلاته على رادار
ظابط الردار بيكلم ظابط الكمين فى اللاسلكى بيقلو
هتلاقى مرسيدس بتجرى 140 سيبها
و bmw فاتحة 150 سيبها
وامسكلى ابن الكلب بتاع 126 اللى بيقلبلهوم نور علشان يطلع منهم
بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!
مسطول قاعد يقرا اسماء الأموات فى صفحة الوفيات ويقول : يارب يارب مايكون اسمى فيهم
مسطول بيقول لصاحبه نتقابل الجمعة ان عشنا وكان لنا عمر قال له ولو ماعشناش قال له يبقى نتقابل السبت
اتنين مساطيل اتخانقوا الحشيش يخلى الواحد يشوف التانى اتنين ولا تلاتة راحوا للمعلم يسالوة قالهم دة حسب الصنف وانتوا بأة جايين انتوا السبعة تسالونى
بمناسبة السجاير
جابو رئيس شركة مارلبورو ورئيس شركة كليوباترا و سائلو كل واحد
سائلو بتاع مارلبورو و قالولو قولنا بصراحة كدة السيجارة بتاعتك كام % تبغ و كام % خشب
رد قالهم بصراحة كدة 90% تبغ و 10% خشب
و سئلو بتاع كليوباتر
و انت السيجارة بتاعتك كام % تبغ و كام % خشب
رد قالهم هوا ايه التبغ داا؟؟؟؟؟؟؟:yeah: