الموضوع: ليه اخترت هيونداى ؟؟؟؟

المشاركة الأصلية كتبت بواسطة Inteltech

انا لسه مجبتش هيونداي بس مسالة ايام واجيبها ان شاء الله بدل العربية اللي معايا او احتفظ بالاتنين على حسب الظروف ادعولنا بس هقول عن تجربتي مع هيونداي انا جربت بس 3 موديلات فيها الصراحة اولها الالنترا الاوتوماتيك 2008 وكانت بنفس السنة وبقدر اقول انها كانت بالنسبة لي على الاقل انعم واريح بالسفر وبفضلها عن اللانسر والغريب اني كنت بحس سحبها وفراملها احسن من اللانسر لنفس السنة 2008 وده بالشركة
التجربة التانية كانت مع الاكسنت الشكل القديم ودي محبتهاش ابدا وحسيتها الصراحة عربية عن نفسي شايف الفيرنا احسن منها بمراحل
اجي بقى للتجربة الاخيرة واللي بتيجي كل فترة كده تخاطيف لما مش الاقي قدامي بالشركة الا الفيرنا او التريوس باخد الفيرنا وبصراحة العربية دي سفاحة من الاخر في تسارعها بامانة انا مش بعرف اجيب تسارعها وطلعتها بالالماني بس بنظري احسن من التريوس اللي ثمنها 3 مرات من حيث السحب والتسارع والسيطرة والفرامل ودي تجربتي معها لحد دلوقتي ولسه عايز اجرب الالنترا الجديدة والاكسنت اربي علشان احدد ايهم انسب بالنسبة لي واسف على الاطالة وشكرا

باذن الله تمتلكها رسمى وتبقى من نجوم هيونداى
احنا بنعمل اكل فى القسم مالوش حل لعلمك ده غير السلطات
بس بامانة انا باحب الفيرنا جدا وحاسة انى لما ابيعها هاجيب فيرنا برده بس ار بى

المشاركة الأصلية كتبت بواسطة ashraf_ibrahim

بس حاليا انا وهي شيء واحد متحرك نتحرك مع بعض ونقف مع بعض
لدرجة لما باكل بيها مطب او حاجة بحس ان المطب دا جه فيا مش فيها لدرجة اني بقول أي مع المطب اساسا واللي جنبي يقلي ايه فيه ايه؟!
اقله لا دا مطب بس :d
بعشقها الحقيقة ومقدرش اخبي عشقي ليها
:copy of m-s5:

اولا منور الموضوع ولو انك اتاخرت فى الرد انا قلت انت هاتبقى اول رد بس يللا مش مشكلة
الجزء ده بقى كانك بتتكلم عنى بالظبط
انا كمان باتعامل معاها على انها صحبتى بجد والله

الحقيقة ياكريم تجربتك تدل على الصبر والمعاناة وبذل الجهد المضنى للتخلص من الفورد هههههههههههههه
بامانة هى عربيات هيونداى تتحب او يمكن القرد فى عين اصحابه مش عارفين بالظبط لكن واضح جدا ان من يمتكل تلك الماركة بيحبها على طول
نورت الموضوع

انا بقي كنت هجيب تويوتا كورها 2006 لان الكورلا لايعلي عليها وعشان مفرتكش كل الفلوس اللي معايا
المهم ساعة ما نويت لقيت الكورلا سعرها ضرب في العالي قلت خالص اجيب جديد واتوكل علي الله كان نفسي في هيونداي جيتز لكن قلت دي شبابيه وانا عاوز سيارة عائلية وبعدين سعر الجيتز تزود عليه وتجيب نيو اكسنت
وطبعا ساعه مناويت عليها ملقتهاش ولقيت اكسنت سبور بصراحه محبتهاش في الشكل وكنت يوميها عند المصرية قلتله هي دي موديل 2012 قلي لأ هما نزلو اربي بس تمنها 96 الف اتوماتيك مبالغ فيه خد دي احسن (عاوز يبيع وخلاص)

الحمد لله اني بتقل قوي في شراء العربيات مشترتش وكمان مكنتش بعت الاسكودا فيلشيا 98 اللي معايا
وفكرت شوية لغايه مشفتها تخيلوا معجبتنيش خالص معرفش ليه بصراحة قلت ايه القرف ده هي كان لونها برونزي او نحاسي كده وكاملة وبعد كام شهر شوفتها وخطفت قلبي (قلت بيني وبين نفسي معقول دي الليانا شوفتها طب ازاي )وكمان كنت محتار بنها وبين الكارينز والالنترا بس الفلوس بقي

والحمد لله اشتريت اكسنت ار بي نبيتي

المشاركة الأصلية كتبت بواسطة amagroup

انا بقي كنت هجيب تويوتا كورها 2006 لان الكورلا لايعلي عليها وعشان مفرتكش كل الفلوس اللي معايا
المهم ساعة ما نويت لقيت الكورلا سعرها ضرب في العالي قلت خالص اجيب جديد واتوكل علي الله كان نفسي في هيونداي جيتز لكن قلت دي شبابيه وانا عاوز سيارة عائلية وبعدين سعر الجيتز تزود عليه وتجيب نيو اكسنت
وطبعا ساعه مناويت عليها ملقتهاش ولقيت اكسنت سبور بصراحه محبتهاش في الشكل وكنت يوميها عند المصرية قلتله هي دي موديل 2012 قلي لأ هما نزلو اربي بس تمنها 96 الف اتوماتيك مبالغ فيه خد دي احسن (عاوز يبيع وخلاص)

الحمد لله اني بتقل قوي في شراء العربيات مشترتش وكمان مكنتش بعت الاسكودا فيلشيا 98 اللي معايا
وفكرت شوية لغايه مشفتها تخيلوا معجبتنيش خالص معرفش ليه بصراحة قلت ايه القرف ده هي كان لونها برونزي او نحاسي كده وكاملة وبعد كام شهر شوفتها وخطفت قلبي (قلت بيني وبين نفسي معقول دي الليانا شوفتها طب ازاي )وكمان كنت محتار بنها وبين الكارينز والالنترا بس الفلوس بقي

والحمد لله اشتريت اكسنت ار بي نبيتي

الف مبروك عليك بامانة انا باحبها اوى العربية دى ونفسى اغير قريب واشتريها بقى
بس لما ربنا يفرجها شوية وظروف البلد تستقر
لكن قوللى بقى انت رايك فيها ايه يعنى ناعمة برده ومريحة وايه اللى مش عاجبك فيها
يعنى تقرير على السريع كدة ومبروك مرة تانية