الموضوع: ليه اخترت هيونداى ؟؟؟؟

المشاركة الأصلية كتبت بواسطة dolly13

الف مبروك عليك ويارب تكون مبسوط بالعربية

ان شاء الله. اديني هاجرب العربيه اهو و هابقى اقولكو ايه اخبار العربيه دي بس بعد تجربة طويله شويه!!!

انا بقى قصتي مختلفة شوية انا كان معايا زي ما باين من بياناتي بيجو 505 موديل 80 تخيلوا وكان كل شوية عند كهرائي ومرة عند عفشجي ومرة عند ميكانيكي وبلعكس تخيلو اقفل الباب المساحات تشتغل .. يا جماعة ده كانت جايبة الخفيف للي بيركب معايا ....
فأنا كنت بين خيارين أجيب عربية زيرو أو اشتري شقة لأني مش ساكن في شقتي هيا شقة والدي في الأساس ... على فكرة انا بأشتغل مأمور ضرائب أيوة مرتب بالمقارنة بناس تانية يعتبرالحمد لله كويس بس انا متزوج وعندي طفلين واكيد عارفين البامبرز والسيريلاك وخلافه أستخرت الله ونويت على العربية فكنت محتار زي حيرتكم مرة جين2 ومرة بيرسونا وأخيرأ نويت على اللوجان عربية مازلت حتى الآن بأحترمها ولكن حصلت حاجة غريبة حصلت ثورة 25 يناير وقلت اكيد احنا اننعزل عن العالم ومش هلاقي قطع غيار فتوكلت على الله واشتريت الفيرنا وتخيلوا العربية الوحيدة الي ما فكرتش فيها بس لقيتها منتشرة وقطع غيار متوفرها ... وهيا لحد دلوقتي معقولة يعني مش مبهرة زي ما بتحكوا عنها على أساس اني متعود على الأوربي ... بس الحمد لله ولكن إن شاء الله لما هايكون معايا مبلغ هاغير .. ولكن الميزة الكبيرة انها عرفتني على ناس محترمة جدا زيكم .
انا عارف إني طولت عليكم .

مبروك على الفيرنا

يخيل الي ان من الافضل طرح السؤال التالي:
ايهما افضل في العموم السيارات الدايو ام السيارات الهيونداي
وانا كركيب دايو قديم اكيد هنحاز للدايو لآني ركبت اللانوس والنوبيرا والليجانزا وكلهم كانوا كويسين وركبت في الهيونداي الفيرنا والماتريكس والالنترا 2005 بس بصراحة الدايو تحس كده انهم بيعملوها علشان موديلاتها تعيش معاك ومتحسش انك بقيت قديم