الموضوع: ليه اخترت هيونداى ؟؟؟؟

المشاركة الأصلية كتبت بواسطة bunsh_fox

حب من أول نظرة ! ><فلة><
بيتهيألى دى اسرع والخص قصة فى موضوع ....

مبروك عليك فلة وفعلا هى تحفة
ربنا يباركلك فيها

موضوع جميل جدا يا استاذه دولي

انا اشتريت عربيتي بعد طلعان عين اهلي في العربيات المستعملة وروحت حجزت اسبيرانزا 516 لان كان شكلها عاجبني اوي وكمان واسعه وعاليه عن الارض وبعدين اتصلوا بيا في المعرض وقالولي ان موافقة البنك جت وتعالي خلص الاجراءات علشان تاخدها قولتلهم تمام اوي

ورايح في نفس اليوم شقتي في اكتوبر وماشي علي الدائري بالغندورة ال 128 وفاجأة لقيت عربية 132 خبطت اسبيرانزا قدامي في اخر طالعه في المحور اتجاه اكتوبر والخبطه كانت خفيفة مش جامده ولقيت اكصدام الاسبيرانزا اتقسم نصفين ومن ساعتها قررت اني الغيها ومرضيتش اروح اكمل اجرائتها ورسيت في الاخر علي الفيرنا بعد ما سئلت كام واحد من جيراني واصحابي معاهم فيرنا وشكرولي فيها جدا والحمد لله القرار كان صائب وانا خلاص بقيت انا وفيفي زي عمر وسلمي كدا عمرهم ما هيفترقوا ابدا حتي بعد الجزء الرابع من الفيلم اللي بيحضرولو دلوقتي هههههههههه